Arakae Ɨporu Guasu ou yave, ¿kia retapa oendu yandeYa iñee?

Noé oiko yave jeta yae oyapo ikavimbae vae Génesis 6:5

Adán jare Eva oñemuñama, jare oimema jeta Ɨvɨpe. Jayave, amogüe ángel reta oñemopüavi Tumpa kotɨ jare omoiru Satanás.

Jae reta ogüeyɨ Ɨvɨpe jare oyembojete kuimbae rami omenda vaerä kuña reta ndive. Jaeramo kuña reta imembɨ jare jókuae michia reta ipïrata yae jare yavaete yaeko, mɨmba pochɨ vae rami.

Jökorai Ɨvɨ oñemotɨnɨe gente reta oyapo ikavimbae vae. Tumpa Iñee jei: “Kuimbae reta imbaeyoa jeiete yaema ɨvɨpe, ipɨa iyemongeta jekuaekuae mbaeyoa kotɨ reteiño.”

Noé oendu yandeYa iñee jare oyapo metei arca Génesis 6:​13, 14, 18, 19, 22

Noéko jae metei kuimbae jupi vae. Jehová jei Noépe omokañɨta opaete pochɨ vae reta Ɨporu guasu rupi.

Tumpa jeivi Noépe toyapo metei barco tuicha vae, arca jee vae, jare toike japɨpe jëtara reta ndive. Omoingetavi japɨpe opaete mae mɨmba reta.

Noé omombeu ïru vae retape outako metei ama guasu, ërei mbaetɨ oendu reta chupe. Amogüe reta opuka jese, irü vae reta iyarasɨ ikotɨ.

Opama oyapo arca yave omoinge japɨpe mɨmba reta.