¿Mbaepa ndepuere reupitɨ Jesús omano rupi?

Jesús omano yandepuere vaerä yaupitɨ tekove opambae vae Juan 3:​16

Mboapɨ ara Jesús omano güire, amogüe kuña reta ojo oñeñotɨape jare mbaetɨ oväe jetegüe. Jehová omboekoveye Jesús omanogüe reta ipɨtegüi.

Jaɨkue rupi Jesús oyekuaa jemimondo retape.

Jesús oyemboekoveye yave oikoma metei ángel imbaepuere vae jare ngaraaetei ipuere omano. Jemimboe reta oecha chupe oyeupi arape.

Tumpa omboekoveye Jesús jare oñono Mburuvicha Guasurä Daniel 7:​13, 14

Jesús omee jekove omboepɨ vaerä ɨvɨ pegua reta mbaeyoa jare manogüi (Mateo 20:​28). Yandepuere yaupitɨ tekove opambae vae Tumpa omee taɨ yandere ramo.

Jehová oiparavo Jesús mburuvicharä oñangareko vaerä Ɨvɨre. Oiparavovi 144.000 ɨvɨ pegua reta iñeerendu vae omoiru vaerä. Jae retako oikota arape oyemboekoveye yave. Jesús jare jókuae 144.000 oyapo metei gobierno jupi vae, jaeko Tumpa iporookuaía ani Tumpa igobierno (Revelación [Apocalipsis] 14:​1-3).

Tumpa igobierno oyapota Ɨvɨ metei paraíso. Mbaetɨtama ñeraro, parapiti, mbaravete ani karuai reta. Opaete yaikota yerovia reve (Salmo 145:​16).