¿Këraipa ndepuere reiko yerovia reve nderëtara ndive?

BIBLIA JEI VAE

“Oyeroviako opaete oyeapɨsaka Tumpa iñee re vae reta, jare oyapo jae jei vae reta.” (Lucas 11:28, Tumpa Iñee.)

MAERAPA IKAVI NDEVE GUARÄ REIKUAA

Peväeta mboraɨu añete vae (Efesios 5:28, 29).

Peyomboeteta yerovia reve (Efesios 5:33).

Peyererovia katu reve peikota (Marcos 10:6-9).

MBAE MBAEREPA YANDEPUERE YAROVIA BIBLIA JEI VAERE

Kuape yaechata mokoï mbaere:

• YandeRu omboɨpɨ tëtara. Biblia jei “opaete tëtara [...] jese oikove” (Efesios 3:14, 15). Jókuae oipota jei tëtara reta oiko yandeRu oipota rupi. ¿Maerapa ikavi yaikuaa katu kuae?

  Eyemongeta güɨramoi nde reu reï tembiu jeë ngatu yae vae jare reipota reikuaa këraipa oyeapo, ¿kiapepa reparanduta? ¡Jókuae oyapo tembiu!

  Jökoraivi, reipota reikuaa yave mbaepa reyapota reiko yerovia reve nderëtara ndive, reechatako mbaepa jei Jehová, tëtara reta Apoa (Génesis 2:18-24).

• YandeRu oñemoambeko nderé. Ikavi yaeko tëtara reta peguarä oeka yandeRu iyarakuaa iñee pe, echa jae oipota “oyangareko [...] peré” (1 Pedro 5:6, 7). Jehová añetete oipota ikavigüe vae tëtara reta peguarä. ¡Jare jae jei vae jekuae avei oyembopo! (Proverbios 3:5, 6; Isaías 48:17, 18).