¿Kia ipopepa oime kuae mundo?

BIBLIA JEI VAE

“Aña guasu güɨnoi mbaepuere opaete ɨvɨ re.” (1 Juan 5:19, Tumpa Iñee.)

“Tumpa Taɨ oyeapo kuimbaerä omboai vaerä aña guasu iparavɨkɨ.” (1 Juan 3:8).

MAERAPA IKAVI NDEVE GUARÄ REIKUAA

Jësakata ndeve maerapa oime mbaeavai kuae mundope (Apocalipsis 12:12).

Reikuaata maerepa ndepuere reäro metei mundo ikavi vae (1 Juan 2:17).

MBAE MBAEREPA YANDEPUERE YAROVIA BIBLIA JEI VAERE

Kuape yaechata mboapɨ mbaere:

• Satanás igobierno oñemboaita ko. Jehová mbaetɨtama oeya Satanás güɨnoi ɨvɨ pegua reta ipope. Jae güɨrökuavee “omoamɨri vaerä aña guasu” jare oñono kavi yeta opaete mbae omboai vae (Hebreos 2:14).

• Jesucristo jae ko Mburuvicha Guasu Tumpa oiparavo vae. Jesus mbaetɨ ko jae kuae mundo mburuvicha rami ipɨapïrimbae vae jare ipɨakaviä vae. Tumpa jeima këraitapa Cristo igobierno: “Toiparareko tomae paravete jare oata mbae chupe vae re, [...] Toepɨ mborombotavɨ jare maepïro güi” (Salmo 72:13, 14).

• Tumpa mbaetɨko ipuere iyapu. Yande Ya Iñee ko jei “Tumpa ngaraa etei iyapu” (Hebreos 6:18). Jehová jei yave metei mbae, ¡oyapotako! (Isaías 55:10, 11). Jare iñee oë iyurugui vae ko jae, “Aña, kuae ɨvɨ juvicha oyemombo ma ko” (Juan 12:31).