YEMBOE 02
Biblia omee yandeve esperanza ikavi vae
Opaete ɨvɨ rupi jeta kia reta güɨnoi yemboavai reta oiporarauka chupe vae: mbaerasɨ jare mbɨatɨtɨ, ¿reasa pa nde jökorai? Ipuere ko nde reiporara mbaerasɨ jeko pegua ani kia reaɨu vae omano ndegüi jare reparandu ndeyeupe “¿Kërai yave ra opata kuae?” Ërei Biblia pe oime respuesta reta yandemboyerovia vae.
1. ¿Mbae esperanza pa omee yandeve Biblia?
Biblia omombeu yandeve oime jeta yemboavai reta jare omoësaka maera pa, jare jei vi mbaetɨta ma kuae yemboavai reta. Biblia omopromete yandeve vae oechauka yaiko kavita kuri pe jare omee yandeve esperanza (emongeta Jeremías 29:11, 12). Biblia jei vae yandemborɨ ñamoaguanta vaerä yemboavai reta ñanoi vae yerovia reve jare omoësaka yandepuereta yaiko jekuae avei pegua.
2. ¿Mbae pa omombeu Biblia oasata kuri vae re?
Biblia yandemboe kuri “ngaraa ye kia omano, ani ipɨatɨtɨ, ani oyaeo ani mbae jasɨ” (emongeta Apocalipsis 21:4). Opaete vae güɨnoita jembiurä, mbaetɨta ma kia iparavete, opaete yaikota yerovia reve paraíso ɨvɨ pe.
3. ¿Mbae pa yandemborɨta yarovia katu vaerä Biblia jei vae re?
Añave rupi kia reta oäro jeta mbaembae, ërei mbaetɨ oikuaa güɨnoita ko oäro vae. Ërei mbaetɨ ko jökorai Biblia ndive. Opaete Biblia omopromete vae, oyeapota ko. Yayemongeta kavi Tumpa iñee re yave yandepuere yarovia Tumpa iñee jei vae añetete ko (Hechos 17:11).
YAIKUAA KATU VAERÄ
Yaecha amogüe promesa reta Biblia pe oï vae oasata kuri vae re. Jókuae esperanza añave omborɨ jeta kia reta.
4. Esperanza Biblia pe oyekuatía oï vae yandemboyerovia, yandepuereta yaiko kavi jekuae avei pegua
Biblia güɨnoi jeta promesa reta, ¿mbae nunga pa ndeveguarä má ikavi ete? jare ¿maera pa?
Pemongeta promesa reta Biblia pe oï vae jare pemiari kuae re:
¿Rerovia pa kuae esperanza Biblia pe oyekuatía oï vae ndemborɨta? Kuae esperanza, ¿ipuere ra omborɨ nerëtara ani neamigo reta? Nde, ¿mbae pa rere?
Eyemongeta reiko ma körai:
NGARAA YE KIA... |
OPAETE ƗVƗ RUPI... |
|---|---|
|
|
|
|
|
|
|
|
|
|
5. Promesa reta kuri peguarä yandemboyerovia ko
Jeta kia reta ipɨatɨtɨ oecha yave mbaeavai reta oime kuae ɨvɨ pe vae. Amogüe kia oipota tëi oipoepɨ oime vae kuae ɨvɨ pe. Ërei yandepuere ñamae Biblia pe jókuae promesa omborɨ oï jeta kia reta añave. Pemae VIDEO re jare peyemongeta jese:
Kuae video pe yaecha vae, ¿mbae mbae pa omoambeko jare omboarasɨ Rafika?
Yepe tëi jekuaeño oime jeta mbaeavai reta, ¿kërai pa omborɨ Rafika Biblia pe oyemboe vae?
Biblia omee yandeve esperanza ikavi vae kuri peguarä, jare ñanemoäta ngatu ñamoaguanta vaerä mbaeavai reta yerovia reve. Pemongeta Proverbios 17:22 jare Romanos 12:12 jare peyemongeta jese:
¿Mbae pa rere, esperanza Biblia omee vae, ndemborɨta ra?
AMOGÜE RETA JEI VAE: “Biblia omopromete vae ndayeño ko”.
¿Maera pa reyemongeta ikavi ete ko reeka vaerä añetete vae?
YAYEMBOE MA VAE
Biblia güɨnoi promesa reta yandemboyerovia vae, jökorai ñanoi esperanza jare yandepuere yaiko kavi yepe tëi oime ñanoi jeta mbaeavai reta.
Emoësaka
¿Maera pa gente reta omonecesita oikuaa vaerä Tumpa omopromete vae?
¿Mbae pa omombeu Biblia oasata kuri vae re?
¿Kërai pa ndemborɨ añave rupi Biblia omopromete vae?
EEKA KUAE
Aprenda más sobre el poder que tiene la esperanza.
“Esperanza: ¿dónde hallarla?” (¡Despertad!, 22 de abril de 2004)
Descubra cómo la esperanza ha ayudado a los que tienen que vivir con una enfermedad crónica.
“¿Puede la Biblia ayudarnos a sobrellevar una enfermedad?” (Artículo de jw.org)
Al ver este video musical, imagínese con su familia disfrutando de la vida en el Paraíso que promete la Biblia.
Lea cómo cambió la vida de un activista cuando conoció la esperanza que da la Biblia.
“Ya no siento la necesidad de cambiar el mundo” (La Atalaya, 1 de julio de 2013)