¿Mbae pa oasa ñamano yave?

¿Omano pa ndegüi kia reaɨu vae? Jökorai reasa yave, güɨramoi reparandu ndeyeupe: “¿Mbae pa oasa ñamano yave? ¿Yaecha yeta pa kia omano yandegüi vae?”. Kuae jare ïru yemboe pe yayemboeta kërai Biblia yandembopɨakatu kia omano yave yandegüi.

1. ¿Mbae pa oasa ñamano yave?

Jesús omboyovake ñamano vae, yake ñaï rami. Kia oke yave mbaetɨ oyandu mbae oasa oï vae iyɨvɨri rupi. Biblia yandemboe kia omano yave mbaetɨ ma oyandu mbae jasɨ chupe vae. Biblia jei “omanogüe reta mbaetɨ etei mbae oikuaa” (emongeta Eclesiastés 9:5).

2. ¿Kërai pa yandemborɨ Biblia omboe vae mano regua?

Jeta kia reta okɨɨye mano güi jare omanogüe vae reta güi. Biblia yandemboe vae mano regua yandembopɨakatu. Jesús jei: “añete vae peyorata ko” (Juan 8:32). Amogüe religión reta omboe kia omano yave, iä ani iespíritu jekuaeño oikove, ërei Biblia mbaetɨ yandemboe jókuae. Kia omano yave mbaetɨ oiporara oï. Echa, omanogüe reta mbaetɨ etei mbae oikuaa, jáeramo mbaetɨ ipuere marai yandeapo. Jáeramo mbaetɨ omonecesita yayerure jese yambopɨakatu ani yamboete vaerä.

Amogüe kia reta jei ipuere imiari omanogüe reta ndive. Ërei, jókuae mbaetɨ ko añetete. Yayemboe ma, omanogüe reta “mbaetɨ etei mbae oikuaa”. Kia reta güɨrovia imiari omanogüe reta ndive vae, ipuere ko aña reta ndive imiari oï, mbaetɨ ko omanogüe reta ndive. Yaikuaa yave añete vae mano regua, yandeangareko aña reta güi. Jehová jei yandeve agüɨye vaerä yaeka ñanemiari omanogüe reta ndive, echa jae oikuaa aña reta ipuere oyapo ikavimbae vae yandeve (emongeta Deuteronomio 18:10-12).

3. Yayemboe añetete vae mano regua

Opaete ɨvɨ rupi oyoavɨ güɨrovia reta mbae pa oasa kia omano yave. Ërei, opaeteiä ko jei vae añete.

• Nde reikoa pe ¿mbae pa güɨrovia reta, kia omano yave?

VIDEO: ¿Qué le pasa a la gente cuando muere? (fragmento) (1:19)

Pemongeta Eclesiastés 3:20 jare peyemongeta jese:

• Versículo jei rami, ¿mbae pa oasa kia omano yave?

• Kia omano yave, ¿jekuaeño pa oikove iä ani iespíritu?

Biblia omombeu Lázaro, Jesús iamigo, imano re. Jesús jei rami ¿kërai pa oï Lázaro omano yave? Pemongeta Juan 11:11-14 jare peyemongeta jese:

• ¿Mbae ndive pa Jesús omboyovake mano?

• ¿Mbae pa yandemboe kuae kia omano vae re?

• ¿Ikavi pa ndeve Biblia yandemboe vae mano regua?

4. Biblia yandemboe vae mano regua yandeyora

Yayemboe añete vae mano regua yandeyora yakɨɨye vae omano vae reta güi. Pemongeta Eclesiastés 9:10 jare peyemongeta jese:

• Omanogüe reta ¿ipuere ra ko oyapo ikavimbae vae yandeve?

Biblia yandemboe vae yandeyora agüɨye mo yarovia, yamboete jare yambopɨakatu omanogüe reta. Pemongeta Isaías 8:19 jare Apocalipsis 4:11, jare peyemongeta jese:

• ¿Kërai pa oñemosiente Jehová kia reta omboete jare oeka yave omanogüe reta iyemborɨ?

5. Yandembopɨakatu añetete vae yaikuaa yave mano regua

Jeta kia reta güɨrovia oiporara yaeta ko omano yave, ikavimbae oyapo vae re oikove oiko ramboeve. Ërei yandembopɨakatu yaikuaa yave ngaraa kia ave oiporara omano güire. Yepe tëi oyapose ikavimbae yae vae. Pemongeta Romanos 6:7 jare peyemongeta jese:

• Biblia jei rami kia omano yave oyeyora ma imbaeyoa güi. Jayave ¿rerovia pa omanogüe reta oiporara ñogüɨnoi mbaeyoa oyapogüe re?

Má yaikuaa Jehová yave, yaikuaa katu ngaraai oiporarauka omanogüe reta pe. Pemongeta Deuteronomio 32:4 jare 1 Juan 4:8, jare peyemongeta jese:

• Tumpa iporoaɨu vae ¿oipota ra oiporarauka omanogüe reta pe?

• ¿Rerovia pa añetete vae mano regua yandembopɨakatu? ¿Maera pa?

YAYEMBOE MA VAE

Kia omano yave, joko peño ma opa jekove. Omanogüe reta mbaetɨ oiporara ñogüɨnoi jare mbaetɨ vi ipuere oyapo ikavimbae vae oikove vae reta pe.

Emoësaka

• ¿Mbae pa oasa ñamano yave?

• ¿Kërai pa yandeyora yaikuaa yave añete vae mano regua?

• ¿Kërai pa yandembopɨakatu yaikuaa yave añete vae mano regua?

EEKA KUAE

Descubra lo que realmente significa la palabra alma en la Biblia.

“¿Qué es el alma?” (Artículo de jw.org)

Vea si Dios castiga a la gente mala en el infierno.

¿Es el infierno un lugar de tormento? (3:07)

¿Hay que tenerles miedo a los muertos?

Espíritus de difuntos... ¿pueden ayudar a uno?, ¿o causarle daño? ¿Existen, realmente? (Folleto)

Conozca a un hombre al que le consoló saber la verdad sobre la muerte.

“Me impresionaron las respuestas claras y lógicas de la Biblia” (La Atalaya, 1 de febrero de 2015)