¿Mbae pa jei Biblia jaegüɨrai oiko vae jare omenda vae re?

Amogüe tëta tëta rupi, kia reta oyemongeta oyerovia katu vaerä omendata ko. Ërei mbaetɨ opaete omenda vae reta oyerovia katu jare mbaetɨ vi opaete jaegüɨrai vae reta oyerovia katuä. Jare Biblia jei omenda vae reta jare jaegüɨrai vae reta oyovake ipuere oiko yerovia reve.

1. ¿Maera pa ikavi jaegüɨraiño oiko vae?

Biblia jei: “jaegüɨrai vɨteriño vae reta pe jare imemano vae reta pe [...] jaekavi tëi ko agüɨye vaerä omenda” (emongeta 1 Corintios 7:8, 32, 33). ¿Maera pa Biblia jei “jaekavi tëi ko” agüɨye vaerä omenda? Cristiano reta jaegüɨrai vae mbaetɨ ko oyemoambeko omboyerovia vaerä ime ani jembireko. Jáeramo güɨnoi má tiempo oyeokuai vaerä Jehová pe, jaenunga vi amogüe reta ipuere oyakavo ïru tëta pe omoërakua vaerä ñee ikavi vae. Jare má ikavi ete vae jaegüɨrai vae reta güɨnoi má tiempo omomɨ̈rata vaerä iamistad Jehová ndive.

2. ¿Maera pa ikavi ñamenda vaerä registro civil pe?

Jaegüɨrai vae reta rami omenda vae reta ipuere yogüɨreko yerovia reve. Biblia jei “mókoi vae, ikavi yae ko jaeño vae güi” (Eclesiastés 4:9). Jökorai oasa omenda vae reta ndive ërei má ikavi oyapo yave Biblia jei vae. Legalmente omenda vae reta omopromete oyangareko päve oyoupe mboroaɨu jare respeto reve. Jáeramo jae reta jare taɨ reta má ikavi yogüɨreko, kia reta mbaetɨ omenda vae reta güi.

3. ¿Mbae pa oyemongeta Jehová menda re?

Iyɨpɨ ete pe Jehová omomenda yave Adán jare Eva, jei: “kuimbae oeya tu jare ichɨ, oyogüɨreko vaerä jembireko ndive” (Génesis 2:24). Jehová oipota kuimbae jare kuña omenda vae oyoaɨu jare oyogüɨreko metei ramiño oiko ramboeve. Jaeño ipuere oyembodivorcia oime yave aguasa. Tumpa omaeño imenda ïru jekombae vae oiparavo oyembodivorcia vaerä (Mateo 19:9).a Jehová oipota ko metei ndiveño ñamenda (1 Timoteo 3:2).

YAIKUAA KATU VAERÄ

4. Emboaprovecha kavi jaegüɨrai reiko ramboeve

Jesús peguarä oiko jaegüɨrai, jae ko metei regalo ikavi ete vae (Mateo 19:11, 12). Pemongeta Mateo 4:23 jare peyemongeta jese:

• Oyeokuai vaerä Tu pe jare omborɨ vaerä ïru reta, ¿kërai pa Jesús omboaprovecha kavi jaegüɨrai oiko vae?

Cristiano reta jaegüɨrai oiko vae ipuere oiko yerovia reve omboaprovecha yave oiko omendambae, Jesús rami. Pemae VIDEO re jare peyemongeta jese:

VIDEO: Solteros que imitan a Cristo (3:16)

• Cristiano jaegüɨrai vae reta, ¿kërai pa ipuere oyapo Jesús oyapo rami?

¿Reikuaa pa?

Biblia mbaetɨ jei mbovɨ año renoita remenda vaerä. Ërei, jei yandeve ñamenda vaerä mbaetɨ taɨrusu ete yave, echa taɨrusu ete vae güɨnoi täta deseos sexuales jare kuae omboavai oiparavo kavi vaerä (1 Corintios 7:36, TNM).

5. Eiparavo kavi nemenda ïrurä vae

Reiparavo vaerä kia ndive remendata vae jae ko metei mbae má ikavi ete reyapota vae. Pemongeta Mateo 19:4-6, 9 jare peyemongeta jese:

• ¿Maera pa metei cristiano oyemongeta kavita ndei omenda mbove?

Biblia ipuere ndemborɨ reikuaa vaerä mbae teko kavi güɨnoita remendata vae ndive. Ërei má ikavi ete vae, nemenda ïru toaɨu Jehová.b Pemongeta 1 Corintios 7:39 jare 2 Corintios 6:14. Javoi peyemongeta jese:

• ¿Maera pa metei cristiano omendata kia oyeokuai Tumpa pe vae ndive?

• ¿Mbae pa omosiente Jehová remenda yave kia mbaetɨ oyeokuai chupe vae ndive?

6. Eecha menda Jehová oecha rami

Israel iara rupi, amogüe reta oyembodivorcia jembireko güi iyeiño oyemoambeko ramo. Pemongeta Malaquías 2:13, 14, 16 jare peyemongeta jese:

• ¿Maera pa Jehová omotareɨ kia oyembodivorcia mbaetɨ yave aguasa?

Pemae VIDEO re jare peyemongeta jese:

VIDEO: El matrimonio: una unión para toda la vida (4:30)

• Nemenda ïru mbaetɨ oaɨu yave Jehová, ¿mbae pa ndepuere reyapo reiko vaerä yerovia reve nemenda pe?

7. Neñeereendu Jehová iporookuai reta re menda regua

VIDEO: Jehová nos ayuda a obedecer sus normas sobre el matrimonio (4:14)

Pemongeta Hebreos 13:4 jare peyemongeta jese:

• ¿Rerovia pa yandepuere yayapo Jehová iporookuai reta menda regua? ¿Maera pa reyemongeta jökorai?

Jehová oipota kia omenda vae ani oyembodivorcia vae oikuatiauka registro civil pe, kuae ko jae mburuvicha reta iley jei vae opaete seri ɨvɨ rupi. Pemongeta Tito 3:1 jare peyemongeta jese:

• Nde remenda vae, ¿remenda pa legalmente registro civil pe?

YAYEMBOE MA VAE

Jaegüɨrai yaiko ani ñamenda yave yandepuere yaiko yerovia reve yayapo yave Jehová jei vae. Kuae ko metei regalo Tumpa omee yandeve vae.

Emoësaka

• ¿Kërai pa metei kia ipuere omboaprovecha kavi jaegüɨrai oiko ramboeve?

• ¿Maera pa Biblia jei metei cristiano omendata ko kia oyeokuai Tumpa pe vae ndiveño?

• Biblia jei rami, ¿kërai yaveño pa kia ipuere oyembodivorcia?

EEKA KUAE

¿Qué significa casarse solamente “en el Señor”?

“Preguntas de los lectores” (La Atalaya, 1 de julio de 2004)

Conozca dos historias sobre el noviazgo y el matrimonio que pueden ayudarle a tomar buenas decisiones.

Cómo prepararse para el matrimonio (11:53)

Descubra por qué un hermano está convencido de que Jehová le ha dado algo mucho más valioso que lo que dejó atrás.

Tenía la esperanza de que ella aprendiera la verdad (1:56)

Antes de pensar en el divorcio o en la separación, ¿qué debería tener en cuenta un cristiano?

“Honremos ‘lo que Dios ha unido’” (La Atalaya, diciembre de 2018)