YEMBOE 45
¿Mbae pa ko neutralidad?
Jesús omboe jemimboe reta “ɨvɨ peguaä ma ko” (Juan 15:19). Jókuae oechauka oiko neutrales, jáeramo, mbaetɨ omborɨ ani omae kavi política ani ñeraro guasu re. Ërei ámope yavai yaiko vaerä neutrales. Echa ipuere ko yandeyóyai jókuae re. ¿Kërai pa yaiko neutrales jare yayeko avei Jehová re?
1. ¿Mbae pa yayemongeta cristiano añetete vae mburuvicha reta ɨvɨ pegua re?
Cristiano añetete vae reta yamborespeta mburuvicha reta. Jesús jei: “Pemee César pe César imbae”. Jare jökorai yayapo: ñaneñeereendu yave mburuvicha iley jei vae, jáeramo yamboepɨ impuesto reta (Marcos 12:17). Biblia omboe Jehová omaeño mburuvicha reta omogobierna (Romanos 13:1). Yande yaikuaa Jehová iGobierno tuicha yae, ïru mburuvicha reta ɨvɨ pegua güi. Jáeramo yarovia katu Tumpa iReino oñono kavita mbaeavai reta ɨvɨ pe oime vae.
2. ¿Kërai pa yaechauka yande ko neutrales?
Jesús rami, yande mbaetɨ yaike política pe. Kia reta oecha Jesús oyapo yave metei milagro oipota oñono reta mburuvicharä ɨvɨ pe, ërei jae oipotaä (Juan 6:15). ¿Maera pa? Jae jei: “Cheporookuaía kuae ɨvɨ peguaä ko” (Juan 18:36). Cristiano añetete vae reta yaechauka jeta mbaembae pe yaiko neutrales. Metei ejemplo, mbaetɨ yaja ñeraro guasu pe (emongeta Miqueas 4:3). Yepe tëi yamborespeta símbolos patrios—bandera rami—, ërei mbaetɨ yamboete Tumpa rami (1 Corintios 10:14). Jare mbaetɨ vi yayeko ani ñañemopüa metei partido político ani mburuvicha reta kotɨ. Jökorai yaechauka jaeño yarovia katu Tumpa iReino re.
YAIKUAA KATU VAERÄ
Yayemboe amogüe mbaembae reta ipuere omboavai vae yandeneutralidad jare yaecha kërai pa ndepuere reiparavo kavi remboyerovia vaerä Jehová.
3. Cristiano añetete vae reta jae ko neutrales
Yande yayemboe Jesús jare jemimboe reta oyapo vae rupi. Pemongeta Romanos 13:5-7 jare 1 Pedro 2:13, 14. Javoi pemae VIDEO re jare peyemongeta jese:
¿Maera pa yamborespetata mburuvicha reta?
¿Kërai pa yaechauka respeto mburuvicha reta pe?
Oime yave ñeraro guasu, amogüe tëta guasu reta jei jae ko neutrales, ërei omborɨ oyovaicho vae reta. ¿Jökorai oechauka pa neutralidad añetete vae? Pemongeta Juan 17:16. Javoi pemae VIDEO re jare peyemongeta jese:
¿Mbae pa ko neutralidad?
Ámope mburuvicha reta yandeókuai yayapo vaerä mbae ikavimbae Tumpa peguarä vae. ¿Mbae pa yayapota? Pemongeta Hechos 5:28, 29. Javoi pemae VIDEO re jare peyemongeta jese:
Mburuvicha reta iley yandeókuai yave ñaneñeereenduä vaerä Tumpa pe, ¿mbae pa yayapota?
¿Kërai yave pa cristiano añetete vae reta iñeereenduä mburuvicha reta iley pe?
4. Eechauka neutralidad reyemongeta jare mbae reyapo yave
Pemongeta 1 Corintios 10:14. Javoi pemae VIDEO re jare peyemongeta jese:
¿Maera pa Ayenge oipotaä oike partido político pe jare agüɨye omoparticipa ceremonias patrióticas, ejemplo saludo bandera pe?
¿Ikavi ra oyapo vae? ¿Nde mbae pa rere?
¿Mbae ïru ye pa ipuere omboavai yandeneutralidad? Pemae VIDEO re jare peyemongeta jese:
¿Kërai pa yaechauka neutralidad oime yave campeonato ïru tëta guasu reta ndive?
¿Kërai pa yaechauka neutralidad mburuvicha reta iley yandemboavai ani yandemborɨ yave?
¿Kërai pa ïru reta jare yaendu vae noticia pe ipuere omboavai yandeneutralidad?
¿Mbae re pa cristiano añetete vae oechauka neutralidad omopiensa jare oyapo vae rupi?
AMOGÜE RETA OPARANDU VAE: “¿Maera pa mbaetɨ reike partido político pe?”.
¿Mbae pa rereta?
YAYEMBOE MA VAE
Cristiano añetete vae reta oñemomɨ̈rata oiko vaerä neutral política pe, jare jókuae oechauka imiari yave, omopiensa vae jare oyapo vae rupi.
Emoësaka
¿Mbae re pa ñaneñeereenduta mburuvicha reta ɨvɨ pegua pe?
¿Maera pa yaiko neutrales política pe?
¿Mbae mbae pa ipuere omboavai yandeneutralidad?
EEKA KUAE
¿Qué sacrificios puede que tengamos que hacer con tal de ser neutrales?
¿Cómo pueden prepararse las familias con antelación para situaciones que pongan a prueba su neutralidad?
Para muchos, defender la patria es el mayor honor que alguien puede tener, ¿pero es eso así?
¿Cómo demostramos que no somos parte del mundo cuando tomamos decisiones relacionadas con el empleo?
“Cada uno llevará su propia carga de responsabilidad” (La Atalaya, 15 de marzo de 2006)