LESSON 46
¿Maera pa ikavi ñamee yanderekove Jehová pe jare yayembobautisa?
Kia omee yave jekove Jehová pe, omopromete chupe yerure rupi omboeteta jaeño jare ombotenondeta Tumpa oipota vae jekove pe (Salmo 40:8). Jare, oyembobautisa ma yave, ïru reta oecha omee ma jekove Jehová pe. Ñamee yanderekove Jehová pe yave jae ko má ikavi ete vae yandepuere yayapo vae. ¿Mbae pa nemokɨ̈reɨta reyapo vaerä jókuae?
1. ¿Mbae pa ñanemokɨ̈reɨ ñamee vaerä yanderekove Jehová pe?
Yaaɨu Jehová ramo ñanemokɨ̈reɨ ñamee vaerä yanderekove chupe (1 Juan 4:10, 19). Biblia jei: “Eaɨu ndeYa Tumpa [Jehová] opaete ndepɨa reve, opaete nderekove ndive, opaete ndeyemongeta ndive jare opaete nepɨ̈rata ndive” (Marcos 12:30). Yandeporoaɨu Jehová re oyekuaa yayapo jare yayemongeta vae rupi. Kuimbae jare kuña oyoaɨu vae rami oipota omenda, jökorai vi yande yaaɨu yave Jehová yaipota ñamee yanderekove chupe jare yayembobautisa.
2. ¿Mbae bendiciones pa omee Jehová iTestigos oyembobautisa ma vae pe?
Reyembobautisa yave, reikota ma Jehová jëtararä, oyerovia yae vae. Jayave reechata Tumpa iporoaɨu jare reyemboya katuta jese (emongeta Malaquías 3:16-18). Ñanoita Jehová yandeRurä, jare ñanoita vi hermano reta opaete ɨvɨ rupi. Jae reta oaɨu Tumpa jaenunga vi nderaɨu (emongeta Marcos 10:29, 30). Ndei reyembobautisa mbove reikuaa kavita, reaɨuta ko Jehová jare reechaukata ndeporogüɨrovia Taɨ re. Javoi, reyerure Jehová pe remee vaerä chupe nderekove. Reyapo yave jókuae jare reyembobautisa, ndepuereta reiko avei yerovia reve. Tumpa Iñee jei: “peyemboasauka peyembobautisauka yave” (1 Pedro 3:21).
YAIKUAA KATU VAERÄ
Yaecha maera pa ikavi ete ko remee vaerä nderekove Jehová pe jare reyembobautisa.
3. Metei ñavo yaiparavo kia peño yayeokuaita
Israel arakae pegua, amogüe reta oyemongeta ipuere oyeokuai Jehová pe jare tumpa raanga Baal jee vae pe. Ërei mbaetɨ ko ikavi. Jáeramo Jehová omondo iprofeta Elías ombosɨmbi vaerä. Pemongeta 1 Reyes 18:21 jare peyemongeta jese:
¿Mbae pa oiparavo oyapo vaerä israelita reta?
Israelita reta rami, yande jaenunga vi yaiparavota ko yayeokuai Jehová peño ani mbaetɨ. Pemongeta Lucas 16:13 jare peyemongeta jese:
¿Maera pa yandepuereä yamboete päve Jehová jare ïru mbaembae reta?
¿Mbae pa yayapota Jehová oecha vaerä yaiparavo ma ko chupeño yamboeteta vae?
4. Emopiensa kërai Jehová täta nderaɨu
Jehová omee yandeve jeta mbaembae ikavigüe. ¿Yande mbae pa yandepuere ñamee chupe? Pemae VIDEO re.
¿Kërai pa Jehová oechauka ndeve iporoaɨu? Pemongeta Salmo 104:14, 15 jare 1 Juan 4:9, 10, jare peyemongeta jese:
Opaete regalo Jehová omee yandeve vae güi, ¿mbae nunga pa má ikavi ndeve?
Remopiensa yave kuae regalo reta re, ¿mbae pa remosiente Jehová re?
Kia omee yave yandeve metei regalo yaipota vae, ñanekɨ̈reɨ ñamee vaerä yasoropai chupe. Pemongeta Deuteronomio 16:17 jare peyemongeta jese:
Ndepɨayemongeta yave opaete mbaembae Jehová omee ndeve vae re, ¿nekɨ̈reɨ pa remee chupe amogüe mbae? ¿Mbae ra remeeta chupe?
5. Ñamee yave yanderekove Jehová pe ñanoita jeta bendición reta
Jeta kia reta güɨrovia güɨnoi yave fama, metei profesión ani jeta korepoti oikota yerovia reve. ¿Añetete ra jókuae? Pemae VIDEO re jare peyemongeta jese:
Kuae kuimbae video pe omomora oyuvanga pelota pe, ¿maera pa oeya icarrera?
Jae oiparavo oeya fútbol jare omee jekove Jehová peño. Oiparavo vae, ¿ikavi ra? ¿Maera pa?
Ndei oyeapo mbove cristiano, Pablo güɨnoi metei carrera ikavi yae vae. Jare jae oyemboe metei kuimbae jërakua yae vae ndive ley judía re oporomboe vae. Ërei oeya opaete oiko vaerä cristiano. ¿Ombopɨatɨtɨ ra oyapo vae? Pemongeta Filipenses 3:8 jare peyemongeta jese:
¿Maera pa Pablo jei oyapo vae ndei oyeapo mbove cristiano “ɨtɨ rami ko”?
¿Mbae pa oupitɨ oeya ramo oyapogüe?
¿Reiko kavita ra reyeokuai yave Jehová pe? ¿Maera pa remopiensa jökorai?
Pablo oyeapo yave cristiano, güɨnoi jeta bendición reta oeya ramo oyapogüe.
AMOGÜE RETA JEI VAE: “Añetete jókuae ayemboe vae, ërei ndei aipota ayembobautisa”.
¿Ikavi ra remee vaerä nderekove Jehová pe jare reyembobautisa? ¿Maera pa?
YAYEMBOE MA VAE
Yandeporoaɨu Jehová re ñanemokɨ̈reɨ ñamee vaerä yanderekove chupe jare yayembobautisa.
Emoësaka
¿Maera pa jupi ko yaaɨu vaerä Jehová opaete yandepɨa reve jare yamboete?
¿Mbae bendiciones pa omee Jehová iTestigos oyembobautisa ma vae?
¿Reipota pa remee nderekove Jehová pe?
EEKA KUAE
Vea por qué una cantante y un deportista decidieron dedicarse a Jehová.
Los jóvenes preguntan... ¿Qué haré con mi vida? Al mirar atrás... (6:54)
Descubra más razones para dedicarse a Jehová.
“¿Por qué hay que dedicarse a Jehová?” (La Atalaya, 15 de enero de 2010)
Vea en este video musical la alegría de quienes se dedican a Jehová.
Lea por qué una mujer se replanteó sus prioridades en la biografía “Durante años me pregunté para qué estamos aquí”.
“La Biblia les cambió la vida” (La Atalaya, 1 de noviembre de 2012)