Eiparavo kavi ndeamigo reta

Ñanoi yave amigo reta añetete vae yandemboyerovia, jare yandemborɨ yaasa yave mbaeavai rupi. Ërei, eyeandu katu, Biblia jei mbaetɨ ko opaete kia reta ikavi yandeamigorä. Jayave, ¿kërai pa ndepuere reiparavo kavi ndeamigo reta? Eyemongeta kuae marandu reta re.

1. ¿Kërai pa ndeamigo reta ipuere oyapouka ndeve ikavi ani ikaviä vae?

Yaasa ñoi tiempo yave kia reta ndive ani internet rupi, mbegüe pe yayemongeta jare yayapo jae reta oyapo rami. Biblia jei: “Yarakuaa vae reta ndive oñemoïru vae, yarakuaata; ërei yarakuaambae reta ndive [kia reta mbaetɨ oaɨu vae Jehová] oñemoïru vae, oiporarata” (Proverbios 13:20). Amigo reta oaɨu jare omboete Jehová vae, ndemborɨta reyemboya katu vaerä jese jare reiparavo kavi vaerä. Ërei, reñemoïru yave kia reta mbaetɨ omboete Jehová vae ndive jae reta ndembosɨrɨta chugüi. Jáeramo Biblia yandemboarakuaa yaiparavo kavi vaerä yandeamigo reta. Yandeamigo reta oaɨu yave Jehová, yayomborɨ päveta, jökorai yandepuere yayapo kuae yemboarakuaa: “Peñomoäta ngatu päve jare peñemomɨ̈rata” (1 Tesalonicenses 5:11).

2. ¿Kërai pa oñemosiente Jehová amigo reta reiparavo vae ndive?

Jehová oiparavo kavi iamigo reta, jáeramo “oï jupi vae reta ndive”. Jae reta ko iamigo (Proverbios 3:32; Santiago 2:23). ¿Kërai pa oñemosiente Jehová ñañemoïru yave kia reta mbaetɨ omboete vae ndive? ¡Yambopɨatɨtɨ yaeta! (Emongeta Santiago 4:4). Ërei, mbaetɨ ñanoi yave amigo reta ikaviä vae jare yayemboya Jehová re jare oaɨu vae reta ndive, má yamboyeroviata Jehová jare yaikota iamigorä (Salmo 15:1-4).

YAIKUAA KATU VAERÄ

3. Eyeandu katu jeko kavimbae reta güi

Jeko kavimbae reta mbaetɨ oaɨu Tumpa jare mbaetɨ oyapo iporookuai jei vae. Pemae VIDEO re jare peyemongeta jese:

VIDEO: Cómo rechazar las malas compañías (6:17)

• Ámope, ¿kërai pa yaikuaambae reve ñañemoïru jeko kavimbae reta ndive?

Pemongeta 1 Corintios 15:33 jare peyemongeta jese:

• Ndeveguarä, ¿kia reta pa ipuere ko ikaviä ndeamigorä? ¿Maera pa?

Pemongeta Salmo 119:63 jare peyemongeta jese:

• ¿Kërai pa reikuaa kia ko ikavi ndeamigorä?

4. Yepe tëi yayoavɨ kia reta güi ipuere oiko yandeamigo añetete vae

Biblia imiari David jare Jonatán re, mókoi kuimbae reta arakae Israel pegua. Jonatán jae ko mburuvicha taɨ okuakuaa vae, ërei David taɨrusu yae, jae reta ko amigo añetete vae. Pemongeta 1 Samuel 18:1 jare peyemongeta jese:

• ¿Maera pa ikavi ñanoi amigo reta yepe tëi tenondegua ani taɨkuegua yandegüi?

Pemongeta Romanos 1:11, 12 jare peyemongeta jese:

• ¿Kërai pa oñemoata ngatu amigo reta oaɨu vae Jehová?

Metei taɨrusu, ¿kia pe pa oväe amigo ikavi ete vae oärombae reve? Pemae VIDEO re jare peyemongeta jese:

VIDEO: Hay amigos donde menos te lo esperas (5:06)

• Akil tu reta, ¿maera pa oyemoambeko amigo reta güɨnoi vae yemboe renda pe?

• Tenonde yave, ¿maera pa ikavi Akil pe jókuae iamigo reta?

• ¿Mbae pa oyapo oväe vaerä amigo ikavi vae?

5. Kërai ndepuere renoi amigo reta ikavi vae

VIDEO: ¿Qué es un amigo verdadero? (4:14)

Pemongeta Proverbios 18:24 jare 27:17, jare peyemongeta jese:

• ¿Kërai pa oyomborɨ päve amigo añetete vae reta?

• ¿Renoi pa amigo reta ikavi vae Proverbios jei rami? Mbaetɨ yave, ¿mbae pa reyapota reväe vaerä?

Pemongeta Filipenses 2:4 jare peyemongeta jese:

• Renoi vaerä amigo reta ikavi vae, nde reikota vi ko metei amigo ikavi vae rami. ¿Mbae pa reyapota?

YAYEMBOE MA VAE

Yaiparavo kavi yave yandeamigo reta, ikavi yandeve jare yamboyerovia Jehová.

Emoësaka

• ¿Maera pa Jehová oipota yaeka amigo reta añetete vae?

• ¿Mbae nunga amigo reta pa agüɨyeta ñanoi?

• ¿Kërai pa ndepuere täta reaɨu amigo reta añetete vae?

EEKA KUAE

Vea cómo nos pueden ayudar los amigos verdaderos en tiempos difíciles.

“Hagamos amistades fuertes antes del fin” (La Atalaya, noviembre de 2019)

Analice algunas sugerencias prácticas para hacer buenos amigos.

“¿Cómo son los buenos amigos?” (Lo que los jóvenes preguntan. Respuestas prácticas [volumen 1], capítulo 8)

¿Qué debería usted saber sobre los amigos virtuales?

Si usas las redes, no te enredes (4:12)

Lea en la biografía “Anhelaba tener un padre” por qué un hombre cambió de amigos.

“La Biblia les cambió la vida” (La Atalaya, 1 de abril de 2012)