Kërai pa ndepuere reiko yerovia reve nerëtara ndive (parte 2)

Michia reta jae ko regalo Jehová omee vae. Jae oipota tu jare ichɨ oyangareko kavi jókuae regalo re. Jáeramo omee yemboarakuaa reta ikavi vae tu jare ichɨ pe oyangareko vaerä imichia reta re. Jaeramiño vi omboarakuaa michia reta omborɨ vaerä tëtara yogüɨreko vaerä yerovia reve.

1. ¿Mbae yemboarakuaa reta pa omee Jehová tu jare ichɨ peguarä?

Jehová oipota tu jare ichɨ oaɨu imichia reta jare oyapo päve jeta mbaembae. Jaeramiño vi oyangareko avei jese oipotagüe mbae ikavimbae vae güi jare omboe Biblia jei vae re (Proverbios 1:8). Tumpa oyókuai tu jare ichɨ: “Jaeño pembokuakuaa pemboe kavi reve yandeYa [Jehová] re” (emongeta Efesios 6:4). Tu jare ichɨ omboyerovia Jehová ombokuakuaa yave imichia reta Biblia iyemboarakuaa rupi jare mbaetɨ oeya jókuae mbaravɨkɨ ïru kia reta pe.

2. ¿Mbae yemboarakuaa reta pa omee Jehová michia reta pe?

Jehová oyókuai michia reta “peñeereendu peru reta pe” (emongeta Colosenses 3:20). Michia omborespeta jare iñeereendu tu jare ichɨ pe yave, omboyerovia tu, ichɨ jare Jehová (Proverbios 23:22-25). Jesús iñeereendu katu vae ko michia yave. Yepe tëi iyoambae vae, iñeereendu jare omborespeta tu jare ichɨ (Lucas 2:51, 52).

3. ¿Mbae pa ipuere oyapo tëtara reta oyemboya katu vaerä Jehová re?

Renoi yave michia reta, reipota ko oaɨu Jehová nde reaɨu rami. ¿Kërai pa remborɨta? Biblia iyemboarakuaa jei rami: “Pemboaɨkuere yeta pere peraɨ reta pe, pemiarita jese [Jehová iñee] peï pero pe yave, tape rupi peguata peiko yave” (Deuteronomio 6:7). Pemboaɨkuere ye jae ko yamboe mbovɨ vese ye jókuae reño. Güɨramoi nde reechauka ye mbaembae reta nemichia reta pe imaendúa vaerä. Kuae texto jei vae oechauka nde reekata kërai remboe vaerä Jehová re nemichia reta. Jare, ikavi ete ko semana ñavo tëtara reta omboete päve Tumpa, oyemboe reve Biblia re. Mbaetɨ yave oime michia reta, ikavi ete ko reyemboe vaerä ndeño Biblia re.

YAIKUAA KATU VAERÄ

4. Emboe nemichia reta mboroaɨu reve

Yamboe vaerä michia reta ipuere ko yavai. ¿Kërai pa ipuere ndemborɨ Biblia? Pemongeta Santiago 1:19, 20 jare peyemongeta jese:

• ¿Kërai pa tu jare ichɨ ipuere oechauka mboroaɨu imichia reta pe imiari yave jae reta ndive?

• ¿Maera pa tu ani ichɨ agüɨyeta ombosɨmbi iyarasɨ reve imichia reta?a

5. Eyangareko nemichia reta re

Reyangareko vaerä nemichia reta re ikavi ete ko nemiari metei ñavo jae reta ndive sexualidad re. Ërei, ámope ipuere ko yavai. Pemae VIDEO re jare peyemongeta jese:

VIDEO: Proteja a sus hijos de lo que es malo (2:58)

• ¿Maera pa yavai amogüe tu jare ichɨ pe imiari vaerä sexo re imichia reta ndive?

• ¿Mbae pa omborɨ amogüe tu jare ichɨ imiari vaerä imichia reta ndive kuae re?

Biblia omombeu rami, Satanás güɨnoi ɨvɨ ipo pe ramo jeiete ikavimbae vae. Pemongeta 2 Timoteo 3:1, 13 jare peyemongeta jese:

• Versículo 13 omombeu rami amogüe kia reta jeko kaviä vae oyapo abuso sexual michia reta re. Jáeramo, ¿maera pa ikavi ete tu jare ichɨ omboe imichia reta sexualidad re? ¿Mbae pa ipuere oyapo oyangareko kavi vaerä abuso sexual güi?

¿Reikuaa pa?

Testigos de Jehová güɨnoi jeta ñeerɨru reta educación sexual regua, jökorai tu jare ichɨ ipuere omboe jare oyangareko imichia reta re. Kuae reta ko amogüe:

• Protejan a sus hijos (video)

• Aprendamos del Gran Maestro, capítulo 10 jare 32

• “Cómo hablar de sexo con su hijo” (¡Despertad!, núm. 5 2016)

6. Emborespeta nderu jare ndesɨ

VIDEO: Cómo hablar con tus padres (2:19)

• ¿Maera pa ikavi taɨrusu vae imiari respeto reve tu jare ichɨ ndive?

• ¿Kërai pa taɨrusu vae oechauka respeto tu jare ichɨ pe?

Pemongeta Proverbios 1:8 jare peyemongeta jese:

• Tu ani ichɨ oyókuai yave taɨrusu vae pe, ¿mbae pa oyapota?

7. Pemboete Jehová perëtara ndive

Testigos de Jehová semana ñavo oekɨ tiempo omboete päve vaerä Jehová jëtara ndive. ¿Kërai pa oyeapo jókuae? Pemae VIDEO re jare peyemongeta jese:

VIDEO: La adoración en familia: los obstáculos y los beneficios (8:04)

• ¿Mbae pa ndemborɨta remboete avei vaerä Jehová nerëtara ndive?

• ¿Mbae pa ipuere oyapo tu jare ichɨ omborɨ vaerä jëtara oyerovia katu vaerä omboete päve yave Jehová? (Emae imagen iyɨpɨ pe oï vae).

• ¿Renoi pa amogüe yemboavai remboete avei vaerä Jehová nerëtara ndive? ¿Mbae nunga pa?

Arakae yave, Jehová oipota israelita reta imiari ñoi jëtara ndive Tumpa Iñee re. Pemongeta Deuteronomio 6:6, 7 jare peyemongeta jese:

• ¿Kërai pa ndepuere reyapo yemboarakuaa jei rami?

Ndepuere reyapo vae nerëtara ndive:

• Peyemboe kavi peo vaerä yemboatɨ congregación pe.

• Pemongeta jare pemiari metei relato bíblico re ikavi ete perëtara pe vae.

• Renoi yave nemichia reta, embodescarga jw.org güi ani emboasa tupapire pe michia reta oyapo vaerä.

• Renoi yave taɨrusu vae reta, eeka metei artículo taɨrusu reta peguarä jw.org pe.

• Peyapo perëta pe metei relato bíblico rami.

• Pemae jare pemiari metei video re jw.org pegua.

YAYEMBOE MA VAE

Jehová oipota tu jare ichɨ oaɨu, omboarakuaa jare oyangareko kavi imichia reta re; michia reta tomborespeta jare tiñeereendu tu jare ichɨ pe, jare opaete jëtara tomboete päve Jehová.

Emoësaka

• Tu jare ichɨ, ¿kërai pa ipuere omboarakuaa jare oyangareko kavi imichia reta re?

• Michia reta, ¿kërai pa ipuere oechauka respeto tu jare ichɨ pe?

• ¿Maera pa ikavi yaekɨ tiempo semana ñavo yamboete vaerä Jehová ñanerëtara ndive?

EEKA KUAE

¿Qué lecciones prepararán a su hijo para la vida adulta?

“6 lecciones imprescindibles para sus hijos” (¡Despertad!, núm. 2 2019)

Lea algunos consejos prácticos para quienes cuidan de alguien mayor.

“¿Espera Dios que cuidemos a los padres cuando se hacen mayores?” (Artículo de jw.org)

Vea cómo un hombre que no sabía cómo criar a sus hijos se convirtió en un buen padre.

Jehová nos enseñó a educar a nuestros hijos (5:58)

Descubra cómo puede un padre llevarse mejor con sus hijos.

“¿Qué puede hacer un padre para no distanciarse de su hijo?” (La Atalaya, 1 de noviembre de 2011)