YEMBOE 52
Yaiparavo kavi yanderemimonde reta
Opaete ñanoi mbaembae ipöra yandeve vae yayemonde jare yayeapo katu vaerä. Opaete vae yandepuere yaiparavo ipöra yandeve vae jare vi yamboyerovia Jehová yayapo yave principio bíblico reta jei vae. Yayemboeta amogüe reta re.
1. ¿Mbae principio bíblico pa yandemborɨta yayemonde kavi vaerä?
Cristiano añetete vae oiparavota “temimonde ikavi vae omboete vaerä Tumpa, toyeapo katu ñemomichi jare iyarakuaa katu reve”. Jare oyemonde vae rupi oechaukata “omboete Tumpa vae rami” (1 Timoteo 2:9, 10, TNM). Emae irundɨ principio bíblico oyekuatía kuae texto pe vae. 1) Jehová jembiokuai reta metei ñavo güɨnoi mbae ipöra chupe vae, ërei oyemonde jare oyeavɨkɨ vae rupi oechauka omboete ko Jehová. 2) “Toyeapo katu ñemomichi reve” jae vi ko ngaraa omonde temimonde chutu, oyopɨ ani jete oyekuaa pɨpe vae. Yaipotaä kia reta yanderéño omae. 3) Yaechauka yandearakuaa katu mbaetɨ yave yamonde ani ñañono yandeyé mbaembae reta oyekuaa ramo vae. 4) Yayemonde vae rupi yaechauka avei yamboete ko Tumpa (1 Corintios 10:31).
2. ¿Maera pa yayemongetata ïru reta re yaiparavo yave yanderemimonde?
Yandepuere yaiparavo mbae yamondeta vae. Ërei yaiparavo kaviä yanderemimonde yave ipuere ko yamboavai ïru reta. Jáeramo ñañemomɨ̈rata agüɨye vaerä kia ave omae kaviä yanderé. Yayapo kuae yemboarakuaa: “Metei ñavo yamboyerovia yanderapicha ikavi vae rupi, ipɨ̈rata vaerä iporogüɨrovia pe” (emongeta Romanos 15:1, 2).
3. ¿Kërai pa yanderemimonde ipuere omokɨ̈reɨ kia reta oikuaa vaerä Jehová?
Ara ñavo ñañemomɨ̈rata yayemonde kavi vaerä, ërei má ikavi ete yaja yave yemboatɨ reta pe jare ñamoërakua yave. Yaipotaä yanderemimonde jare yayeapo katu vae omboavai ñee ikavi ñamombeu vae. Jaeño yaipota ñamokɨ̈reɨ ïru vae reta oyemboe añetete vae re (Tito 2:10).
YAIKUAA KATU VAERÄ
Yaecha kërai yayeangareko yanderemimonde jare yayeapo katu vae ikavi ko metei cristiano peguarä.
Kërai yayekuaa vae ipuere oechauka yamborespeta ko ïru reta güɨnoi vae autoridad. Yepe tëi Jehová omae yandepɨa re, ërei kërai yayekuaa vae oechaukata yamborespeta ko Jehová.
4. Yayemonde jare ikavi yayekuaa vae oechauka respeto Jehová pe
¿Maera pa yaipota yayeangareko kërai yayemonde vae re jare yayekuaa vae re? Pemongeta Salmo 47:2 jare peyemongeta jese:
Yaikuaa yave yamborepresenta ko Jehová, ¿kërai pa yandemborɨ yaiparavo kavi vaerä yanderemimonde?
¿Rerovia pa ikavi ete ko yayeangareko kërai yayemonde vae re yaja vaerä yemboatɨ pe jare ñamoërakua vaerä? ¿Maera pa reyemongeta körai?
5. Kërai pa yaiparavo kavita yanderemimonde jare kërai yayeapo katu vae
Mbaetɨ ikavi ete mbovɨ ra ko jepɨ yanderemimonde. Ërei má ikavi ete ko ikɨambae oï jare ikavi metei ñavo mbae yayapo vaerä. Pemongeta 1 Corintios 10:24 jare 1 Timoteo 2:9, 10. Javoi pemiari maera pa mbaetɨ peiporu temimonde...
... ipörambae vae, ikɨa ani osoro vae.
... chutu vae, oyopɨ vae ani jete oyekuaa pɨpe vae.
Yepe tëi cristiano reta mbaetɨ ma yayapo Moisés iLey jei vae, ërei kuae ley oechauka Jehová omopiensa vae. Pemongeta Deuteronomio 22:5 jare peyemongeta jese:
¿Maera pa ikaviä kuimbae oyemonde kuña rami ani kuña oyemonde kuimbae rami?
Pemongeta 1 Corintios 10:32, 33 jare 1 Juan 2:15, 16, jare peyemongeta jese:
Yayeapo katu vae ani kërai yayekuaa vae omboavai yave kia reta yaikoa rupi ani congregación pe, ¿mbae pa yayapota? ¿Maera pa?
¿Kërai pa oyemonde jare oyeapo katu kia reta reikoa rupi?
¿Amogüe temimonde reta güi ikavi ra metei cristiano peguarä? ¿Maera pa reyemongeta körai?
Yandepuere ambuaeyee ye yayemonde jare yayeapo katu, jaeramiño vi, yamboyerovia Jehová.
AMOGÜE RETA JEI VAE: “Che ayemonde aipota rami”.
¿Ikavi ra jókuae oyemongeta vae? ¿Maera pa?
YAYEMBOE MA VAE
Yaiparavo kavi yave yanderemimonde jare kërai yayeapo katu vae yaechauka respeto Jehová pe jare ïru kia reta pe.
Emoësaka
¿Maera pa ikavi ete Jehová pe kërai yayeapo katu vae?
¿Mbae principio bíblico reta pa ipuere yandemborɨ yaiparavo yanderemimonde jare kërai yayeapo katu vaerä?
¿Ipuere ra omboavai ani omborɨ yanderemimonde jare kërai yayeapo katu vae ïru reta oyemongeta vaerä Jehová iyemboete regua? ¿Kërai pa?
EEKA KUAE
Analice qué mensaje transmite su manera de vestir.
Descubra por qué hay que pensarlo bien antes de hacerse un tatuaje.
“¿Hay algo de malo en hacerse tatuajes?” (Artículo de jw.org)
Conozca otros principios que le pueden ayudar a tomar decisiones.
“¿Da gloria a Dios nuestra forma de vestir?” (La Atalaya, septiembre de 2016)
¿Cómo logró una mujer sincera ver con equilibrio la manera de arreglarse de los demás?
“El arreglo personal era mi piedra de tropiezo” (¡Despertad!, 22 de diciembre de 2003)