Eiparavo entretenimiento ikavi Jehová pe vae

Tumpa Jehová “oyerovia katu” (1 Timoteo 1:11, NTG). Jae oipota yaiko yerovia katu reve. Jaenunga vi oipota yaekɨ tiempo yaputuu kavi vaerä mbaravɨkɨ reta güi. Kuae yemboe pe yaechata mbae yayapota yayerovia vaerä, jökorai yaiporu kavi yandetiempo yamboyerovia vaerä Jehová.

1. ¿Mbae re pa ikavi ko ñanemaendúa ndei yaiparavo mbove yandeentretenimiento?

¿Mbae pa ipöra ndeve reyapo reputuu yave? Amogüe reta oiparavo opɨta jëta pe omongeta vaerä, oendu música, omae película ani oiporu internet. Amogüe reta ojo oguata matɨ, oɨtai ani oyuvanga iamigo reta ndive. Oipotagüe mbae yaiparavo yayapo vaerä vae, yayapota ko Tumpa oipota rami (Efesios 5:10). Ikavi ete ko yaikuaa kavi jókuae, echa jeta diversión reta ikavi kia reta pe vae Jehová omotareɨ, violencia, inmoralidad sexual ani espiritismo (emongeta Salmo 11:5). ¿Mbae pa yandemborɨta yaiparavo kavi vaerä?

Yaeka yave amigo reta oaɨu vae Jehová, jeko kavi reta yandemborɨta yaiparavo kavi vaerä yandeentretenimiento. Yayemboe ma yemboe 48 pe, “yarakuaa vae reta ndive oñemoïru vae, yarakuaata” ko. Ërei amogüe reta oyepokuaa oñemoïru kia mbaetɨ omborespeta vae Jehová iporookuai reta “oiporarata” ko (Proverbios 13:20).

2. ¿Maera pa ikavi yaiparavo mbovɨ tiempo yaiporuta entretenimiento pe?

Yepe tëi yandeentretenimiento ikavi ko, yayeangareko agüɨye vaerä yaiporu jeta tiempo. Jare jökorai yave, mbaetɨta ñanoi tiempo yayapo vaerä mbae ikavi ete vae. Biblia ñanemokɨ̈reɨ yaiporu kavi vaerä yandetiempo (emongeta Efesios 5:15, 16).

YAIKUAA KATU VAERÄ

Yaecha mbae ndepuere reyapo reiparavo kavi vaerä entretenimiento.

3. Agüɨye eiporu ndetiempo reyapo vaerä mbae ikaviä vae

¿Maera pa yaiparavo kavita? Pemae VIDEO re jare peyemongeta jese:

VIDEO: ¿Con qué debería divertirme? (4:39)

• Amogüe entretenimiento añave oime vae, ¿kërai pa oyovake arakae gladiador reta oyapo vae ndive?

• Video oechauka rami, ¿mbae pa oyemboe Danny entretenimiento re?

Pemongeta Romanos 12:9 jare peyemongeta jese:

• ¿Kërai pa yandemborɨ kuae versículo yaiparavo kavi vaerä yandeentretenimiento?

¿Mbae mbae reta pa Jehová omotareɨ? Pemongeta Proverbios 6:16, 17 jare Gálatas 5:19-21. Pemongeta ma yave texto reta, peyemongeta jese:

• Kuae texto omombeu vae, ¿mbae nunga pa oime añave rupi entretenimiento pe?

Kërai pa yaiparavo kavi entretenimiento

Eparandu ndeyeupe:

• ¿Mbae ra ko jókuae? ¿Jehová omotareɨ pa jókuae mbaembae?

• ¿Kërai yave pa? ¿Yandemboavai ra yayapo vaerä mbae ikavi ete vae?

• ¿Kia ndive pa? ¿Añemoïruta ra jeta tiempo kia mbaetɨ oaɨu Jehová vae reta ndive?

Yaasayepe vaerä yayembosɨrɨta ko ikavimbae vae güi. Jáeramo yayembosɨrɨta ko entretenimiento ipuere omboavai vae yandeamistad Jehová ndive.

4. Eiporu kavi ndetiempo

VIDEO: ¿En qué se le va el tiempo? (2:45)

• Hermano video pe yepe tëi mbaetɨ oyapo ikaviä vae, ¿maera pa ikaviä chupe kërai oiporu itiempo?

Pemongeta Filipenses 1:10 jare peyemongeta jese:

• ¿Kërai pa yandemborɨ kuae versículo yaiparavo vaerä mbovɨ tiempo yaiporuta yayapo vaerä ñamomora vae?

5. Eiparavo entretenimiento ikavi vae

Amogüe entretenimiento reta mbaetɨ ikavi Jehová pe, ërei oime jeta ikavi vae chupe, jare jókuae entretenimiento yandemboyerovia. Pemongeta Eclesiastés 8:15 jare Filipenses 4:8, jare peyemongeta jese:

• ¿Mbae nunga entretenimiento ikavi vae pa ipöra ndeve?

YAYEMBOE MA VAE

Jehová oipota yaiparavo entretenimiento ikavi vae jare yandemboyerovia vae.

Emoësaka

• ¿Mbae nunga entretenimiento pa agüɨyeta yayapo cristiano reta?

• ¿Maera pa ikavi yayeangareko mbovɨ tiempo pa yaiporu entretenimiento pe?

• ¿Reipota pa reiparavo entretenimiento Jehová pe ikavi vae? ¿Maera pa?

EEKA KUAE

Averigüe quién tiene la responsabilidad de elegir nuestro entretenimiento.

“¿Tienen los testigos de Jehová una lista de películas, canciones o libros prohibidos?” (Artículo de jw.org)

Lea cómo seleccionar bien sus diversiones y pasatiempos.

“¿Son sanas nuestras diversiones?” (La Atalaya, 15 de octubre de 2011)

Descubra por qué un hombre decidió dejar ciertas diversiones en la biografía “Me liberé de mis prejuicios”.

“La Biblia les cambió la vida” (La Atalaya, 1 de febrero de 2010)

Vea qué decisión inteligente tomó una mujer sobre cierto entretenimiento relacionado con el mundo de los espíritus.

Rechace el entretenimiento que contiene ocultismo (1:59)