“Oyeokuai vae jeko kavi jare oyeandu katu reve vae” iparavɨkɨ

Jesús jae ko congregación cristiana güɨroata vae (Efesios 5:23). Kuae ara rupi, Jesús güɨroata ara güi jemimboe reta ɨvɨ pe ñogüɨnoi vae “oyeokuai vae jeko kavi jare oyeandu katu reve vae” rupi (emongeta Mateo 24:45). Jókuae “oyeokuai vae” Jesús etei oiparavo, jáeramo güɨnoi autoridad. Ërei ngatu, jekuaeño oyeokuai Cristo pe jare Cristo ihermano reta pe. ¿Kia pa ko jókuae “oyeokuai vae”? ¿Kërai pa oyangareko yanderé?

1. ¿Kia pa ko “oyeokuai vae jeko kavi jare oyeandu katu reve vae”?

Jehová oiporu avei metei kuimbae ani mbovɨ kuimbae reta güɨroata vaerä jembiokuai reta (Malaquías 2:7; Hebreos 1:1). Jesús omano güire, apóstol jare anciano reta Jerusalén pegua güɨroata congregación (Hechos 15:2). Jókuae ara rupi oyeapo rami, añave mbovɨ mi anciano reta—Testigos de Jehová güɨroata vae reta—omee tembíu espiritual jare güɨroata oñemoërakua vaerä. Kuae mbovɨ mi anciano reta jae ko “oyeokuai vae jeko kavi jare oyeandu katu reve vae iya [Jesús] oeya ipo pe” kuae mbaravɨkɨ (Mateo 24:45a). Opaete kuae kuimbae reta oyeparavo espíritu santo rupi jare oäro ñogüɨnoi omogobierna vaerä Cristo ndive iReino ara pegua pe, omano güire ɨvɨ pe.

2. ¿Mbae tembíu espiritual pa omee kuae oyeokuai vae?

Jesús jei kuae oyeokuai vae omeeta ïru cristiano reta pe “jembiurä iora pe kavi” (Mateo 24:45b). Tembíu yau vae ñanemomɨ̈rata rami, tembíu espiritual—Tumpa Iñee yandemboe vae—ñanemomɨ̈rata yayeokuai jupi rupi kavi Jehová pe jare yayapo vaerä Jesús yandeókuai vae (1 Timoteo 4:6). Kuae tembíu espiritual ñanoi yemboatɨ reta, yemboatɨ guasu reta, ñeerɨru reta jare video reta Biblia pegua rupi. Opaete kuae yandemborɨ yaikuaa vaerä Jehová oipota vae jare yandeamistad jae ndive oñemomɨ̈rata vaerä.

YAIKUAA KATU VAERÄ

3. Jehová jembiokuai reta oyapo opaete mbaembae jenda pe kavi

Jesús oyókuai Testigos de Jehová güɨroata vae reta pe omborɨ vaerä ïru jembiokuai reta pe oyapo kavi vaerä iparavɨkɨ. Siglo tenondegua pe congregación cristiana oyeapo rami. Pemae VIDEO re.

VIDEO: Jehová organiza a su pueblo (6:18)

Pemongeta 1 Corintios 14:33, 40 jare peyemongeta jese:

• Kuae texto jei rami, ¿Jehová oipota pa jembiokuai reta oparavɨkɨ metei ramiño? ¿Maera pa reyemongeta körai?

4. Oyeokuai vae oyapo katu ñamoërakua vae

Cristiano tenondegua reta ombotenonde avei omoërakua vae. Pemongeta Hechos 8:14, 25 jare peyemongeta jese:

• Siglo tenondegua pe, ¿kia reta pa güɨroata oñemoërakua vaerä?

• ¿Mbae pa oyapo Pedro jare Juan ïru apóstol reta oyókuai vae ndive?

Testigos de Jehová güɨroata vae reta peguarä ñamoërakua vae jae ko mbaravɨkɨ má ikavi ete vae. Pemae VIDEO re.

VIDEO: Nos concentramos en predicar (1:24)

Jesús jei ikavi ete ko ñamoërakua vaerä. Pemongeta Marcos 13:10 jare peyemongeta jese:

• Testigos de Jehová güɨroata vae reta peguarä ikavi yae ko ñamoërakua vaerä, ¿maera pa?

• ¿Maera pa ñamonecesita “oyeokuai vae jeko kavi jare oyeandu katu reve vae” oyapo katu kuae mbaravɨkɨ?

5. Oyeokuai vae yandereroata

Testigos de Jehová güɨroata vae reta omborɨ cristiano reta opaete ɨvɨ rupi. ¿Kërai pa oiparavo mbae omombeuta oyapo reta vaerä? Emae kërai oyapose cristiano tenondegua güɨroata vae reta. Pemongeta Hechos 15:1, 2 jare peyemongeta jese:

• ¿Amogüe cristiano siglo tenondegua pegua reta mbae re pa oyoaka?

• ¿Kia iyemborɨ pa oeka Pablo, Bernabé jare ïru cristiano reta omoësaka vaerä kuae yemboavai?

Pemongeta Hechos 15:12-18 jare 23-29, jare peyemongeta jese:

• Ndei oiparavo mbove, ¿cristiano siglo tenondegua pe mbae pa oyapo reta Jehová omborɨ vaerä? (Pemae versículo 12, 15 jare 28).

Pemongeta Hechos 15:30, 31 jare 16:4, 5, jare peyemongeta jese:

• ¿Mbae pa oyapo cristiano reta oendu yave cristiano tenondegua güɨroata vae reta oyókuai vae?

• ¿Kërai pa yaikuaa Jehová omobendice iñeereendu reta ramo?

Pemongeta 2 Timoteo 3:16 jare Santiago 1:5, jare peyemongeta jese:

• Testigos de Jehová güɨroata vae reta añave rupigua, ¿kia iyemborɨ pa oeka oiparavo kavi vaerä?

YAYEMBOE MA VAE

Testigos de Jehová güɨroata vae reta jae ko “oyeokuai vae jeko kavi jare oyeandu katu reve vae” Cristo oiparavo vae. Kuae oyeokuai vae güɨroata jare omee tembíu espiritual cristiano reta pe opaete ɨvɨ rupi oï vae.

Emoësaka

• ¿Kia pa oiparavo “oyeokuai vae jeko kavi jare oyeandu katu reve vae”?

• ¿Kërai pa oyangareko yanderé Testigos de Jehová güɨroata vae reta?

• ¿Nde rerovia pa Testigos de Jehová güɨroata vae reta jae ko “oyeokuai vae jeko kavi jare oyeandu katu reve vae”?

EEKA KUAE

Averigüe cómo se organiza el Cuerpo Gobernante para cumplir con su misión.

“¿Qué es el Cuerpo Gobernante de los Testigos de Jehová?” (Artículo de jw.org)

Descubra lo que hace el Cuerpo Gobernante para asegurarse de que el alimento espiritual que recibimos sea confiable.

La exactitud de nuestras publicaciones (17:18)

¿Qué opinan los miembros del Cuerpo Gobernante de la labor que Jesús les ha encargado?

Todo un honor (7:09)

¿Cómo se ve en nuestras reuniones y asambleas que Jehová dirige al Cuerpo Gobernante?

Jehová enseña a su pueblo (9:39)