Emborɨ ndecongregación

Opaete ɨvɨ rupi, jeta yae kia reta oyerovia katu reve omboete Jehová congregación reta rupi. Kuae cristiano reta oaɨu yae yemboarakuaa reta oñemee chupe vae, jare ikɨ̈reɨ ngatu reve omborɨ icongregación. ¿Jökorai pa reñemosiente ndecongregación pe?

1. ¿Kërai pa ndepuere remborɨ ndecongregación pe ndetiempo jare nepɨ̈rata ndive?

Opaete vae yandepuere yamborɨ yandecongregación pe. Metei ejemplo, ¿oime pa ndecongregación pe hermano indechi vae ani imbaerasɨ vae? ¿Ndepuere pa remborɨ reraja vaerä yemboatɨ pe? ¿Ani ndepuere pa reo regua vaerä mbaembae chupe ani remborɨ jëta pe? (Emongeta Santiago 1:27). Yandepuere vi yamborɨ yaitɨo jare ñañono kavi vaerä Salón del Reino. Mbaetɨ kia ave oyapouka yandeve kuae mbaembae reta; ñanekɨ̈reɨ ngatu reve yaipota yayapo yaaɨu ramo Tumpa jare yandehermano reta (Salmo 110:3).

Testigo reta oyembobautisa vae ipuere vi omborɨ congregación pe ïru mbaembae pe. Hermano reta oyapo vae Biblia jei rami ipuere ko oyeokuai oporogüɨrovia vae reta imborɨa rami jare, kuri, anciano rami. Opaete, hermano jare hermana reta, ipuere má omoërakua oyeokuai yave precursor rami. Amogüe Testigo reta omborɨ oyapo vaerä yemboatɨ renda oyemboete vaerä Jehová. Oime vi kia oyakavo vae ïru tëta pe omborɨ vaerä metei congregación omonecesita vae amogüe yemborɨ.

2. ¿Kërai pa yandepuere yamborɨ congregación yandekorepoti jare ïru mbaembae reta ndive?

Biblia jei: “Emboete yandeYa [Jehová] mbaembae renoigüe pe” (Proverbios 3:9). Yandeve ikavi ete yaiporu yandekorepoti jare ïru mbaembae reta yamborɨ vaerä yandecongregación jare ñamoërakua vaerä opaete ɨvɨ rupi (emongeta 2 Corintios 9:7). Jare ñamee vae rupi yamborɨ vi hermano reta oasa yave amogüe yemboavai. Jeta kia reta oñovatu ipuere rupi omee vaerä (emongeta 1 Corintios 16:2). Yemboatɨ renda pe oime mbaerɨru reta yandepuere vaerä ñamee yandepɨa pe oï vae ani ñamondo sitio de internet rupi jee vae donate.jw.org. Ñanoigüe ñamee vae rupi yandepuere yaechauka Jehová pe yaaɨu vae.

YAIKUAA KATU VAERÄ

3. Ndepuere reiporu mbaembae reta renoigüe

Jehová jare Jesús oaɨu oyerovia reve omee vae. Echa, Jesús omae kuña imemano iparavete vae oñemomɨ̈rata omee vaerä güɨnoigüe. Pemongeta Lucas 21:1-4 jare peyemongeta jese:

• ¿Ñameeta ra jeta korepoti yamboyerovia vaerä Jehová?

• ¿Kërai pa oñemosiente Jehová jare Jesús yandepɨa kɨ̈reɨ ngatu reve ñamee yave?

Peikuaa vaerä kërai oyeporuta korepoti ñamee vae, pemae VIDEO re. Javoi peyemongeta jese:

VIDEO: Una donación para Jehová (4:47)

• ¿Kërai pa omborɨ congregación reta pe opaete ɨvɨ rupi korepoti ñamee vae?

4. Yandepuere yaporomborɨ

Jehová jembiokuai reta arakae pegua omee korepoti ipɨa pe oï vae rupi, jaenunga vi ikɨ̈reɨ ngatu reve oparavɨkɨ oñono kavi vaerä yemboatɨ renda oyemboete vaerä Jehová. Pemongeta 2 Crónicas 34:9-11 jare peyemongeta jese:

• ¿Mbae pa oyapo israelita reta oyangareko vaerä “yandeYa [Jehová] jo” re, ani yemboatɨ renda oyemboete vaerä?

Peikuaa vaerä kërai oyapo kuae testigos de Jehová, pemae VIDEO re. Javoi peyemongeta jese:

VIDEO: Cuidemos nuestros lugares de adoración (3:31)

• ¿Maera pa ikavi ete ko ñanoi yandeSalón del Reino ikɨambae jare ikavi yae?

• ¿Kërai pa ndepuere remborɨ?

5. Hermano reta ipuere oñemomɨ̈rata güɨnoi vaerä má mbaravɨkɨ reta

Biblia omokɨ̈reɨ hermano reta oñemomɨ̈rata okuakuaa vaerä espiritualmente, jökorai ipuere oporomborɨ kavi congregación pe. Yaikuaa vaerä yaecha kuae hermano kërai oyapo, pemae VIDEO re. Javoi peyemongeta jese:

VIDEO: Hermanos, esfuércense por progresar en sentido espiritual (5:23)

• ¿Mbaembae pa oyapo Ryan okuakuaa vaerä espiritual jare má omborɨ vaerä congregación pe?

Biblia jei mbae pa ipuere oyapo hermano reta oipota vae oyeokuai oporogüɨrovia vae imborɨa reta jare anciano rami. Pemongeta 1 Timoteo 3:1-13 jare peyemongeta jese:

• ¿Mbae pa oyapota hermano reta oipota yave oyeokuai oporogüɨrovia vae imborɨa jare anciano rami?

• ¿Mbae pa ipuere oyapo jëtara reta? (Pemae versículo 4 jare 11).

• Hermano reta oñemomɨ̈rata yave oyapo vaerä Biblia jei vae, ¿maera pa ikavi congregación peguarä?

YAYEMBOE MA VAE

Jehová peguarä ikavi ñañemomɨ̈rata yamborɨ congregación yandetiempo, ñanepɨ̈rata jare mbaembae reta ñanoigüe pe.

Emoësaka

• ¿Kërai pa yandepuere yamborɨ congregación yandetiempo jare ñanepɨ̈rata ndive?

• ¿Kërai pa yandepuere yamborɨ congregación mbaembae reta ñanoigüe pe?

• ¿Kërai pa reipota remborɨ congregación pe?

EEKA KUAE

Descubra por qué Dios ya no espera que sus siervos den el diezmo.

“¿Qué dice la Biblia sobre el diezmo?” (Artículo de jw.org)

La Biblia les asigna ciertos papeles a los hombres bautizados. Pero ¿qué pasa si una hermana tiene que cumplir con alguno de esos papeles?

“El principio de autoridad en la congregación” (La Atalaya, febrero de 2021)

Conozca a algunos Testigos valientes que se desviven para que sus hermanos reciban las publicaciones.

Se distribuyen publicaciones bíblicas en el Congo (4:25)

Compruebe que los Testigos financiamos nuestra obra de manera diferente a como lo hacen otras religiones.

“¿Cómo se financia la obra de los testigos de Jehová?” (Artículo de jw.org)