YEMBOE 60
Jekuaeño embokuakuaa ndeporogüɨrovia
Reyemboe ramboeve Biblia re, reyemboe jeta mbaembae Jehová re. Jare jókuae ombokuakuaa ndeporoaɨu Tumpa kotɨ, jáeramo ipuere ko remee ma nderekove Tumpa pe jare reyembobautisa. Ërei ndei reyapo yave, ipuere ko reyepɨayemongeta reipota ma reyapo. Ërei reyembobautisa ma yave ndeporogüɨrovia jekuaeño tokuakuaa Tumpa kotɨ. Jare jekuaeño emomɨ̈rata ndeamistad Jehová kotɨ jekuae avei pegua. Ñamae këraita reyapo.
1. ¿Maera pa jekuaeñota remomɨ̈rata ndeporoaɨu Jehová kotɨ?
Jekuaeño yaparavɨkɨ täta ñamomɨ̈rata vaerä yandeporoaɨu Jehová kotɨ. ¿Maera pa? “Agüɨye vaerä yapia” jare yayembosɨrɨ chugüi (Hebreos 2:1). ¿Mbae pa yandemborɨta jekuaeño yayeokuai vaerä Jehová pe sɨmbi rupi? Ñamoërakua avei jare jekuaeño yaeka kërai má yayeokuai vaerä Tumpa pe (emongeta Filipenses 3:16). ¡Yayeokuai avei Tumpa pe vae jae ko ikavi ete yanderekove pe! (Salmo 84:10).
2. ¿Mbae pa jekuaeñota reyapo?
Yepe tëi opa ma reyemboe, nderekove Tumpa jembiokuai rami omboɨpɨ ramo ko. Tumpa Iñee jei opaete cristiano reta oyemondeta ko “teko ipɨau vae pe” (Efesios 4:23, 24). Reyemboe ñoi Tumpa Iñee re jare reo yave yemboatɨ congregación pegua, jekuaeño reikuaata Jehová regua jare jeko kavi reta re. Eeka kërai renoi vaerä Jehová jeko kavi reta. Jare remboyerovia vaerä Jehová jekuaeño eipoepɨ nderekove.
3. ¿Kërai pa ndemborɨta Jehová okuakuaa vaerä ndeporogüɨrovia?
Biblia jei: Tumpa etei omboapɨta pemboe vae, “pembojupita, pemomɨ̈ratata jare pemoäta ngatuta” (1 Pedro 5:10). Opaete yaiparavota yayapo vaerä ikavi vae ani ikaviä vae, ërei Jehová yandemborɨ yaiparavo kavi vaerä (Salmo 139:23, 24). Jae jei omeeta ndeve kɨ̈reɨ jare mɨ̈rata jekuaeño reyeokuai vaerä chupe sɨmbi rupi (emongeta Filipenses 2:13).
YAIKUAA KATU VAERÄ
Yaecha mbae pa reyapota jekuaeño okuakuaa vaerä ndeporogüɨrovia jare mbae pa omeeta ndeve Jehová.
4. Jekuaeño eyemongeta ndeamigo añetete vae ndive
Yerure jare yemboe Tumpa Iñee re ndemborɨ reiko vaerä Jehová iamigorä. ¿Kuae mbaembae ipuere ra ndemborɨ má reyemboya katu vaerä jese? ¿Këraita pa?
Pemongeta Salmo 62:8 jare peyemongeta jese:
Yerure ndepɨa güi oë vae ndemborɨta remomɨ̈rata vaerä ndeporoaɨu Jehová kotɨ. ¿Kërai pa ndepuere reyapo?
Pemongeta Salmo 1:2 jare peyemongeta jese:
Reyemboe jare reyepɨayemongeta Tumpa Iñee re vae ndemborɨta remomɨ̈rata vaerä ndeporoaɨu Jehová kotɨ. ¿Kërai pa ndepuere reyapo?
Ndeño reyemboe kavi vaerä Biblia re, ¿kërai pa ndepuere reyapo? Reikuaa vaerä, pemae VIDEO re. Javoi peyemongeta jese:
¿Mbae nunga yemboarakuaa video pegua ndepuere reyapo?
¿Mbae regua pa reipota reyemboe?
5. Eñono ndeyeupe reyapota vae
Reñono yave ndeyeupe reyapota vae Jehová peguarä, ndemborɨta jekuaeño okuakuaa vaerä ndeporogüɨrovia. Pemae VIDEO re jare peyemongeta jese:
¿Kërai pa omborɨ Cameron oñono iyeupe mbae oyapota vae?
Mbaetɨ opaete vae ipuere ojo ïru tëta kotɨ omoërakua vaerä. Ërei opaete yandepuere ñañono yandeyeupe mbae mbaravɨkɨ yayapota Tumpa peguarä. Pemongeta Proverbios 21:5 jare peyemongeta mbae pa reyapota...
... congregación pe.
... remoërakua yave.
¿Kërai pa ipuere ndemborɨ kuae versículo Biblia pegua reupitɨ vaerä reyapota vae?
Mbae ndepuere reyapo vae
Eyapo yerure ndepɨa güive.
Emongeta opaete Biblia.
Eikuaa kavi opaete hermano reta ndecongregación pegua.
Emboɨpɨ emboe Tumpa Iñee re.
Eiko precursor auxiliar ani regular rami.
Nde kuimbae, eñemomɨ̈rata reiko vaerä oporogüɨrovia vae reta imborɨa rami.
6. ¡Eyerovia añave jare kuri!
Pemongeta Salmo 22:26 jare peyemongeta jese:
¿Mbae pa reyapota reiko vaerä yerovia reve añave jare kuri?
YAYEMBOE MA VAE
Jekuaeño emomɨ̈rata ndeporoaɨu Jehová kotɨ jare eñono ndeyeupe mbae reyapota vae Jehová peguarä. ¡Jökorai reikota yerovia reve añave jare kuri!
Emoësaka
¿Maera pa rerovia katu Jehová ndemborɨ aveita reyeokuai kavi vaerä chupe?
¿Mbae pa ndepuere reyapo ndeporoaɨu Jehová kotɨ ipɨ̈rata vaerä?
¿Maera pa ikavi ete reñono ndeyeupe mbae reyapota vae rembokuakuaa vaerä ndeporogüɨrovia?
EEKA KUAE
¿Qué es más importante para Jehová: un extraordinario acto de devoción, o una trayectoria de fidelidad?
Hasta un siervo fiel de Jehová pudiera perder el entusiasmo. Descubra cómo recuperarlo.
¿Qué hace falta para ponerse metas espirituales y alcanzarlas?
“Fijémonos metas espirituales para glorificar al Creador” (La Atalaya, 15 de julio de 2004)
Vea por qué es fundamental ser un cristiano maduro, y cómo puede lograrlo usted.
“‘El gran día de Jehová está cerca’: avancemos hacia la madurez” (La Atalaya, 15 de mayo de 2009)