¿Kiapa Jesús?

Jehová ombou Jesús Ɨvɨpe 1 Juan 4:9

Yamboyerovia vaerä Jehová yaendutavi taɨpe, jaeko metei ángel imbaepuere yae vae. Jehová oyapo chupe arakae yave ndei Adán oyapo mbove.

Jaɨkue rupi, Jehová ombou kuae ángel oa vaerä metei virgengüi, María jee vae. Kuae sambiaɨ oa Belénpe jare oñembojee Jesús (Juan 6:​38).

Oiko yave Ɨvɨpe, Jesús oechauka jae ipɨakavi, oporoaɨu jare ipɨajorɨ, Jehová rami. Pɨa kɨɨyembae reve oporomboe añete vae Jehovágüi.

Yepe tëi Jesús oyapo ikavi vae, jeta omotareɨ reta vae 1 Pedro 2:​21-24

Religión ombotenonde vae reta omotareɨ Jesús, echa jae oechauka jae reta iyapu jare jeko kavimbae vae.

Jesús ombogüera imbaerasɨ vae reta jare omboekoveye amogüe omano vae reta.

Religión ombotenonde vae reta omokɨ̈reɨ Romaɨgua reta ombokaguai Jesúspe jare oyuka vaerä.