Biblia jeta yae omboe Tumpa iReino re. Jókuae Reino rupi, Jehová oyapota ipropósito ɨvɨ pe. Ërei ¿mbae pa ko Tumpa iReino? ¿Kërai pa yaikuaa omogobierna ma ko oï? ¿Mbae pa oyapo añave rupi? ¿Mbae pa oyapota kuri? Yemboe 31 güive 33 pe yayemboeta kuae marandu reta re.

1. ¿Mbae pa ko Tumpa iReino jare kia pa ko juvicha guasu?

Tumpa iReino jae ko metei gobierno Jehová oñono vae. Juvicha jae ko Jesucristo jare omogobierna ara güi (Mateo 4:17; Juan 18:36). Biblia jei Jesús re: “jae oikota [...] juvicha guasurä jekuae avei pegua” (Lucas 1:32, 33). Jae omogobernata opaete ɨvɨ re.

2. ¿Kia reta ndive pa omogobernata Jesús?

Jesús mbaetɨta omogobierna jaeño. Biblia jei kia reta “ñemuña, ñee, tëta jare tëtaguasu” pegua reta oporookuai retata (Apocalipsis 5:9, 10). ¿Mbovɨ kia reta pa ojo ara pe omogobierna vaerä Jesús ndive? Jesús oiko güive ɨvɨ pe, jeta kia reta oiparavo oyeapo vaerä Jesús jemimboerä. Ërei, jaeño 144.000 ojota ara pe omogobierna vaerä Jesús ndive (emongeta Apocalipsis 14:1-4). Opaete ïru cristiano reta yogüɨrekota ɨvɨ pe (Salmo 37:29).

3. ¿Maera pa Tumpa iGobierno má ikavi ete ïru gobierno kuimbae reta güi?

Amogüe mburuvicha reta oipota tëi oyapo mbae ikavi vae, ërei mbaetɨ güɨnoi mbaepuere oyapo vaerä. Jaɨkue rupi kuae mburuvicha reta oyepoepɨ, jare jekovia pe oike ïru mburuvicha mbaetɨ oyemoambeko kia reta re. Ërei Jesús, mburuvicha Tumpa iReino pegua, ngaraa eteita oyepoepɨ. Echa Biblia jei Tumpa “omopüata metei mborookuaía [ani gobierno] mbaetɨ eteita oyemboai vae” (Daniel 2:44). Jesús omogobernata opaete ɨvɨ re, mbaetɨta oporomboyoavɨ. Jae oporoaɨu vae ko, ipɨakavi jare jupi vae; omboeta kia reta oyapo vaerä jae oyapo rami (emongeta Isaías 11:9).

4. Tumpa iGobierno omogobernata opaete ɨvɨ re

Jesucristo güɨnoi mbaepuere omogobierna kavi vaerä oipotagüe ïru mburuvicha reta güi. Pemongeta Mateo 28:18 jare peyemongeta jese:

• ¿Maera pa Jesús imbaepuere omogobierna vaerä oyoavɨ kuimbae reta igobierno güi?

Kuimbae reta omogobierna metei tëtaguasu re jare mbovɨ tiempo rupiño. ¿Jökorai vi oasata pa Tumpa iReino ndive? Pemongeta Daniel 7:14 jare peyemongeta jese:

• Tumpa iReino ngaraa oyemboai ¿maera pa jókuae ikavi yandeve?

• ¿Maera pa ikavi yandeve omogobierna vaerä opaete ɨvɨ re?

5. Kuimbae reta igobierno oyepoepɨta ko

¿Maera pa Tumpa iGobierno oipoepɨta kuimbae reta igobierno? Pemae VIDEO re jare peyemongeta jese:

VIDEO: ¿Qué es el Reino de Dios? (fragmento) (1:41)

• ¿Mbae yemboavai reta pa oyapo kuimbae reta igobierno?

Pemongeta Eclesiastés 8:9 jare peyemongeta jese:

• ¿Ikavi pa ndeve Tumpa iGobierno oipoepɨ kuimbae reta igobierno? ¿Maera pa?

6. Mburuvicha reta Tumpa iReino pegua yandekuaa kavi

Yanderuvicha, Jesús, oikose ɨvɨ pe kuimbae rami, jáeramo ipuere “yandeparareko ko ñanepɨ̈ratambae re” (Hebreos 4:15). Jehová oiparavo 144.000 kuimbae jare kuña jupi vae reta, omogobierna vaerä Jesús ndive. Jókuae kia reta jae ko “ñemuña, ñee, tëta jare tëtaguasu” pegua reta (Apocalipsis 5:9).

• ¿Nemokɨ̈reɨ pa reyemongeta yave Jesús jare 144.000 omogobernata vae oikuaa kavi kërai yaiko vae? ¿Maera pa?

7. Tumpa iReino iporookuai reta má ikavi kuimbae iporookuai reta güi

Kuimbae reta igobierno oyapo amogüe mborookuai omborɨ jare oyangareko vaerä ïru kia reta. Tumpa iReino güɨnoi vi mborookuai reta jembiokuai reta yayapo vaerä. Pemongeta 1 Corintios 6:9-11 jare peyemongeta jese:

• ¿Kuimbae reta iñeereendu yave Tumpa iporookuai reta këraita ra yaiko?a

• ¿Jaekavi pa Jehová oipota jembiokuai reta iñeereendu iporookuai reta re? ¿Maera pa reyemongeta körai?

• ¿Kërai pa yaikuaa kia reta iñeereenduä vae kuae mborookuai reta re ipuere ko oipoepɨ jekove? (Pemae versículo 11).

YAYEMBOE MA VAE

Tumpa iReino jae ko metei gobierno añetete vae ara pegua jare omogobernata opaete ɨvɨ re.

Emoësaka

• ¿Kia reta pa omogobernata Tumpa iReino pe?

• ¿Maera pa Tumpa iReino má ikavi ete kuimbae reta igobierno güi?

• ¿Mbae pa oipota Jehová jembiokuai reta oyapo vaerä?

EEKA KUAE

Lea lo que Jesús enseñó sobre dónde estaría el Reino.

“¿Es el Reino de Dios algo que se lleva en el corazón?” (Artículo de jw.org)

¿Por qué prefieren los testigos de Jehová ser leales al Reino de Dios antes que a los gobiernos humanos?

Completamente a favor del Reino de Dios 1:44

Analice lo que dice la Biblia sobre las 144.000 personas que Jehová elige para reinar con Jesús.

“¿Quiénes van al cielo?” (Artículo de jw.org)

¿Qué convenció a una presa de que solo Dios puede lograr que haya justicia en el mundo?

“Aprendí cómo se solucionarán las injusticias” (¡Despertad!, noviembre de 2011)

Tumpa iReino omboɨpɨ omogobierna ara pe año 1914 pe. Jókuae año pe omboɨpɨ tiempo kuimbae reta igobierno oyemboai vaerä. ¿Kërai pa yaikuaa? Yayemboeta Biblia omombeu ma vae, añave oasa oï vae opaete ɨvɨ rupi jare kia reta jeko reta re año 1914 güive.

1. ¿Mbae pa Biblia omombeu ma vae?

Tembikuatía Daniel omombeu ma Tumpa iReino omboɨpɨta omogobierna “chiu año” oasa güire (Daniel 4:16, 17). Jaɨkue rupi Jesús imiari jókuae tiempo re, jei reve “judiombae vae reta […] iara”, jare omboe ndei vɨteri opa oasa (Lucas 21:24). Yaechata jókuae chiu año, opa año 1914 pe.

2. ¿Mbae pa oasa ɨvɨ rupi jare kërai pa kia jeko reta 1914 güive?

Jesús jemimboe reta oparandu chupe: “¿Këraita pa roikuaa reyu yeta ma vae regua jare kañɨtei regua?” (Mateo 24:3). Jesús omombeu oasata vae omboɨpɨ omogobierna yave ara pe Tumpa iReino mburuvicha guasu rami. Jae jei tëtaguasu reta oñerarota, oimeta karuai jare ɨvɨkana reta (emongeta Mateo 24:7). Biblia omombeu vi “ara taɨkuegua reta pe, mbaetɨ eteita ikavi teko reta” (2 Timoteo 3:1-5). Año 1914 güive jökorai yaecha ikavimbae vae ɨvɨ pe.

3. ¿Maera pa jeiete ikavimbae vae Tumpa iReino omboɨpɨ omogobierna güive?

Mbovɨ tiempo oasa Jesús omboɨpɨ omogobierna ara pe güive, Jesús oñeraro Aña guasu jare iaña reta ndive. Satanás oñemoamɨri jare Biblia jei rami, “oyemombouka ara güi opaete iaraɨgua reta ndive” (Apocalipsis 12:9, 10, 12). Aña guasu iyarasɨ yae echa oikuaa michi peguaño ma oikota. Jáeramo oiporarauka ɨvɨ pegua reta. ¡Jáeramo jeiete ikavimbae vae kuae ɨvɨ pe! Ërei Tumpa iReino omboaita opaete ikavimbae vae.

YAIKUAA KATU VAERÄ

4. Profecía Biblia pegua oechauka 1914 año ikavi ete vae

VIDEO: El Reino de Dios empezó a gobernar en 1914 (5:02)

Tumpa ombopaɨu Nabucodonosor mburuvicha guasu Babilonia pegua oasata kuri vae. Jókuae paɨu jare Daniel omoësaka jese vae, omombeu Nabucodonosor igobierno re jare Tumpa iReino re (Pemongeta Daniel 4:17).a

Pemongeta Daniel 4:20-26. Javoi pemae imagen reta pemoresponde vaerä marandu reta:

• A) ¿Mbae pa opaɨu Nabucodonosor? (Pemae versículo 20 jare 21).

• B) ¿Mbae pa oasata jókuae ɨvɨra ndive? (Pemae versículo 23).

• C) ¿“Chiu año” opa güire mbae pa oasata? (Pemae versículo 26).

Ɨvɨra Nabucodonosor opaɨu vae jare Tumpa iReino

PROFECÍA (Daniel 4:20-36)

Gobierno

A) Ɨvɨra tuicha yae vae

Gobierno oyemombɨta vae

B) “Peyasɨa kuae ɨvɨra” jare “toiko jökorai chiu año”

Gobierno oñemopüa ye vae

C) “Ndeporookuaía oñeñovatuñota ndeve”

Tenonde yave oyeapo vae:

• D) ¿Kia re ombojaanga kuae ɨvɨra? (Pemae versículo 22).

• E) ¿Kërai yave pa oyemombɨta igobierno? (Pemongeta Daniel 4:29-33).

• F) ¿Mbae pa oasa Nabucodonosor ndive “chiu año” oasa güire? (Pemongeta Daniel 4:34-36).

TENONDE YAVE OYEAPO VAE

Gobierno

D) Nabucodonosor, mburuvicha guasu Babilonia pegua

Gobierno oyemombɨta vae

E) Año 606 a.e.c.b Nabucodonosor oiko imbokere rami jare mbaetɨ ipuere omogobierna chiu año rupi

Gobierno oñemopüa ye vae

F) Nabucodonosor okuera jare omboɨpɨ ye omogobierna Babilonia pe

Mokoía oyeapo vae:

• G) ¿Kia reta re pa ombojaanga kuae ɨvɨra? (Pemongeta 1 Crónicas 29:23).

• H) ¿Kërai yave pa oyemombɨta igobierno reta? ¿Kërai pa yaikuaa jae reta mbaetɨ omogobierna Jesús oiko yave ɨvɨ pe? (Pemongeta Lucas 21:24).

• I) ¿Kia pe jare kërai yave pa omboɨpɨ ye kuae gobierno?

MOKOÍA OYEAPO VAE

Gobierno

G) Mburuvicha guasu reta Israel pegua omborepresenta Tumpa igobierno

Gobierno oyemombɨta vae

H) Jerusalén oyemboai año 607 pe a.e.c.; mburuvicha guasu reta Israel pegua mbaetɨ ma omogobierna 2.520 año rupi

Gobierno oñemopüa ye vae

I) Jesús omboɨpɨ omogobierna ara pe Tumpa iReino juvicha guasurä año 1914 pe

5. 1914 pe jeiete oasa ikavimbae vae opaete ɨvɨ rupi

Pemae VIDEO re.

VIDEO: En 1914 el mundo cambió de rumbo (1:10)

Jesús jei këraita ɨvɨ jae omogobierna ma oï yave. Pemongeta Lucas 21:9-11 jare peyemongeta jese:

• Profecía Biblia pe oyekuatía vae, ¿mbae nunga pa reecha jare reendu?

Apóstol Pablo omoësaka kërai kia reta jeko, kuimbae reta igobierno iyapɨta ma yave. Pemongeta 2 Timoteo 3:1-5 jare peyemongeta jese:

• Teko reta Biblia omombeu vae, ¿mbae nunga pa reecha?

6. Eechauka rerovia katu Tumpa iReino omogobierna ma oï

Pemongeta Mateo 24:3, 14 jare peyemongeta jese:

• ¿Mbae mbaravɨkɨ ikavi ete vae oechauka Tumpa iReino omogobierna ma oï?

• ¿Mbae pa reyapota remborɨ vaerä kuae mbaravɨkɨ ikavi ete vae pe?

Tumpa iReino omogobierna ma oï, jare michiño ma oata omogobierna vaerä opaete ɨvɨ re. Pemongeta Hebreos 10:24, 25 jare peyemongeta jese:

• ¿Mbae pa yayapota opaete vae yaecha ramboeve “jókuae ara köi yae ramo”?

YAYEMBOE MA VAE

Profecía reta Biblia pegua jare ɨvɨ pe oasa oï vae oechauka Tumpa iReino omogobierna ma oï. Jare ñamoërakua Tumpa iReino re jare yayemboatɨ yave congregación ndive yaechauka yarovia katu kuae Reino re.

Emoësaka

• ¿Mbae pa oasa iyapɨ ma yave chiu año Daniel omombeu vae?

• ¿Maera pa rerovia katu Tumpa iReino omboɨpɨ omogobierna año 1914 pe?

• ¿Kërai pa reechauka rerovia katu Tumpa iReino omogobierna ma oï?

EEKA KUAE

Lea lo que algunos historiadores y otros expertos dicen sobre cómo ha cambiado el mundo a partir de 1914.

“La era en que los valores decayeron radicalmente” (¡Despertad!, abril de 2007)

Vea cómo influyó en la vida de un hombre la profecía de Mateo 24:14.

“El béisbol era mi pasión” (La Atalaya, núm. 3 2017)

¿Cómo sabemos que la profecía del capítulo 4 de Daniel tiene que ver con el Reino de Dios?

“¿Cuándo comenzó a gobernar el Reino de Dios? (Primera parte)” (La Atalaya, 1 de octubre de 2014)

¿Qué indica que los “siete tiempos” del capítulo 4 de Daniel terminaron en 1914?

“¿Cuándo comenzó a gobernar el Reino de Dios? (Segunda parte)” (La Atalaya, 1 de noviembre de 2014)

Tumpa iReino omogobierna ma oï ara pe. Michiño ma oata omogobierna vaerä opaete ɨvɨ re. Yaecha amogüe mbaembae ikavi ete vae Tumpa iReino oyapota vae.

1. ¿Mbae pa oyapota Tumpa iReino oime ye vaerä mbɨakatu jare jupi vae ɨvɨ pe?

Jesús—Mburuvicha guasu Tumpa iReino pegua—omboaita ñeraro guasu Armagedón jee vae pe opaete kia reta jeko pochɨ vae jare gobierno reta ɨvɨ pegua (Apocalipsis 16:14, 16). Jökorai Biblia jei vae oyeapota: “Jarembaeño mbaetɨta ma yogüɨreko jeko kavimbae reta” (Salmo 37:10). Jesús Tumpa iReino rupi güeruta mbɨakatu jare jupi vae opaete ɨvɨ rupi (emongeta Isaías 11:4).

2. ¿Këraita ra yaiko oyeapo ma yave Tumpa oipota vae ɨvɨ re?

Tumpa iReino omogobierna ma yave, “jupi vae reta güɨnoita imbaerä ɨvɨ, jare yogüɨreko aveita jókuae ɨvɨ pe” (Salmo 37:29). ¡Eyepɨayemongeta këraita yaiko opaete kia reta ipɨakavi vae, omboete Jehová jare oyeaɨu päve yave! ¡Ikavi yaeta ko! Ngaraa ye kia imbaerasɨ jare opaete yogüɨreko aveita.

3. ¿Mbae pa oasata Tumpa iReino opa omboai yave jeko pochɨ vae reta?

Opa ma omboai yave jeko pochɨ vae reta, Jesús omogobernata 1.000 año rupi. Jayave Jesús jare jókuae 144.000 omogobernata jae ndive vae reta omborɨta kia reta oyeyora vaerä mbaeyoa güi. Jókuae tiempo iyapɨ ma yave, ɨvɨ oyeapota metei paraíso ipöra vae, joko pe kia reta yogüɨrekota yerovia reve iñeereendu ramo Jehová pe. Jayave Jesús omee yeta igobierno Jehová pe. Jare oyemboeteukata Tumpa jee jekuae avei pegua (Mateo 6:9, 10). Jayave opaete oikuaata Jehová ko metei mburuvicha guasu ikavi ete vae jare oyangareko jembiokuai reta re vae. Jaɨkue rupi Jehová opata omboai Aña guasu jare iaña reta jare vi oipotagüe kia oñemopüa Tumpa kotɨ vae (Apocalipsis 20:7-10). Opaete mbaembae Tumpa iReino oyapota vae jekuae avei pegua ko.

YAIKUAA KATU VAERÄ

4. Tumpa iReino omboaita kuimbae reta igobierno

“Kuimbae güɨnoi mbaepuere ïru reta re vae rupi oyapo ikavimbae iyeupe” (Eclesiastés 8:9). IReino rupi Jehová oñono kavita opaete mbaembae ikavimbae vae.

Pemongeta Daniel 2:44 jare 2 Tesalonicenses 1:6-8, jare peyemongeta jese:

• ¿Mbae pa oyapota Jehová jare Jesús kuimbae reta igobierno jare imborɨa reta ndive?

• ¿Kërai pa opaete reyemboe vae Jehová jare Jesús re ndemborɨ rerovia katu vaerä opaete oyapota vae jupi ko opaete peguarä?

5. Jaeño ko Jesús Mburuvicha guasu ikavi ete yae vae

Jesús omogobierna ma yave, oyapota jeta mbaembae ikavigüe ɨvɨ pegua reta peguarä. Pemae VIDEO re jare peecha kërai Jesús oechauka oipota ko omborɨ kia reta jare Jehová omee chupe mbaepuere oyapo vaerä.

VIDEO: Jesús demostró lo que logrará el Reino (1:13)

Opaete mbaembae Jesús oyapo vae oiko yave ɨvɨ pe, oechauka oyapota ko omogobierna ma yave ɨvɨ re. Kuae promesa reta güi, ¿mbae nunga pa má reipota oyeapo vaerä? Pemongeta opaete texto reta oyekuatía oï vae kuae promesa reta re.

6. Tumpa iReino rupi yaiko kavita

VIDEO: Una ventana a un futuro maravilloso (4:38)

Pemongeta Salmo 37:4 jare peyemongeta jese:

• ¿Kërai pa reñemosiente reikuaa yave Jehová “omeeta ndeve ndepɨa reve reiporu vae”?

YAYEMBOE MA VAE

Tumpa iReino oyapota Jehová oipota vae. Ɨvɨ oyeapota metei paraíso jare jeta kia reta omboete aveita Jehová.

Emoësaka

• ¿Mbae pa oyapota Tumpa iReino oyemboeteuka vaerä Jehová jee?

• ¿Maera pa yarovia katu Tumpa iReino oyapota Biblia pe oyekuatía oï vae?

• Kuae promesa reta güi, ¿mbae nunga pa má reipota oyeapo vaerä?

EEKA KUAE

Descubra qué es el Armagedón.

“¿Qué es el Armagedón?” (Artículo de jw.org)

Analice los acontecimientos que tendrán lugar durante el periodo al que Jesús llamó la “gran tribulación” (Mateo 24:21).

“¿Qué es la gran tribulación?” (Artículo de jw.org)

¿Cómo pueden las familias imaginarse disfrutando de lo que el Reino logrará en el futuro?

Imagínate en el Paraíso (1:50)

Lea la biografía “Me inquietaban muchas preguntas” para ver cómo encontró un activista político las soluciones que buscaba.

“La Biblia les cambió la vida” (La Atalaya, 1 de enero de 2012)