¿Jae ma pa aï?
¿Jae ma pa aï amoërakua vaerä congregación ndive?
Nde ndepuere remoërakua ndei reyembobautisa mbove...
... reyepokuaa yave reyemboe Biblia re, reyerure jare reyemboatɨ congregación pe.
... rerovia jare reaɨu yave reyemboe vae, jare reipota remboe ïru reta pe.
... reaɨu Jehová jare reiparavo yave amigo reta oaɨu vi Jehová vae.
... reyembosɨrɨ yave oipotagüe organización política ani religión raanga güi.
... neñeereendu yave Jehová iporookuai reta re jare reipota reiko testigo de Jehová.
Rerovia yave jae ma reï remoërakua vaerä congregación ndive, ndemboe vae Biblia re omombeuta anciano reta pe, jare jae reta oyemboatɨta nde ndive oecha vaerä jae ma pa reï remoërakua vaerä.
¿Jae ma pa aï ayembobautisa vaerä?
Nde ndepuere reyembobautisa...
... remoërakua ma yave congregación ndive.
... remoërakua ñoi yave ndepuere rupi.
... remborɨ yave “metei oyeokuai vae jeko kavi jare oyeandu katu reve vae” pe jare reyapo yave iporookuai reta (Mateo 24:45-47).
... reyerure yave Jehová pe remee vaerä nderekove, jare reipota reyeokuai avei chupe.
Rerovia yave jae ma reï reyembobautisa vaerä, ndemboe vae Biblia re omombeuta anciano reta pe, jare jae reta oyemboatɨta nde ndive oecha vaerä jae ma pa reï reyembobautisa vaerä.