¿Kërai pa yandereepɨ Jesús imano?

Yandeɨpɨ reta—Adán jare Eva—iñeereendúä Tumpa pe ramo yandeyoa, yaiporara jare ñamano.a Ërei, ñanoi esperanza Jehová ombou Taɨ Jesucristo yandeyora vaerä mbaeyoa jare mano güi. Biblia yandemboe Jesús omee jekove jupi vae yandereepɨ vaerä (emongeta Mateo 20:28). Jesús iyoambae ko jare ipuere oiko avei tëi ɨvɨ pe, ërei jae omee jekove ñanoi ye vaerä Adán jare Eva omokañɨ vae. Jókuae oechauka täta yanderaɨu Jehová jare Jesús. Kuae yemboe yandemborɨta ñamee ñoi vaerä yasoropai Jesús imano re.

1. ¿Añave rupi kërai pa yandemborɨ Jesús imano?

Yandeyoa ramo yayapo ikaviä vae Jehová omotareɨ vae. Ërei yandepuere yaiko Tumpa iamigorä yaeya yave ikavimbae vae jare yaiporu yave, Jesús jee re, Jehová iñɨ̈ro vaerä yandeyoa reta re. Jare ñañemomɨ̈rata agüɨye ye vaerä yayavɨ (1 Juan 2:1). Biblia jei: “Cristo vi metei veseño oiporara yandeyoa reta re” (1 Pedro 3:18).

2. ¿Kërai pa yandemborɨta kuri Jesús imano?

Jehová yanderaɨu ramo omee Taɨ jekove jupi vae “oipotagüe güɨrovia” Jesús re vae “güɨnoi vaerä tekove opambae vae, ngaraa ojo kañɨtei pe” (Juan 3:16). Jesús imano rupi, Jehová omboaita mbaeyoa, mbaeporara jare mano. Kuae oipota jei yarovia yave Jesús imano re yandepuereta yaiko avei ɨvɨ paraíso pe (Isaías 65:21-23).

YAIKUAA KATU VAERÄ

3. Jesús imano yandeyora

VIDEO: ¿Por qué murió Jesús? (parte 1) (2:01)

• ¿Mbae pa omokañɨ Adán iñeereendúä Tumpa pe ramo?

Pemongeta Romanos 5:12 jare peyemongeta jese:

• ¿Kërai pa ndemboavai Adán oyapo vae?

Pemongeta Juan 3:16 jare peyemongeta jese:

• ¿Maera pa Jehová ombou Taɨ ɨvɨ pe?

1. Adán kuimbae jupi vae tëi ko, iñeereendúä Tumpa pe yave opaete vae iyoa jare omano.

2. Jesús kuimbae jupi vae, iñeereendu Tumpa pe ramo opaete yandepuere yaiko jupi jare yaiko avei.

4. Jesús imano omborɨ opaete vae pe

VIDEO: ¿Por qué murió Jesús? (parte 2) (2:00)

• ¿Kërai pa metei kuimbae imano rupi ipuere omborɨ opaete vae?

Pemongeta 1 Timoteo 2:5, 6 jare peyemongeta jese:

• Adán kuimbae jupi vae tëi ko, iñeereendúä Tumpa pe ramo opaete vae iyoa jare omano. Jesús ko jaenunga vi kuimbae jupi vae. ¿Mbae pa oyapo Jesús “oepɨ vaerä opaete vae”?

5. Jesús imano jae ko metei regalo Jehová omee ndeve vae

Jehová iamigo reta peguarä, Jesús imano jae ko metei regalo ikavi ete yae vae. Yamongeta ejemplo, pemongeta Gálatas 2:20 jare peyemongeta jese:

• ¿Kërai pa apóstol Pablo oechauka Jesús imano metei regalo iyeupeguarä?

Adán iyoa yave, jae omboasa opaete vae pe mbaeyoa jare mano. Ërei Jehová ombou Taɨ jaevaeño vae omano vaerä yanderé jare jökorai ndepuere vaerä reiko avei.

Reyemongeta yave kuae versículo reta, eyemongeta kërai Jehová oiporara oecha yave Taɨ oiporara oï yave. Pemongeta Juan 19:1-7 jare 16-18, jare peyemongeta jese:

• ¿Mbae pa remosiente Jehová jare Jesús oyapo nderé vae?

YAYEMBOE MA VAE

Jesús omano yanderé ramo, Jehová iñɨ̈ro yandeyoa reta re jare yandepuere yaiko avei ɨvɨ pe.

Emoësaka

• ¿Maera pa omano Jesús?

• ¿Kërai pa Jesús imano ‘oepɨ opaete vae’ mbaeyoa jare mano güi?

• ¿Kërai pa ndemborɨ Jesús imano?

EEKA KUAE

Descubra por qué la vida humana perfecta de Jesús es un rescate.

“¿En qué sentido es el sacrificio de Jesús un ‘rescate por muchos’?” (Artículo de jw.org)

Averigüe lo que tenemos que hacer para salvarnos.

“¿De qué manera nos salva Jesús?” (Artículo de jw.org)

¿Perdona Jehová hasta los pecados graves?

“Preguntas sobre la Biblia” (La Atalaya, 1 de mayo de 2013)

Conocer el significado del sacrificio de Cristo le ayudó a un hombre a cambiar por completo su personalidad. Lea su historia.

“Ya no soy esclavo de la violencia” (Artículo de jw.org)