YEMBOE 06
¿Kërai pa omboɨpɨ tekove ɨvɨ pe?
“[Tumpa], nderemimbota rupi opaete mbaembae oiko jare oyeapo” (Apocalipsis 4:11). ¿Rerovia pa jókuae? Amogüe reta güɨrovia güɨramoiño oime tekove, mbaetɨ iyapoa. Jökorai oasa yave, tekove mbaetɨ güɨnoi propósito. Ërei, Jehová oyapo tekove yave, güɨnoi mbae ikavi vae yandeveguarä.a Eyemboe Biblia omombeu kërai omboɨpɨ tekove jare maera pa jókuae añete ko.
1. ¿Kia pa oyapo ara jare ɨvɨ?
Biblia jei: “Iyɨpɨ ete pe Tumpa oyapo ara jare ɨvɨ” (Génesis 1:1). Amogüe científico reta güɨrovia oyemboɨpɨ ara jare ɨvɨ. ¿Kërai pa Tumpa oyapo ara jare ɨvɨ? Iespíritu santo rupi Tumpa oyapo opaete oime vae ara jare ɨvɨ pe (Génesis 1:2).
2. ¿Maera pa Tumpa oyapo ɨvɨ?
Jehová “mbaetɨ oyapoiño [ɨvɨ], oyapo ko oime vaerä pɨpe mbaembae” (Isaías 45:18). Jae oyapo ɨvɨ, omopöra jare oñono jenda pe kavi, yaiko kavi avei vaerä pɨpe (emongeta Isaías 40:28 jare 42:5). Científico reta jei ɨvɨ ikavi yae yaiko vaerä pɨpe. Jare mbaetɨ ye ïkotɨa yandepuere yaiko vaerä.
3. ¿Kërai pa yayoavɨ mɨmba reta güi?
Tumpa opa oyapo ɨvɨ, omotɨnɨe temitɨ jare mɨmba reta. Javoi “Tumpa oyapo kuimbae jae rami” (emongeta Génesis 1:27). ¿Kërai pa yayoavɨ mɨmba reta güi? Yandeapo jae rami ramo, yandepuere yaechauka jeko kavi reta kuae rami: mboroaɨu jare jupi. Yandeapo vi yandepuere ñanemiari ïru ñee reta pe jare yayerovia ñamae yave opaete ipöra vae jare yaendu tairari reta. Yayoavɨ mɨmba reta güi ramo, yandepuere yamboete Tumpa.
YAIKUAA KATU VAERÄ
Yayemboe Tumpa oyapo opaete oikove vae jare Biblia omombeu vae añete ko oyapo ara jare ɨvɨ. Yaecha vi kërai teko kavi reta rupi yayemboe Tumpa re.
4. Oikove vae reta güɨnoi iyapoa
Kia reta pe oñemee mbaemboete mbaembae ipöra oyapo vae re, ɨvɨ pe oime rami. Ërei ¿kia pa oyapo opaete mbaembae reta? Pemae VIDEO re jare peyemongeta jese:
¿Mbae oyovake ɨvɨ pe oime vae oyapo kia reta?
Opaete o reta, güɨnoi iyapoa. Ërei ¿kia pa oyapo opaete mbaembae reta ɨvɨ pe oime vae? Pemongeta Hebreos 3:4 jare peyemongeta jese:
¿Mbae mbae pa ɨvɨ pe oime vae má ipöra ndeve?
¿Ikavi pa yarovia vaerä opaete mbaembae ɨvɨ pe oime vae güɨnoi ko iyapoa? Jare, ¿maera pa?
¿Reikuaa pa?
Internet pe jw.org reväeta tembikuatía reta jare video reta kuae yemboe re. Eeka video reta pe “¿Lo diseñó alguien?” jare “Opiniones sobre el origen de la vida”.
“Opaete o, oime iyapoa. Ërei opaete mbaembae iyapoa, jae ko Tumpa”.
5. Biblia omombeu vae creación regua re añete ko
Capítulo 1 Génesis pe Biblia oechauka ɨvɨ jare opaete tekove oime pɨpe vae güɨnoi ko iyapoa. ¿Añete ra jókuae ani ndayeño ra? Pemae VIDEO re jare peyemongeta jese:
¿Yandemboe pa Biblia, ɨvɨ jare tekove oime pɨpe vae oyapo ko 6 ara peño?
¿Rerovia pa Biblia omombeu creación re vae añete ko? Jare, ¿maera pa?
Pemongeta Génesis 1:1 jare peyemongeta jese:
Jeta científico reta jei ara jare ɨvɨ güɨnoi ko iyapoa. ¿Oyovake pa jae reta jei vae Biblia pe remongeta vae ndive?
Amogüe kia reta oparandu iyeupe, ¿Tumpa oiporu pa evolución oyapo vaerä mbaembae reta? Pemongeta Génesis 1:21, 25, 27 jare peyemongeta jese:
¿Omboe pa Biblia Tumpa oiporu evolución oyapo vaerä jevae reta ɨ rupigua, ïru mɨmba reta jare kuimbae reta? ¿Ani jae etei pa oyapo opaete oikove vae reta?
6. Kuimbae reta oyoavɨ ko ïru mbaembae Tumpa oyapo vae güi
Yande yayoavɨ ko mɨmba reta güi. Pemongeta Génesis 1:26 jare peyemongeta jese:
Yande yandepuere yaechauka mboroaɨu jare mboroparareko echa Tumpa yandeapo jae rami. ¿Mbae pa ndemboe kuae Jehová re?
AMOGÜE RETA JEI VAE: “Biblia omombeu creación re vae ndayeño ko”.
Nde, ¿mbae pa rere? Jare, ¿maera pa?
YAYEMBOE MA VAE
Jehová oyapo ara, ɨvɨ jare opaete tekove oime pɨpe vae.
Emoësaka
¿Mbae pa omboe Biblia kia oyapo ara jare ɨvɨ?
¿Omboe pa Biblia Tumpa oiporu evolución oyapo vaerä jevae reta ɨ rupigua, ïru mɨmba reta jare kuimbae reta, ani jae etei pa oyapo opaete oikove vae reta?
¿Kërai pa yande yayoavɨ ko ïru mbaembae Tumpa oyapo vae güi?
EEKA KUAE
Vea algunos ejemplos de la naturaleza que muestran que hay un diseñador.
“¿Qué nos enseña la naturaleza?” (¡Despertad!, septiembre de 2006)
Vea cómo un padre le explica a su pequeño el relato bíblico de la creación.
Analice si la evolución es compatible con lo que enseña la Biblia.
“¿Creó Dios los distintos tipos de seres vivos mediante la evolución?” (Artículo de jw.org)
Compruebe lo que el registro fósil y los experimentos científicos indican: si la vida se originó por casualidad o si alguien la creó.
El origen de la vida. Cinco cuestiones dignas de análisis (Folleto)