¿Maera pa jaekavi reyemboatɨ vaerä testigo de Jehová reta ndive?

¿Oparea pa ndeve reo vaerä testigo de Jehová reta iyemboatɨ pe? Mbaetɨi reo yave iyemboatɨ pe, ipuere ko nemara reo ramo yave. Ipuere ko reparandu ndeyeupe: “¿Mbae pa oyapo testigo de Jehová reta iyemboatɨ pe? ¿Maera pa ikavi ete chupe reta? ¿Ajata vi ra che?”. Kuae yemboe pe reechata kuae yemboatɨ reta ikavi omomɨ̈rata vaerä ndeamistad Tumpa ndive jare ndemborɨta.

1. ¿Maera etei pa ikavi yayemboatɨ vaerä?

Metei kuimbae oikuatía Biblia vae jei maera pa ikavi ete yayemboatɨ vaerä: “amboeteta cheYa [Jehová] imbae vae reta oyemboatɨa pe” (Salmo 26:12). Añave rupi testigo de Jehová reta jaenunga vi oyemboatɨ, jókuae omboyerovia katu. Opaete ɨvɨ rupi, semana ñavo oyemboatɨ omboete vaerä Tumpa, ocanta jare oyerure päve vaerä. Jare ámope oyemboatɨ reta vi yemboatɨ guasu pe.

2. ¿Mbae re pa reyemboeta oreyemboatɨ reta pe?

Yemboatɨ reta pe yayemboe Tumpa iñee re, jare joko pe “omombeu kavi mbae ko oipota jei vae” (emongeta Nehemías 8:8). Reo yave yemboatɨa pe, má reyemboeta Jehová re jare jeko kavi reta re. Reikuaa yave kërai Tumpa täta nderaɨu, má reipotata reiko iamigorä. Reyemboeta vi kërai ipuere ndemborɨ reiko vaerä yerovia reve (Isaías 48:17, 18).

3. ¿Kërai pa ndemborɨta kia reta reikuaa vae yemboatɨa pe?

Jehová jei yandeve “yayomborɨ päve vaerä, ñañomoäta ngatu yayoaɨu vaerä jare tembiapo reta ikavigüe pe. Agüɨye yaata yemboatɨa pe” (Hebreos 10:24, 25). Oreyemboatɨ pe, reikuaata kia reta oyoaɨu vae jare nde rami oipota má oyemboe Tumpa re. Joko pe reenduta kërai Biblia omomɨ̈rata reta (emongeta Romanos 1:11, 12). Ndepuereta vi reikuaa kia reta omomara ma vae oipotagüe yemboavai reta. Jáeramo Jehová ñanemokɨ̈reɨ yayemboatɨ ñoi vaerä.

YAIKUAA KATU VAERÄ

4. Testigo de Jehová reta iyemboatɨ

Cristiano tenondegua reta, oyemboatɨ ñoi omboete vaerä Jehová (Romanos 16:3-5). Pemongeta Colosenses 3:16 jare peyemongeta jese:

• ¿Cristiano tenondegua reta kërai pa omboete Jehová?

VIDEO: ¿Këraipa testigo de Jehová reta yemboatɨ? (2:12)

• ¿Kërai pa oyovake metei yemboatɨ Colosenses 3:16 jei vae ndive?

• Remae yave video jare dibujo oreyemboatɨ re, ¿oime pa mbae ipöra ndeve vae?

Pemongeta 2 Corintios 9:7 jare peyemongeta jese:

• ¿Maera pa testigo de Jehová reta iyemboatɨ pe mbaetɨ oyeporu korepoti?

Emae reyemboe vae ndive, oyemboeta vae yemboatɨ pe kuae semana.

• Yemboatɨ pe reyemboe vae, ¿mbae pa má ikavi ndeve?

¿Reikuaa pa?

Ore sitio internet pe jw.org ndepuere reväe kia pe jare kërai yave pa oyeapo oreyemboatɨ reta opaete ɨvɨ rupi.

1. Ore yemboatɨ reta pe oime ñemoñee reta, oechauka kërai roporomboe vaerä jare video reta. Opaete omboɨpɨ jare omboapɨ tairari jare yerure ndive.

2. Ámope joko pe ñogüɨnoi vae reta ipuere omocomenta oyemboe vae re.

3. Opaete vae ikavi ojo yemboatɨ pe: kuimbae reta, kuña reta, okuakuaa vae reta jare michia reta...

4. Testigo de Jehová reta iyemboatɨ jepɨmbae ko mbaetɨ oyeporu korepoti.

5. Ñañemomɨ̈rata yaja vaerä yemboatɨ reta pe

Jesús jare jëtara reta yogüɨrekose Nazaret pe, año ñavo ojo reta templo Jerusalén pe jare oguata reta matɨ mboapɨ ara ɨvɨtɨ rupi. Pemongeta Lucas 2:39-42 jare peyemongeta jese:

• ¿Oñemomɨ̈rata reta ra ojo vaerä Jerusalén pe?

• Nde, ¿mbae mbaeavai reta pa renoi reo vaerä yemboatɨ pe?

• ¿Ikavi ra reo vaerä yemboatɨ reta pe? ¿Maera pa?

• ¿Maera pa ikavi yayemboatɨ ñoi vaerä?

YAYEMBOE MA VAE

Yemboatɨ reta pe ndepuereta má reyemboe Jehová regua, remomɨ̈ratata ndeamistad jae ndive jare remboeteta ïru reta ndive.

Emoësaka

• ¿Maera pa Jehová oipota yaja vaerä yemboatɨ reta pe?

• ¿Mbae re pa reyemboeta testigo de Jehová reta iyemboatɨ pe?

• ¿Kërai pa ndemborɨta reo yave yemboatɨ pe?

EEKA KUAE

¿Lo pone nervioso pensar en ir a las reuniones? A un hombre que se sentía así le terminaron gustando mucho. Vea por qué.

¡Nunca olvidaremos cómo nos saludaron! (4:16)

Conozca a un joven al que le fascinaban las reuniones y vea lo que tuvo que hacer para seguir asistiendo a ellas.

Me encantaron las reuniones (4:33)

Lea lo que otros piensan sobre las reuniones.

“¿Por qué estaría bien ir a las reuniones en el Salón del Reino?” (Artículo de jw.org)

Descubra cómo la vida violenta de un pandillero cambió después de asistir a las reuniones de los testigos de Jehová.

“No iba a ningún lado sin mi arma” (La Atalaya, 1 de julio de 2014)