¿Ikavi ra Tumpa peguarä opaete arete reta?

Jehová oipota yaiko yerovia reve jare ámope yayapo amogüe arete reta. ¿Ërei ikavi ra Tumpa peguarä opaete arete reta? ¿Kërai pa yaechaukata yaaɨu jare yayemoambeko ko jae omosiente vae re?

1. ¿Maera pa ikaviä Jehová peguarä amogüe arete reta?

Güɨramoi nepɨakañɨ reikuaa yave jeta arete reta oyeapo vae oyoavɨ Biblia omboe vae güi jare ikaviä ko Jehová peguarä. Ipuere ko amogüe arete reta oyapo religión raanga, ani oyea espiritismo ndive ani güɨrovia kia omano vae jekuaeño oiko. Jaeramiño vi, amogüe kia reta güɨrovia maratuta oasa vae re ani oiporu suerte (Isaías 65:11). Jáeramo Jehová jei jembiokuai reta pe: “pesɨrɨ [...]. Agüɨye peyavɨkɨ mbae ikɨa” (2 Corintios 6:17).a

2. ¿Mbae pa oyemongeta Jehová arete reta re oyeapo vae omboete vaerä kia reta?

Jehová yandemboarakuaa agüɨye yayapo vaerä “kuimbae reta re güɨrovia katu vae” rami, kuae ñuai ko (emongeta Jeremías 17:5). Amogüe arete reta oyeapo omboete vaerä mburuvicha reta, omanogüe jërakua vae, símbolos patrios ani tëta guasu iara (1 Juan 5:21). Oime ïru arete omokɨ̈reɨ político reta iyemongeta ani ïru kia reta oyapo vae. Ërei yamboete yae yave metei kia ani organización, ¿kërai pa oñemosiente Jehová?

3. ¿Mbae teko reta pa ikaviä metei arete pe?

Biblia jei Jehová omotareɨ arete reta “savaɨpo rupi” jare oasa ete okau vae (1 Pedro 4:3). Amogüe arete reta pe, kia reta osavaɨpo ramo oyemongeta kaviä ani oyapo ikaviä vae. Yaipota yave jekuaeño yaiko Jehová iamigorä, yayembosɨrɨta ko jókuae teko reta ikaviä vae güi.

YAIKUAA KATU VAERÄ

4. Aguɨyeta reojo arete omborespetaä Jehová vae pe

Pemongeta Efesios 5:10 jare peyemongeta jese:

• ¿Mbae re pa yaikuaa kavita yaiparavo yave yayapota ra amogüe arete ani mbaetɨ?

• ¿Mbae nunga arete reta pa oyeapo reikoa rupi?

• ¿Rerovia pa ikavi ko Jehová peguarä?

Güɨramoi reparandu ndeyeupe, ¿mbae pa oyemongeta Tumpa cumpleaño re? Biblia pe mbaetɨ oyekuatía Tumpa jembiokuai reta oyapo icumpleaño, ërei imiari mókoi kia reta mbaetɨ oyeokuai Tumpa pe vae icumpleaño re. Pemongeta Génesis 40:20-22 jare Mateo 14:6-10. Javoi peyemongeta jese:

• ¿Kërai pa oyovake mókoi cumpleaño reta?

• Yamongeta güire jókuae relato reta, ¿mbae pa oyemongeta Jehová cumpleaño re?

Güɨramoi, jekuaeño reparandu ndeyeupe “¿Añetete ra Jehová oyemoambeko ayapo yave cumpleaño ani aja yave arete Jehová peguarä ikaviä vae pe?”. Pemongeta Éxodo 32:1-8. Javoi pemae VIDEO re jare peyemongeta jese:

VIDEO: Fiestas y celebraciones que no agradan a Dios (5:07)

• ¿Maera pa yaikuaa kavita Jehová pe ikavi vae?

• ¿Kërai pa yaikuaa kavi?

¿Kërai pa yaikuaa mbae nunga arete reta ikaviä Tumpa peguarä?

• Jókuae arete, ¿oyoavɨ pa Biblia omboe vae güi? Reikuaa vaerä, eeka información jókuae arete re.

• ¿Omboete yae ra kuimbae reta, organización reta ani símbolos patrios? Yande jaeño ñamee mbaemboete Jehová pe ïru kia reta ani organización reta güi, jare yarovia katu jae oñono kavita opaete yemboavai reta ɨvɨ pe oime vae.

• ¿Arete pe oyeapo pa Jehová omotareɨ vae? Ikavi ete yaiko moralmente ikɨambae.

5. Emborɨ ïru reta reyapo vae rupi, omborespeta vaerä rerovia vae

VIDEO: Expresemos con respeto nuestras creencias (2:01)

Pemongeta Mateo 7:12 jare peyemongeta jese:

• Versículo jei rami, ¿rereta pa nerëtara pe mbaetɨ oyeokuai Jehová pe vae agüɨye vaerä oyapo iarete?

• ¿Kërai pa ndepuere reechauka reaɨu vae nerëtara yepe tëi mbaetɨ reyapo amogüe arete jae reta ndive?

6. Jehová oipota yaiko yerovia reve

Jehová oipota yayerovia katu ñanerëtara jare yandeamigo reta ndive. Pemongeta Eclesiastés 8:15 jare peyemongeta jese:

• Kuae versículo jei rami, ¿kërai pa oechauka Jehová oipota ko yaiko yerovia reve?

Jehová oipota vi jembiokuai reta oyuvanga jare oyapo mbaembae reta oyerovia katu päve vaerä. Pemae VIDEO re peikuaa vaerä jókuae ko oasa yemboatɨ guasu reta pe.

VIDEO: La hospitalidad en las asambleas internacionales (5:40)

Pemongeta Gálatas 6:10 jare peyemongeta jese:

• ¿Ñamonecesita pa yayapo amogüe arete reta yayapo vaerä ikavi vae ïru reta pe?

• ¿Kërai yave pa ikavi remee vaerä regalo: jaeño pa oime yave arete, ani nekɨ̈reɨ ngatu remee yave?

• Testigos de Jehová ámope oyapo amogüe mbae omboyerovia vaerä taɨ reta, jare omee chupe reta regalo. Renoi yave michia reta, ¿mbae pa ndepuere reyapo remboyerovia reta vaerä?

YAYEMBOE MA VAE

Jehová oipota yayerovia katu ñanerëtara reta jare yandeamigo reta ndive, ërei oipotaä yaja arete reta pe chupeguarä ikaviä vae.

Emoësaka

• ¿Kërai pa yaikuaa mbae nunga arete reta ikaviä Tumpa peguarä?

• ¿Kërai pa yamborɨta ñanerëtara reta jare amigo reta oikuaa kavi vaerä, maera pa yayapoä amogüe arete reta?

• ¿Kërai pa yaikuaa Jehová oipota yaiko yerovia reve?

EEKA KUAE

Lea sobre algunas fiestas que los cristianos no celebran.

“¿Por qué los testigos de Jehová no celebran ciertas fiestas?” (Artículo de jw.org)

Analice cuatro claves que indican que Dios no aprueba los cumpleaños.

“¿Por qué los testigos de Jehová no celebran los cumpleaños?” (Artículo de jw.org)

Vea cómo los niños que aman a Jehová pueden hacerlo feliz cuando se celebran ciertas fiestas.

Para Jehová, eres especial (11:35)

Millones de cristianos no celebran la Navidad. ¿Están contentos con su decisión?

“Encontraron algo mejor” (La Atalaya, 1 de diciembre de 2012)