YEMBOE 39
Mbae pa jei Jehová tugüɨ re
Tugüɨ ikavi ko tekove pe. Tugüɨmbae mbaetɨ kia ipuere oiko. Tumpa yandeapo ramo jaeño ipuere jei yandeve kërai yaiporu. ¿Mbae pa jei tugüɨ re? ¿Ikavi ra yau ani ñañono yanderete pe transfusión rupi? ¿Mbae pa ndemborɨta reiparavo kavi vaerä kuae regua?
1. ¿Mbae pa oyemongeta Jehová tugüɨ re?
Arakae güive Jehová jei jembiokuai reta pe: “opaete [...] oikove vae, tugüɨ re ko güɨnoi tekove” (Levítico 17:14). Jehová peguarä, tugüɨ tekove ko. Jare, tekove jae ko regalo ikavi ete vae Tumpa omee yandeve vae.
2. ¿Kërai pa Tumpa oipotaä yaiporu tugüɨ?
Arakae güive ndei oiko congregación cristiana mbove, Jehová oyókuai isiervo reta pe agüɨye vaerä jou tugüɨ (emongeta Génesis 9:4 jare Levítico 17:10). Jare, oime yave congregación, Jehová oyókuai ye congregación güɨroata vae reta rupi cristiano reta pe: “Agüɨye peu” ani pemoinge perete pe tugüɨ (emongeta Hechos 15:28, 29).
¿Mbae pa oipota jei agüɨye peu tugüɨ? Ejemplo, metei médico jei ndeve yave agüɨye jeu alcohol, ngaraa ko reu. Ërei ¿reuta ra amogüe mbae güɨnoi vae alcohol ani reñonota ra nderete pe inyección rupi? Ngaraa etei ko. Jökorai ko Tumpa jei agüɨye peu tugüɨ. Ñaneñeereendu Tumpa pe yave mbaetɨ yau mbaerugüɨ jare mbaetɨ yau soo oyeyuvɨgüe. Agüɨye vi yau tembíu tugüɨ güɨnoi vae.
¿Ikavi ra yaiporu tugüɨ yakuera vaerä? Amogüe mbaembae médico reta oyapo vae ombogüera vaerä, oyapoä ko Tumpa oyókuai vae, metei ejemplo jae ko transfusión reta tugüɨ regua ani tugüɨ güɨnoi vae: glóbulos rojos, glóbulos blancos, plaquetas jare plasma. Ërei ámope mbaetɨ yaikuaa kavi amogüe tratamiento médico mbaetɨ ikavi Tumpa pe. Por ejemplo, amogüe médico reta oiporu michimi mbaembae oyeekɨ glóbulos rojos, glóbulos blancos, plaquetas ani plasma güi ombogüera vaerä. Jare ámope médico reta oiporu kia imbaerasɨ vae jugüɨ. Yaikuaa kavi yave kuae regua, metei ñavo oiparavota mbae oyapota kuae regua (Gálatas 6:5).a
YAIKUAA KATU VAERÄ
Yaecha këraita pa yaiparavo kavi metei tratamiento médico.
3. Reyapo vae rupi emboyerovia Jehová
¿Kërai pa ndepuere reyapo Tumpa oipota vae tugüɨ re? Pemae VIDEO re javoi peyemongeta maera ikavi reyapo vaerä kuae pe jei rami:
Eyerure renoi vaerä arakuaa (Santiago 1:5).
Eeka versículo reta kuae regua jare eyemongeta kërai reyapo vaerä (Proverbios 13:16).
Eeka reikuaa kavi vaerä mbae nunga tratamiento oime reikoa rupi.
Ere mbae tratamiento médico ngaraa etei reyapo vae.
Eiparavo kavi ndepɨa kïrii oï vaerä (Hechos 24:16).b
Eikuaa kavi ndeyeupe, ngaraa kia ave ipuere oiparavo reyapota vae re (Romanos 14:12).
Eikuatía kavi reyapota vae.
4. Testigos de Jehová roeka tratamiento médico ikavi vae
Yaipota ñanoi tratamiento médico ikavi ete vae ñaneñeereendu reve Tumpa oipota vae. Pemae VIDEO re.
Pemongeta Tito 3:2 jare peyemongeta jese:
¿Maera pa ikavi ñanemiari médico reta ndive yandepɨaguasu jare respeto reve?
Ngaraa yamborecibe |
Kia ñavo oiparavo |
|---|---|
A. Plasma sanguíneo |
Fracción reta plasma güi |
B. Glóbulos blancos |
Fracción reta glóbulos blancos güi |
C. Plaquetas |
Fracción reta plaquetas güi |
D. Glóbulos rojos |
Fracción reta glóbulos rojos güi |
5. Fracción reta tugüɨ güi
Tugüɨ güɨnoi irundɨ mbaembae ikavi yae vae: glóbulos rojos, glóbulos blancos, plaquetas jare plasma. Metei ñavo güɨnoi jeta michi rai mi mbae oyeekɨ chugüi vae, jókuae jee tugüɨ fracción reta.c Amogüe oyeekɨ kuae reta güi vae oyeporu oyapo vaerä moa reta ani omombɨta vaerä tugüɨ.
Fracción tugüɨ re oyemongeta yave, cristiano ñavo oiparavo Biblia pe oyemboe rami. Amogüe reta ipuere ko oipotaä oyapo tratamiento médico fracción reta ndive. Jare ïru reta pe ipuere ko ikavi.
Reiparavo yave, eparandu ndeyeupe:
¿Kërai pa amoësakata médico pe maera pa amogüe fracción reta ikavi cheve ani ïru ikaviä vae?
AMOGÜE RETA OPARANDU VAE: “Tugüɨ ikavi yakuera vaerä yave, ¿maera pa ikaviä ñañono yanderete pe transfusión rupi?”.
¿Mbae pa remopiensa?
YAYEMBOE MA VAE
Jehová peguarä ikavi ete ko tugüɨ, jare yandeokuai yaiporu kavi vaerä.
Emoësaka
¿Maera pa Jehová peguarä tugüɨ ikavi ete ko?
¿Maera pa Hechos 15:28, 29 jei vae omombeu vi transfusión regua?
¿Mbae pa ndemborɨta reiparavo kavi vaerä tratamiento médico tugüɨ re?
EEKA KUAE
Antes de decidir si aceptará técnicas que incluyan el uso de su propia sangre, ¿qué factores debería tener en cuenta?
“Preguntas de los lectores” (La Atalaya, 15 de octubre de 2000)
Antes de decidir si aceptará fracciones sanguíneas, ¿qué debería analizar?
“Preguntas de los lectores” (La Atalaya, 15 de junio de 2004)
¿Qué convenció a un médico de que el punto de vista de Jehová sobre la sangre es razonable?
“Acepté el criterio divino sobre la sangre” (¡Despertad!, 8 de diciembre de 2003)
Descubra cómo los ancianos que forman parte de los Comités de Enlace con los Hospitales apoyan a sus hermanos.
b Emongeta punto 5, “Fracción reta tugüɨ güi” jare nota 3, “Mbaembae pe médico reta oiporu tugüɨ vae”.
c Amogüe médico reta jei kuae irundɨ mbaembae tugüɨ güɨnoi vae jae ko fracción reta. Jáeramo, metei ñavo omombeuta médico pe maera pa oipotaä oñono tugüɨ iyé ani glóbulos rojos, glóbulos blancos, plaquetas ani plasma.