¿Mbae pa jei Biblia sexo re?

Jeta kia reta imara oyemongeta yave sexo re. Ërei, Tumpa Iñee imiari yave sexo re, oyemongeta yavaimbae jare respeto reve. Kuae re imiari vae ikavi ko yandeve. Jare añete ko jei vae, echa Biblia jae ko Jehová Iñee, jae yandeApoa jare oikuaa kavi mbae pa ikavi yandeveguarä. Jae yandemborɨ kërai yandepuere yamboyerovia yayapo vae rupi jare yaiko avei vaerä yerovia reve.

1. ¿Mbae pa jei Jehová sexo re?

Sexo jae ko metei regalo Jehová omee vae, jae oipota omenda vae reta oyerovia katu jese. Kuae regalo rupi omenda vae reta ipuere güɨnoi taɨ reta jare mókoi reve oechauka mboroaɨu oyoupe. Jáeramo Biblia jei: “Eyerovia katu ndetaɨrusu güive voi ma kuña rereko vae ndive” (Proverbios 5:18, 19). Jehová oipota cristiano reta oiko jupi rupi imenda pe. Jökorai metei cristiano ngaraa oyapo aguasa (emongeta Hebreos 13:4).

2. ¿Mbae pa ko inmoralidad sexual?

Biblia omboe kia reta oyapo vae inmoralidad sexual “ngaraa yogüɨreko Tumpa iporookuaía pe” (1 Corintios 6:9, 10). Biblia oikuatía vae reta imiari yave inmoralidad sexual re oiporu ñee griego pornéia. Kuae ñee oipota jei 1) guɨnoi yave relaciones sexuales kia mbaetɨ omenda jae ndive vae,a 2) kuimbae katuai ani kuña katuai oyoupii oyogüɨreko vae reta 3) jare kia güɨnoi yave relaciones sexuales amogüe mɨmba reta ndive. Kuae mbaembae reta mbaetɨ yayapo yave, yamboyerovia Jehová jare yaiko yerovia reve (1 Tesalonicenses 4:3).

YAIKUAA KATU VAERÄ

3. Eyembosɨrɨ inmoralidad sexual güi

Metei kuimbae jupi José jee vae oñemomɨ̈rata oiko vaerä moralmente ikɨambae. Pemongeta Génesis 39:1-12 jare peyemongeta jese:

• ¿Mbae jeko pegua pa otekuarai José? (Pemae versículo 9).

• ¿Ikavi ra José oyapo vae? ¿Maera pa?

VIDEO: Huye de la inmoralidad (5:06)

Jehová oipota opaete yayembosɨrɨ inmoralidad sexual güi. Pemongeta 1 Corintios 6:18 jare peyemongeta jese:

• ¿Mbae mbae reta pa ipuere oyapouka yandeve inmoralidad sexual?

• ¿Kërai pa ndepuere resɨrɨ inmoralidad sexual güi?

4. Ndepuere remoamɨri tentación reta

VIDEO: Luchemos contra las tentaciones leyendo la Biblia (3:02)

• Hermano video pegua oikuaa yave iyemongeta jare oyapo vae rupi ipuere ko oyapo aguasa, ¿mbae pa oyapo?

Cristiano jupi vae reta ámope oñemomɨ̈ratata ko oiko vaerä ikɨambae iyemongeta reta. ¿Mbae pa reyapota agüɨye vaerä reyemongeta inmoralidad regua? Pemongeta Filipenses 4:8 jare peyemongeta jese:

• ¿Mbae re pa yayemongetata?

• Yamongeta yave Biblia jare yayeokuai yave Jehová pe, ¿ipuere ra yandemborɨ ñamoamɨri vaerä tentación? ¿Maera pa?

5. Jehová iporookuai reta yandemborɨ ko

VIDEO: A los insensatos les va mal (9:31)

• ¿Kërai pa kuae kunumi oa mbaeyoa pe? (Pemae Proverbios 7:8, 9).

• Proverbios 7:23, 26 jei rami, kia oyapo inmoralidad sexual vae güɨnoita ko yemboavai reta. ¿Mbae reta güi pa yandepuere yayembosɨrɨ yaiko yave moralmente ikɨambae?

• Yaiko yave moralmente ikɨambae reve, ¿kërai pa yandemborɨ yaiko avei vaerä yerovia katu reve?

Amogüe vae reta güɨrovia Biblia jei vae homosexualidad regua mbaetɨ oechauka mboroaɨu. Ërei Jehová jae ko Tumpa oporoaɨu vae jae oipota opaete kia reta oiko avei vaerä yerovia reve. Ñanoi vaerä kuae regalo, yaikota ko jae oipota rami. Pemongeta 1 Corintios 6:9-11 jare peyemongeta jese:

• Jehová peguarä, ¿homosexual vae retaño pa oyapo ikaviä vae?

Yamboyerovia vaerä Tumpa, opaete yaipoepɨta yandereko. ¿Ikavi ra ko yayapo vaerä jókuae? Pemongeta Salmo 19:8, 11 jare peyemongeta jese:

• ¿Yandepuere ra ko yayapo Jehová iporookuai reta? ¿Maera pa reyemongeta jökorai?

YAYEMBOE MA VAE

Sexo jae ko metei regalo Jehová omee vae, jae oipota omenda vae reta oyerovia katu jese.

Emoësaka

• ¿Mbae mbae reta pa jae inmoralidad sexual?

• ¿Mbae pa yandemborɨta agüɨye vaerä yayapo mbaeyoa inmoralidad sexual?

• ¿Maera pa ikavi yandeve ñaneñeereendu yave Jehová pe?

EEKA KUAE

Analice por qué espera Dios que se casen el hombre y la mujer que quieren vivir juntos.

“¿Qué dice la Biblia sobre vivir juntos sin estar casados?” (Artículo de jw.org)

Descubra por qué lo que dice la Biblia sobre la homosexualidad no promueve el odio ni el prejuicio.

“¿Es malo ser homosexual?” (Artículo de jw.org)

Lea cómo nos protegen las normas bíblicas sobre el sexo.

“¿Es el sexo oral realmente sexo?” (Artículo de jw.org)

¿Qué impulsó a un homosexual a cambiar de vida y complacer a Dios? Léalo en la biografía “Me trataron con dignidad”.

“La Biblia les cambió la vida” (La Atalaya, 1 de abril de 2011)