YEMBOE 36
Yayemongeta jare yayapo opaete mbaembae añete rupi kavi
Opaete kia reta oipota güɨnoi iamigo reta oyemongeta jare oyapo añetete rupi kavi vae. Jaenunga vi Jehová. Ërei ámope yavai ñanemiari jare yayapo vae añete rupi kavi, echa yaiko kia reta oporombotavɨ vae ipɨte pe. ¿Kërai pa yandemborɨ yayemongeta jare yayapo yave ikavi vae?
1. ¿Maera pa ikavi ete ñanemiari jare yayapo vaerä añete rupi kavi?
Ñanemiari jare yayapo vaerä añete rupi kavi ïru kia reta pe, yaechauka Jehová pe yaaɨu jare yamboete vae. Ñanemaendúa avei Jehová oecha opaete mbaembae ñamopiensa vae jare yayapo vae (Hebreos 4:13). Yayapo yave opaete mbaembae añetete jare jupi rupi kavi jae oecha jare oyerovia. Iñee jei: “echa yandeYa [Jehová] güɨröɨro ipɨapochɨ vae, ërei oï jupi vae reta ndive” (Proverbios 3:32).
2. ¿Kërai yave pa yayemongetata jare yayapota añetete vae?
Jehová oipota “ñanemiari añetete rupi yanderapicha pe” (Zacarías 8:16, 17). ¿Mbae pa oipota jei? Mbaetɨ yandeapu ñanerëtara pe, yandembaravɨkɨ ïru reta pe, ñanehermano reta congregación pegua jare mburuvicha reta pe. Kia reta oyapo ikavi vae mbaetɨ imonda ani ombotavɨ (emongeta Proverbios 24:28 jare Efesios 4:28). Jaenunga vi omboepɨ impuesto reta (Romanos 13:5-7). Opaete kuae mbaembae reta re “jekuaeño yaipota yayapo jupi vae” (Hebreos 13:18).
3. ¿Mbae pa yaupitɨ ñanemiari jare yayapo yave añete rupi kavi?
Yandekuaa reta yayapo ñoi ikavi vae, ïru vae reta güɨrovia katu yanderé jare vi yamborɨ yaiko vaerä yerovia katu reve tëtara ete rami yandehermano reta ndive congregación pe. Ñanoi vi conciencia ikɨambae jare jökorai yaikuaaukata “ikavi yae ko Tumpa Yandemboasa vae iporomboe” jare ñamokɨ̈reɨ ïru vae reta oyeokuai vaerä Jehová pe (Tito 2:10).
YAIKUAA KATU VAERÄ
Yaecha kërai oñemosiente Jehová ñanemiari jare yayapo yave añete rupi kavi jare yaecha vi kërai pa yandepuere yayapo kuae ara ñavo.
4. Jehová oaɨu yae kia imiari jare oyapo añete rupi kavi vae
Pemongeta Salmo 44:21 jare Malaquías 3:16, jare peyemongeta jese:
¿Yandepuere ra ñañomi amogüe mbae Jehová güi? ¿Maera pa?
¿Kërai pa oñemosiente Jehová yaiparavo yayemongeta añetete vae yepe tëi yavai yae vaerä?
Michia reta oyemongeta yave añetete vae omboyerovia tu reta. Yande yayemongeta yave añetete vae yamboyerovia vi Jehová.
5. Yayemongeta jare yayapo ñoi añetete rupi kavi vae
Yepe tëi jeta kia reta güɨrovia yayemongeta jare yayapo jupi vae mbaetɨ mbatee ikavi. Ërei oime razones yayapo ñoi vaerä. Pemae VIDEO re.
Pemongeta Hebreos 13:18 jare peyemongeta kërai pa yandepuere yayemongeta jare yayapo añete rupi kavi...
... ñanerëtara ndive.
... mbaravɨkɨ renda ani yemboe renda pe.
... ïru mbaembae reta pe.
6. Yayemongeta jare yayapo añete rupi kavi yandemborɨ
Ipuere ko yayapo jare ñanemiari añete rupi kavi yave, güeru yandeve amogüe yemboavai reta, ërei yayapo ñoi yave opaete mbaembae oë kavita. Pemongeta Salmo 34:12-16 jare peyemongeta jese:
¿Kërai pa yandemborɨ yanderekove pe yayapo jare ñanemiari yave añete vae rupi?
Omenda vae reta oyapo jare oyemongeta añete rupi kavi yave, imenda oñemomɨ̈rata.
Oparavɨkɨ vae reta oyapo jare oyemongeta añete rupi kavi yave, iparavɨkɨ iya güɨrovia katu jese.
Opaete kia reta oyapo jare oyemongeta añete rupi kavi yave, mburuvicha reta omae kavi jese.
AMOGÜE RETA JEI VAE: “Apu michi mi vae mbaeä etei ko”.
¿Rerovia pa Jehová güiröɨro ko opaete apu reta? ¿Maera pa jökorai remopiensa?
YAYEMBOE MA VAE
Jehová oipota iamigo reta oyemongeta jare oyapo añete rupi kavi opaete mbaembae reta.
Emoësaka
¿Kërai yave pa yayemongetata jare yayapota añetete vae?
¿Maera pa yandepuereä ñañomi amogüe mbae Jehová güi?
¿Maera pa reipota reyemongeta jare reyapo ñoi añete rupi kavi?
EEKA KUAE
¿Cómo pueden los padres enseñar a sus hijos a ser honrados?
¿Qué recompensas recibirán quienes cumplen su palabra?
Analice si debemos pagar impuestos incluso cuando el dinero se use mal.
“¿Debe usted pagar impuestos?” (La Atalaya, 1 de septiembre de 2011)
¿Qué impulsó a un estafador a cambiar su vida y a convertirse en una persona honrada?
“Aprendí que Jehová es bueno y nos perdona” (La Atalaya, 1 de mayo de 2015)