YEMBOE 40
Kërai yaiko ikɨambae Tumpa oipota rami
Eyepɨayemongeta metei ichɨ iporoaɨu vae oñemimo ara ñavo ikɨambae reve jare oyoe opaete mbaembae oiporuta vae, yapepo, plato reta jare okaruta vae pe. Jökorai oikove katu oiko imembɨ jare kuae oechauka ïru reta pe oyangareko kavi jese. Jehová, yandeRu yanderaɨu yae vae, oipota yaiko yandekɨambae opaete mbaembae pe. Yaiko ikɨambae ikavi ko yandeveguarä jare oyemongeta kavi Tumpa re.
1. ¿Këraita yaiko yandekɨambae reve?
Jehová jei yandeve: “Peiko tee mbaeyoa güi” (1 Pedro 1:16). Yaiko tee mbaeyoa güi yave yaiko yandekɨambae física jare moralmente. Yaechauka yaiko yandekɨambae físicamente yayau avei yave, ñanoi yanderemimonde, yandero jare opaete mbaembae ikɨambae jare jenda pe kavi. Jaenunga vi yaitɨo yandeyemboatɨ renda. Yaiko yandekɨambae yave ïru reta ipuere omboete Jehová (2 Corintios 6:3, 4).
2. ¿Mbae vicio reta pa yaeyata yaiko vaerä yandekɨambae?
Biblia yandemboe: “Yayetɨo opaete mbae ikavimbae vae yanderete pegua güi jare yandepɨa pegua güi” (2 Corintios 7:1). Jáeramo ñañemomɨ̈rata agüɨye vaerä yamongɨa yanderete jare yandeyemongeta reta. Yaipota yamboyerovia Jehová, jáeramo ñañemomɨ̈rata agüɨye vaerä ñanoi yemongeta ikɨa vae (Salmo 19:14). Opaete yae vae ikɨambaeta ko (emongeta Colosenses 3:8).
¿Mbae ye pa ipuere yandemongɨa física ani moralmente? Amogüe mbae ipuere omongɨa yanderete vae. Jáeramo mbaetɨ yasingaro, yaichuu coca, yaiporu droga, ani mbaetɨ yau mbatee moa recetambae. Mbaetɨ yayapo kuae nunga reta yave yayangareko jare yamborespeta yanderekove. Yaiko yandekɨambae vaerä moralmente, ñañemomɨ̈rata jare yayembosɨrɨ opaete mbaembae ikɨa ani ikavimbae vae güi, masturbacióna ani pornografíab (Salmo 119:37; Efesios 5:5). Ipuere ko yavai ñamoamɨri kuae nunga mbaembae reta, ërei Jehová yandemborɨta (emongeta Isaías 41:13).
YAIKUAA KATU VAERÄ
Yayemboe kërai yaiko yandekɨambae yave yamboete Jehová jare yandepuere ñamoamɨri yandereko ikavimbae vae.
3. Yaiko yandekɨambae vae omboete Jehová
Yamongeta yave mborookuai reta Jehová omee israelita reta pe vae, yaikuaa Jehová peguarä ikavi ete ko ikɨambae vae. Pemongeta Éxodo 19:10 jare 30:17-19, jare peyemongeta jese:
¿Mbae pa yandemboe kuae versículo reta?
¿Mbae teko kavi reta pa yandemborɨ yaiko avei vaerä ikɨambae?
Ñamonecesita tiempo jare mɨ̈rata yaiko avei vaerä ikɨambae. Oipotagüe yaikoa rupi yandepuere yaiko yandekɨambae, yepe tëi yandeparavete ani yaiko katu. Pemae VIDEO re jare peyemongeta jese:
Kia reta ñamoërakua vae pe oecha yave yandembaembae ikɨambae vae, ¿ipuere ra omborɨ omboete vaerä Jehová? ¿Maera pa?
4. Emoamɨri vicio reta
Jehová yandemborɨta ñamoamɨri vaerä oipotagüe vicio.
Nde resingaro, ani reyepokuaa reu mbatee moa recetambae reve, ani reiporu yave droga, reikuaa kavi yavai yae ko reeya vaerä remomora vae. Oime mbae ipuere ndemborɨ jae ko ndepɨayemongeta yave mbae pa oasa oï nderekove ndive. Pemongeta Mateo 22:37-39, jare pemiari kërai singaro jare ïru vicio reta omboavai...
... kia güɨnoi amistad Jehová ndive.
... kia jëtara jare ïru kia reta pe.
Eyemongeta kërai ndepuere remoamɨri vaerä vicio reta.c Pemae VIDEO re.
Pemongeta 2 Corintios 4:7 jare peyemongeta jese:
Yerure, yemboe Biblia re jare yemboatɨ reta, ¿kërai pa kuae mbaembae ipuere omborɨ omoamɨri vaerä metei vicio? ¿Maera pa reyemongeta jökorai?
5. Eñemomɨ̈rata agüɨye vaerä reyapo ani reyemongeta ikɨa vae re
Pemongeta Colosenses 3:5 jare peyemongeta jese:
¿Kërai pa yaikuaa pornografía, sexteod jare masturbación jae ko mbae ikɨa Jehová omotareɨ vae?
¿Ikavi ra Jehová oipota yaiko moralmente ikɨambae vae? ¿Maera pa?
Eyemboe kërai remoamɨri vaerä yemongeta ikɨa vae. Pemae VIDEO re.
Jesús yandemboe metei ejemplo rupi mbae ko yayapota vae yaiko vaerä ikɨambae vae moralmente. Pemongeta Mateo 5:29, 30 jare peyemongeta jese:
Jesús mbaetɨ yandemboe yambopere vaerä yanderete, ërei yandemboe yayapo vaerä amogüe mbae yaeya ikavimbae vae. ¿Mbae etei pa yayapota yaeya vaerä yemongeta ikɨa vae?e
Reñemomɨ̈rata reï yave remoamɨri yemongeta ikɨa vae, erovia katu remboyerovia reï Jehová reyapo vae rupi. Pemongeta Salmo 103:13, 14 jare peyemongeta jese:
Reñemomɨ̈rata reï yave agüɨye vaerä reyapo ikaviä vae, ¿kuae versículo reta ndemborɨta pa jekuaeño reyapo vaerä ikavi vae? ¿Maera pa?
¡Agüɨye ndekuérai! Yepe tëi reyavɨ mbaetɨ ko neñamɨri
Ipuere reyemongeta “Ayavɨ ye ma; chepuereä ma”. Ërei eyemongeta kuae re. Kia osɨi carrera pe vae ërei oyepɨaka, jekuaeño ipuere opüa ye osɨi mbaetɨta ko omboɨpɨ ye carrera. Jökoraiño vi, nde reyavɨ ye nde vicio yave mbaetɨ ko nemoamɨri ma. Jókuae mbaetɨ ko omboai reyapogüe. Kia oipota oeya ivicio vae ipuere ko oyavɨ ye. Jáeramo ¡agüɨye ndekuérai! Jehová ndemborɨta remoamɨri oipotagüe vicio.
AMOGÜE RETA JEI VAE: “Kuae vicio, chepuereä aeya”.
¿Mbae nunga texto bíblico reiporuta reechauka vaerä jókuae kia pe, Jehová omborɨta omoamɨri oipotagüe vicio?
YAYEMBOE MA VAE
Yamboyerovia Jehová ñanoi yave yanderete, yandeyemongeta jare yandereko ikɨambae vae.
Emoësaka
¿Maera pa ikavi ete yaiko ikɨambae vae?
¿Mbae pa yayapota yaiko vaerä ikɨambae yanderete jare yandembaembae reta?
¿Mbae pa yayapota yandereko jare yandeyemongeta reta jekuaeño oiko vaerä ikɨambae?
EEKA KUAE
Aunque nuestros recursos sean limitados, ¿qué cosas básicas podemos hacer para estar limpios?
Lea algunas recomendaciones que le pueden ayudar a dejar de fumar.
Descubra los efectos de la pornografía.
“La pornografía: ¿inofensiva o perjudicial?” (La Atalaya, 1 de agosto de 2013)
Vea lo que hizo un hombre para dejar atrás el vicio de ver pornografía.
“Sufrí muchas recaídas hasta que lo logré” (La Atalaya, núm. 4 2016)
a Masturbación jae ko kia opoko yave iórgano genital re, güɨnoi vaerä placer sexual.
b Pornografía jae ko omae, omongeta ani oendu vae amogüe mbaembae sexual regua, jare omokɨ̈reɨ oyapo vaerä ikavimbae vae.
c Remoamɨri vaerä metei vicio, emongeta kuae yemboe pe oï vae “Cómo dejar de fumar” sección “Eeka kuae” pe.
d Sextear jae ko omondo mensaje, imagen ani video reta contenido sexual regua celular ani computadora rupi.
e Reikuaa vaerä remoamɨri masturbación, emongeta yemboe 25 tembikuatía Lo que los jóvenes preguntan. Respuestas prácticas (volumen 1), itema jei “¿Podré vencer el hábito de la masturbación?”.