Daniel
20 ”’Kan nu tusr kølik mur tsik tøkaik asikpe, tru tusrpe srømpalasrønkatik nuraikkutri, chu Pirausrønkutri tru tusrpe kenapasraik køn, 21 latrø tap ishimera tøkaik mayelai asik, mamik nikap, trektøwai tru tusr umpupe ushamerape tap warap incha kualikmerayupe illimera lemarøp, 22 nai rey tru, tusrpe ñi køn, kakentø ñui aship karup waikpe latrø nuik misrøp, srømpalasrønkatik pup pasran, trektøwai ñi aship karup waikpe Pirø mupa kuimpurap pup pasran. 23 ”’Reype srømpalasrønkutri kan aship pasrapik, Tiuswaintø tarømariik, køtra atrik ashipik køn nøpe trentaik mørik køn: “Tusrwan paraik, inchentø parinuk srølmera pañau ka pasrøpasa, cobretøka tsantsøntøka, kitra pasraik cha. Serenu peñip pasrøntrun siete pilamera purayamnekatik ushamerapa pasrøntrai”. 24 Ñi øyeek asikpe, na trenchitrainchar Mayelaim Pala Pasrapik trentan reywan chi puraintrapikwan. 25 Ñipe møkelø utukutri wekutsik køp, ushamerapa tsuntrun toromera latawai pu mantrun. Serenu tap tsuntrun, siete pilamera purayamne, tru Mayelaim Pala Pasrapik yu Pirau Nu Karupik kui yu Pirau nø asha karuntrai wesrupik kui ñi nepua asamnekatik. 26 ”’Inchentø, tusr parinuk srølmera pañau ka pasrøntrun taikkutri, ñipe katøyu aship karup wamisrtrun Tius srømpalasrø wapik aship karup wapik kui ñi nepua asamnekatik. 34 “Øyeek chap puraipen, na, Nabucodonosor, srømpalasrømay neesha katøyu tur tammisren Mayaleim Pala Pasrapikwan tap intik køntrai marøp; manakatik øsik wapikwan trupa tapik wamintik køn, kakentø ñi aship karup waikpe katøle srøik srøik misak kutra atruik mørik ñipe pasrapik køn. 35 Ñipape, yu Pirau mumerapaken lata maramkeik køn, nøpe nun maik køntrain køpen, nøpe treek marøpik køn srømpala lata yu Pirau lata ñune muken søtøkatømøwai. ‘Ñuñe ¿chi marøp waku?’ cha paíkmøwai inchipelø køn. 36 “Tru urastø tur tammisren nai aship karup waikpe katø tørkekualmapik misrøp, nai misakmera nane katøken tap utik køn. Aship karupeløpe katø naimay amtrup; na aship karuikwan, nan katø tranen mas nuik misrik køn.