Srøik metrap pera ashipikpa pakatø ishumpurmera kørmeløpa

Josué israelitasmeran latrø yana tap maywan amtrai purukup uña, yantø 110 pilamera tøkakua kuaik køn. Nø kuapen israelitasmerape pek tiusmeran adorap mentik køn Canaánsrø misakmera latawai. Israelitasmera Jeupawan mørmuikkutri Canaánsrik rey Jabín nømun chine marinkucha Jeupape purømisrmuik køn. Treekkutri, israelitasmerape tømpasra Jeupawan purukutra cha miapen, srøik katøkan pera ashipik Barac taikwan tranik køn. Nøpe Jeupawan katøyu adorantrai purukuntrapik kuik køn.

Kan ishuk Débora taik, Tiuswaiwan eshkapik, Baracwan wamøntrap øra, Tius nun chi eshkaikwan eshkantrap isua trentaik køn: “Cisón lamø pi pulusrømay intrø, 10.000 møkelø pera Jabínwai ejércitopa kuayantrap, ñipe Sísaran pera aship pasrapikwan kanantrap køn cha”. Inchen Baracpe Déboran trencha løtik køn: “Intrur cha, inchentø ñi napa atrupene”. Déborape trentaik køn: “Ñipa na intrur, inchentø ñipe nepua asha kømik køn Jeupa trentaikwan, tru Sísaran ñi kuechimøtø kan ishuk misak kuetchun taikwan”.

Tabor tunsrø Déborape Baracpa nui ejércitopa kuayantrap, tamartrap nepampik køn. Sísara wam mørape nui kuayain karrumeranpa nui ejércitomeranpa pinak chaksrø kuayantrap tamarik køn. Déborape Baracwan trentaik køn: “Jeupape ñi kanantrai martrun cha”. Inchen Barac nui 10.000elan pera tunsrønkutri køtraampik køn Sísarai ejércitopa kuayantrap.

Trukutri Jeupa Cisón piwan welultrai maren Sísarai karrumerape chillikukutri wepamtrap kaimapen, nøpe karruyukutri welula yaik køn, trune Barac nui suldaumerapa Sísarai ejércitomeran kanapen, Sísarape welula yape kan ishuk misak Jaelwai karpa yausrø trupik køn. Jaelpe pitsø srøtra, kintrai cobija tsinsrøpen, nøpe muraaraik kua, kip tintik køn. Inchen Jaelpe niløchiktø pulu pua, kan tsik tsøptøka Sísarai turyu kelartrap kuam kuanik køn.

Inchen Baracpe Sísaran lap pupen, Jaelpe nui karpayukutri wepia trentaik køn: “Ñi møk lap unikpe yusrø tsun, kepamø cha”. Barac kepipine Sísara kuain tsuik ashipik køn. Trukutri Baracpa Déborapa Jeupawayasik miiirapelø køn tap intik køntrai kanantrai purukuikkutri. Inchen israelitasmerape 40 pilamerakatik pishintø tap waraik køn.