Jeupa Samuelwan wamintik køn

Sumo sacerdote Elípe pa nusrkalø tøkaik kuik køn: Hofnípa Fineháspa. Nømpe tabernáculosrø sacerdotes kuinkucha, Jeupawan møra marmøwai, misakmeran tap kømui aship, israelitasmera ushamera Jeupawayasik trantrap srua ampilan, nømpe latrø tap yauwan wesrua nømuyasik køtrømaren, Elípe nui nusrkalø trømpøik marøp kui ashentø manchimíik kuik køn. ¿Jeupape chi marik kuik kø?

Samuelpe Hofnípa Fineháspa lataik kømø, más unø kuinkucha, kalø marmíik kuikkutri Jeupape kasrak pasraik køn. Kan yem Samuel kip tsupen, nun wamik møra Elí kip tsuiksrø luløpik køn: “Yu pasrar chip”. Elípe trentaik køn: “Nama wamamømur, katø kintrap intrø cha”. Samuel tsumisrtrap ipen katøyu trektøwai puraipen yantø pøn piejesyu katøle wamwan møren, Elípe kuenta penik køn Jeupa kui, inchawai Samuelwan trentaik køn: “Katøyu ñun wamøpene trencha løtøntrik: ‘Eshkau Jeupa ñui karuintik mekapik mørøpwan chaʼ”.

Samuel kintrap ipen katø wamik mørøpik køn: “Samuel, Samuel cha”. Nøpe trencha løtapik køn: “Eshkau Jeupa ñui karuintik mekapik mørøpwan cha”. Jeupa trentaik køn: “Elíwan eshkau nunpa nui yawelanpa trømpøik puntrai martrap kur cha, kaken nai tabernáculoyu nui nusrkalø trømpøik marøp kui ashentø chiken marmuikkutri”. Løtsøpe Samuel tabernáculo yaskapwan kurtrap ya, kørik kuin pasraik køn sumo sacerdote Elíwan Jeupa maik taikwan eshkamik. Inchen Elípe Samuelwan wama trencha paipik køn: “Nai nusrkainchik, ¿Jeupa chi ta cha?”. Inchen Samuelpe chishtø eshkaik køn.

Samuel nurap yain kuintø, Jeupape nui trak linchipik misren, Israel ørøpa nepua asha kuik køn, Jeupape Samuelwan lawa wesruik kui nuimpurapikwan eshkaik køntraimpa, tap asha marøpik køntraimpa.