Tius nøtrelø marilø

1. Ñi nai umpusrø chi køpikwan,

tørkantø kelatrap ashipik køn.

Na wamisren na kutrøpen ñi ashipik,

nai isumuikwanken

Jeupa ñi asha køn.

Na nai usrai patsau wappatø

kønap wamisrmuatø ñi asik køn,

maik asrtøka na tap kal-lantrap kuikwan

manawai kilkayu

pørik lataik kuik køn.

Newan kusrepik ñitø køn chintrain yar,

ñi nøtrelø marilan unkua char.

Na løstøyu pella køtrømisrene

ñipe katø lantrap atrupsruintrun.

Nan muken ashmøntrai køpene,

¿na chu trupapsrueira ñuinukkutri?

Ni tun umpusrønken, ni pirø umpuken,

ñui kapyupe

naimpe chuken trupankeik køn.