Namui øsik uninuk Jeupa más nuik køn

1. Ñi yu Pirau chi køpikwan

mara pønsraikkutri

maya nuken unkua ter ñun

namui Møskai Jeupa.

Untakkutri treek marik køn,

namkucha trektøwai

nam chi tøkakuilan ñun trantrap

tiusmanta utøtruntrik.

2. Jesúspe piu umpu ulsraik køn,

Tiuswayelan martrap,

Tiuswai martrai karuilø

más nuik kui kenamartrap.

Tiuswai Wamwan tør eshkaik køn,

ñi mu kui nepua ashchai.

Katøkanelan mantraukutri

purukup unik kuik køn.

3. Jeupa nai øsik uninuk

naimpe ñi más nuik køn.

Manakatik Tiuswainkatø

tarømisrmø uñchur.

¡Jeupa ñi martrai karuilan

lelachimumøntrun!

Jeupawayelan kuamnekatik

na martrap intamøntrun.