KASRAK MIIRAIK 75
¡Tius nan ørtra, na yu pasrar!
1. Misakpe Tiuswai munchiwan
mintishintrap inchip pøntran,
Tiuswaimpurap isup pøntran
namun untaramíik køncha.
¿Nui munchin mu chish martrera?
¿Nui untakwan mu eshkantrera?
(ESTRIBILLO 1)
“¡Tius nan ørtra, na yu pasrar!
Na ñui munchin purømisrtrap.
Kasrak pasrar ñui munchin sruaintrap.
Na intrur, Tius nan ørtra”.
2. Møilø Tius kullaakik køn tan,
karupelanmetrik møran.
Taska marik tiuswan asan,
Tiuswan wentøpasrøp intan.
¿Tiuswai kualøm kuayaimpurap
mørmíikwan mu eshkantrera?
(ESTRIBILLO 2)
“¡Tius nan ørtra, na yu pasrar!
Na mørmeelan eshkamøntrun.
Kasrak pasrar ñui munchin sruaintrap.
Na intrur, Tius nan ørtra”.
3. Tammayelø isuin pusrkuai
køtrø kullaaraik putrøwa
nømui mantraupe muniran
kaikwan pinishintrapikwan.
¿Tiuspe nømpa pasrapik kui
tammayelan mu eshkantrera?
(ESTRIBILLO 3)
“¡Tius nan ørtra, na yu pasrar!
Tammayelan purukuntrap.
Kasrak pasrar ñui munchin sruaintrap.
Na intrur, Tius nan ørtra”.
(Trektøwai ash: Sal. 10:4; Ezeq. 9:4).