Bibliape latrø tapik køn

1. Bibliape katøkan kilka pørilø

lataik kømø latrø más tapik køn.

Jeupatøwai Biblian pørin karuik køn,

nam pishintø tap kuilø warøntrai.

Tiuspe møilø misakmeran wesrawa

nui chish møsikwan keta tranik køn,

martrai karuikwan nøm pøra pønsrøntrai,

inchakucha namun kusrenantrap.

2. Bibliape eshkan Jeupa mara pønsraik kui

srøtø møkwan srøtø ishukwanpa,

inchentø nøm Tiuswan wentøpasrik køn,

øyeekkutri namun kuamik nepun.

lnchen Jeupa nui Nusrkawan ørik køn

namun wesrantrap kuamikyukutri.

Bibliakutri nam nepua ashipelø ker

wentøsrøwai tapik attrap kuikwan.

3. Pirishikun maya misakmerapa

Jeupawainukkutri tap srø wamwan,

nømpe Tius martrai karuilan mørøppe

møilø Tiuswainkatø pøntramisrtrun.

Tiuswai Wamwan kualømmørik lewape

Tiuswaimay kemallchai purukuntrun,

inchakutri nui tapik tøkakuikwan

namkucha tøkakøntrap treek martrun.