15. ¿Religión Cierton Kusrenanøp Pasrapikwan Mantø Wetøtrantrap?

1 KAN RELIGIÓNTØ CIERTON KUSRENANØP PASRAN

“Trak yaskap køp, trak may køp køn, tru manakatik øsik waramikwaimpurap srua ipipe, tru maywan wetøtrapeløpe mamtø køn” (Mateo 7:14, TNM).

¿Biblia maik eshkainuk chishtø religiónmeran Tiuspe chincha tap kømui ashipik kø?

• Mateo 7:21-23

  Religionesyu nø ketriku maik karuikwan møra martrai kusrennamelane Tiuspe tap ashmíik køn.

• Mateo 7:13, 14

  Religiónyu cierton kusrenanøp pasrapipe manakatik øsik kømikwaimpurap sruaintrun. Religiónyu ciertonikwan kusrenanmíikpe pinisailø kømikwaimpurap sruaintrun.

• Mateo 7:16, 17

  Religión cierton kusrenanøp pasrøtashchappe truyu pøntrapelan chi martashchap asamik køn. Nampe chishtø religionesyu kan kansrø ammumik køn, masken Biblia chi taikwan asamik køn.

2 TIUSWAN KØRIPALA PØNTRAINUK SØLKANTØ MARAMIKPE KANTØ KØN

• 1 Tesalonicenses 2:13; 2 Timoteo 3:16, 17

  Biblia chi kusrenanikwantø kørewa kusrenanøp pasrau.

• Mateo 4:10; Juan 17:6

  Jeupawan køripala pasrau. Chutøkucha Tiuswai munchine pesannamøta.

• Juan 13:35

  Katøkanelan untaktøka ash.

• Juan 3:36; Hechos 4:12

  Jesús maik taikwan møra mar. Tiuspe Jesús kuaiktøka namun kaikyukutri kuamikyukutri wesrapik køn.

• Juan 18:36; Hechos 5:29

  Políticasyu purukup imumik køn.

• Mateo 6:10; 24:14

  Ñi misakmeran kusrennø, Tius Nø Aship Karup Waikpe nøtøwain køn cha, latrø trømpøik purep atrikwan patsøkøntrapik.

3 TIUS MAIK TAIKWAN MØRA MARAMIK KØN

¿Jeupawan køripala pasraikwan tap ashchaimpe ñi chi maramik kø?

• Santiago 2:19

  Tiuswan kørewatø kømøtø, ñi øsik uninuk Jeupa Bibliatøka maik karuikwan møra mar.

• Isaías 52:11; Apocalipsis 17:5

  Religiónmerayu ciertonikwan kusrenanmíikpe “Babilonia Purø Nuik” lataitøwain køn, nøm øyeek kusrenanøp pøntraikpe: Tiuspa, nusrkaimpa, espíritu santopa pønpe kantø køn cha kusrenanikwan, namui asr kuapen møsik køtrømisran cha kusrenanikwan, infiernomay ampan cha kusrenanikwan. Tius ilan tap ashmíik køn, nømpe treek kusrenanøp køpen.

• Apocalipsis 18:4, 8

  Yana palømøn Jeupa religiónmeran ciertonikwan kusrenanøp pøntrømelan pinishintrun. Religiónmerayu cierton kusrenanmíikwan ñipe tarømisramik køn.

• Marcos 10:28-30

  Møiløpe Jeupawayelan marmøntrai søtølultrun incha Jeupape ñune manaken tarømisrmøntrun.