KASRAK MIIRAIK 159
Maya nuken tapikwan Jeupawantø trankun
1. Ñi lataik muken kaakuintrun
untaraik Møskai Jeupa.
Nan ñui untakwan tranikwan,
¿mumay ñun pakaramera?
Na srømpalamay neeshene
ñi latrø nuik kui ashar.
Ñui tap lintikwan tranik køn
na sølkantik kømuinkucha.
(ESTRIBILLO)
Jeupa nai Tius, na miiraikwan mørtra,
ñuyasiktø køn Jeupa.
Untaraik Tius, Manakutri Wapik,
trupa tap intik køntrai,
¡ik tap wammeran ketar!
2. Na chikøpentø marilan
tap kui ashcha nai Jeupa.
Ñuimpurap tapik waminchai
øsik kømikwan tranik køn.
Ñuyelan marøp pasraikpe
nan kasrak køn karutan.
Tap mayu ip pasrøntraimpe
purukupikpe ñitø køn.
(ESTRIBILLO)
Jeupa nai Tius, na miiraikwan mørtra,
ñuyasiktø køn Jeupa.
Untaraik Tius, Manakutri Wapik,
trupa tap intik køntrai,
¡ik tap wammeran ketar!
3. Pøsrwan pølwan ñi marikpe
kusrepik kui na ashar.
Ñitø køn øyeek marøpik
latrø nu untak tøkakutri.
Pimera pirømerapa
køremkeik tapchelø køn.
Treekkutri unkua chintrai inchar
Marampurap Marøpik Tius.
(ESTRIBILLO)
Jeupa nai Tius, na miiraikwan mørtra,
ñuyasiktø køn Jeupa.
Untaraik Tius, Manakutri Wapik,
trupa tap intik køntrai,
¡ik tap wammeran ketar!
(Trektøwai ash: Sal. 96:1-10; 148:3, 7).