Jeupawaiwan Marøp Metrap Pera Pøntrapelai pørik

Untaraik nunelø nuchalø:

Tiuswanpa misakmeranpa untaktøka kuikpe, Mateo 28:​19, 20​yu karuikwan møra martrai purukupik køn. Truyu trenchipik køn: “Yu pirau maya misaameran mundøgucha na kusrenanigwan marøb melabelø kønrrai martrab amrrigay cha. Misakmeran piu umpu ulsrøp” (Mar. 12:​28-31). Mantraukutri untaktøka kuikpe nu purukupik køn. Ik untakpe “tru managatig øsig kømigwan tøgagønrrai chabguen” tarømarilan nømui mantrau pupik køn (Hech. 13:48).

Marikwane misakmeran chi wamintamikwan namui isupiku tøkakøp, asin kilkamerakucha tranamik tøkakøpelø kuik køn. Inchentø, møimpe misakmerapa más wamintamik palain ker. Misakmera chi isup kuikwaimpurap waminchene nømun untaktøka kui kenamartrun. Kan kan pek pek isupelø kuikkutri nøm chi palaikwan, chi isup putraikwan kuenta tøkakømik køn. ¡Ik fulletupe treek martrai purukuntrapik køn!

Ik fulletupe 12 kusrenaniløyu tap kenamarilø kusrenanøpik køn, misakmeran Cristoyelø køntrai untaktøka purukuntrapelø. Kan kan kusrenaniløpe Bibliayukutri wesruilø køn. Jesús kape srøtø siglosrø kan Cristoi wentautø uñipik, Tiuswaiwan kusrenanøp ampinuk tap kenamarilø. Misakmeran chi tamikwantø isumøtø, masken møya misakmeran mømaykøpen untak kenamartrap inchipelø ker. Ik fulletuyu tap kenamariløpe nam kusrenanøp ampinuk, latrø nu purukuntrapelø køn, møiløpe waminchip pølpasrinuk, katøkaneløpe katøle waminchap ampinuk inchen møiløpe Bibliayukutri kusrenanøp putrainuk latrø nu purukuntrapelø køn.

Ik kusrenanilan kusrep wawape tsøntatø isu, truik tap kenamariløtøka ñi tsuiksrø misakmeran mantø tap kusrenanamik. Misakmeran kusrenanøp ampinukpe, Jeupawanpa nømunpa untaktøka kuikpe más latrø nuik køn. Inchawai, tru untak nurantrai mur trantrø. Ñi treek marene, misakmeran Cristoyelø køntrai purukuntrun.

Ñimpa kanpalatø Jeupawayelan marøp kuikpe latrø nuik køn (Sof. 3:9). Ñim misakmeran Cristoyelø køntrai mantraukutri untaktøka purukuntrap mur trantrikwan, Jeupape ñimun latrø nu tapelø trantrun.