Tiuspe srømpalawanpa Pirøwanpa marik køn

Jeupape namui Ellmarøpik kuikkutri ketrikuwan nø mara pasrik køn, namui kaptøka asilan trektøwai asimeelankucha. Srøtøpe latrø yam ángelesmeran marik køn, ¿mumera kui nepua ashipik køtitru? Nømune namui kaptøkape Jeupawan latawai nepua asamkeilø køn. Srøtøchiktøpe, nun purukuntrapikwan marik køn. Nøpe estrellasmeran, planetasmeran, chi køpikwan Jeupawan maram purukuik køn. Nampe kan planetayu warapelø ker namui latrø tap Pirøchiku.

Trukutrimpe, Jeupape Pirøwan marik køn ushameran misakmeranpa truyu warøntrai. Incha Pirøwan pøsr tørkantø piløntrai marøp, tunmeran, nøtrø pimeran, pi luløpelan marik køn.

¿Trukutrimpe chi marik kø? Jeupape trentaik køn: “Kaumeran, shush tusrmeran, nøtrø tusrmeran martrap cha”. Treekkutri yantø Pirøpe lutøkutri mamikmera misrøp mentik køn: umera, maya ushameran, pala ampupelan, piyu ampupelan, pirau sraløpelan, kalulapenkumera latawai shush ushameran, trektøwai elefantesmera latawai nøtreløkucha marik køn. ¿Chi ushawan más kustaik kuku?

Inchen Jeupape srøtø ángelwan trentaik køn: “Srøtø møkwan markun cha”. Ushamera lataik kømø pekmaylø køntrapelø kuik køn, chikøpen marøp, waminchip, intsap, Tiuspa waminchapelø kuik køn. Nømpe Pirøwanpa ushameranpa tap aship tøkakøntrapelø kuik køn. ¿Srøtø møk mu kui nepua ashipik køtitru? Mu kui ashkun.