Tiuspe srøtø møkwanpa ishukwanpa marik køn

Jeupape Edén taiksrø kan ellmarin tul mara pasrik køn, truyupe umera, tusrmera, ushamera tøkaik. Trukutri Tiuspe pirøyu usrøtøka møkwan mara nui kim trapyu utrik køn. Truyukutri, ¿chi purayaik kera? ¡Møkpe øsikik misrik køn! Jeupape Adánwan tru ellmarin tulwan tap ashchai maya ushameran munchi pønsrøntrai karuik køn.

Jeupape Adánwan trentaik køn: “Tru tulyu chi tusryu mamikmerantøkucha ka mantrikay. Inchentø kan tusryuikwantøpe mamøntrikay kakentø truikwan map kualømpe ñimpe kuantrap køn cha”.

Yanayupe Jeupa trentaik køn: “Adánwan purukuntrapik martrap cha”. Inchawai Adánwan purø mur kinkarua nui tømpul tsutsikwan wesrua tru tsutsiktøkatøwai, nui srawan mara Eva munchi pasrik køn. Øyamay Adánpa Evapa srøtø yampuilø køntrai maren, Adánpe nui srawan nepua asha latrø kasrak trentaik køn: “¡Jeupape ka nai tømpul tsutsiktøka na lataitøwai kan misak maran cha!”.

Inchen Jeupape nømun trentaik køn: “Pirøwan netsøkanamik latrø yam urekmera tøkakøp, Pirøwan ellmarin tul Edén lataitøwai tapchik køntrai kuallchikay” taik køn, kakentø latrø kasrakelø køntrai isuikkutri. Inchentø treek pumuik køn, ¿chincha? Katøkan kusrenaninuk ashchap.