Kan tusr-unø naarapik

Moisés Madiánsrø 40 pilamera tsua trusrø kasherawa urekmera tøkamisrik køn. Kan kualøm Sinaí tunsrø upisha aship uñen køremkeik nepua asik køn, kan lamø tusr pilap pasrøpentø pachimø pasraik. Inchen Moisés tru tusr-unøyu kemallen kan wam trentaik mørøpik køn: “Más kemallmøta sandaliasmeran wesru, kakentø chish pirøchiku puna pasran cha”. Jeupa kuik køn kan ángelwaimpurap wamichip.

Inchen Moiséspe kørik kui nui maløwan pinap pula pasramisren, tru wampe trenchipik køn Moiséswan: “Na israelitasmeran purø trømpøik purep pasraik asikkutri egipciosmerainukkutri wesrantrap inchar tap pirøchiksrømay pera intrap. Inchawai ñun ørtrainchar truyukutri wesrantrai”. ¿Moiséspe kuara asha køtrømisrik kø chintera?

Inchen Moiséspe Jeupawan paya mørik køn: “¿Na Egiptosrø pupen mu øra cha paya mørene mantamø?”. Jeupape trentaik køn: “Abrahán, Isaac, Jacobwai Tius Jeupa øran chintrik cha”. Moiséspe trentaik køn: “Trentinkucha køremupene”. Inchen Jeupape nun purukuntrap kui kenamartrap trentaik køn: “Kan tsikwan ñi metratrawa kuchene ul misrtrun, inchen ñi møsryukutri katøyu kemørene tsik misrtrun cha. Ñi ikwan tap kenamarene misakmera kuenta køtrøntrun na ñun ørik kui”.

Moiséspe trentaik køn: “Nu misak utupe waminchap kaimapik kur cha”. Jeupape chi isumøta taik køn: “Wamintamikwane eshkatrumøn incha ñui nunek Aarón intrun ñun purukuntrap”. Møimpe sí yantø Jeupa nuim pulu purukup pasrøntrap kui nepua ashape nui yawelan Egiptosrømay pera yaik køn.