Wentøsrø chi puraintrapikwan Juanwan kenamarik

Apóstol Juan Patmossrø, kan islayu pishirai yau keeri wapen, Jesús 16palø tørkantø kenamarik køn, wentøsrø chi puraintrapikwan. Iløyupe Juan nepua asik køn, Jeupawai munchin mantø chish marik køntrapikwan, incha Nø Aship Karup Waik atrua, yu Pirau srømpalasrø latawai Tius nø karuikwan trektøwai martrap kui.

Juan øyeek asik køn: Srømpalasrø Jeupawan latrø nuiku aship karup wamisra wainukkutri sre pilapelø køpen, palaik trashipelø køpen, tørkerkualmap kepilapikwan. Pøtøkatanwane 24 køllik misakmera pøntraik asik køn nui kewa kuiløpe puløchelø, nui turyupe coronamera orotøka marik petsar incha tømpønsra Jeupawan adorapelø. Katøkanyupe, latrø yam søtø misakmera chuelø køpen pek pek trik waminchipelø Jeupawan adorap pøntraik asik køn. Upisha-unøpe Jesús køn, tru upishameran ashipik latawai øsik kømikwan tranøp pikapmerasrømay pera ipik. Katøkanyupe, Jesús yantø rey misra 24 køllik misakmerapa Nø Aship Karup wapen asik køn. Katøkanyupe, Jesús, Satanás Dragón taikpa, nui kuaimantsikmerapa kuayap kua, srømpalasrønkutri yu Piraumay pinøkutsikwan asik køn.

Katøkanyupe, tru upisha-unøpa 144.000 misakmerapa Sión tunyu pøntraik asik køn. Incha kan ángel srømpalasrønkutri Pirø pøtøpurap llirap unik asha trentaik mørøpik køn: “Tiuswane køriibala marøb, truba truba tabig wamindamig køn chib”.

Katøkanyupe, Armagedón kuayaikwan asik køn. Truyupe Jesúspa nui ejércitopa, Satanás aship karup pasraikwan pinisaik køn. Srape asinuk, tru srømpalasrømpa Piraupa mayelø kanpalatø pishintø waraikwan aship, katø Satanáswanpa nui wentautø ampupelanpa pinisaikwan aship, srømpalasrømpa Pirøyupa Jeupawai munchin chish kantø mara, nuntø adorap kuikwankucha asik køn.