KUSRENANIK 48
Tap linchipelan tap asha lau
Tap linchipeløpe nam kasraktø amøñintrai marøpelø køn. Trektøwai namun trømpø kualømmera pupene namui linchipelø purukupen murik kømøn, ka awantamtik køn. Inchentø, ashiptø lau, Bibliape trenchipik køn søteløpape tap linchipelø kømøn cha. Treek kuik køpene, ¿namui linchipelane mantø lantrap? Ik paya mørilan isu.
1. ¿Mantø pekmay isunkaruntrera ñui linchipeløpe?
Kanmaywane linchipeløpa mas lincha puraampinkatikpe, srapepe namkucha nøm latailøtøwai marøpelø misrtrun. Øyeek pureppe nam linchipeløpa lintinuktø puraimøtø, redes socialesyukucha puraipik køn. Ikwaimpurap Bibliape tørtø eshkapik køn: “Kusrepeløpa uñipikpe trektøwai kusrepik misrtrun, pero tontosmerapa linchipikpe [misakmera Jeupawan untarameløpa] kalø intrun cha” (Proverbios 13:20). Tap linchipelø Jeupawantø untarap adorapeløpe ñun purukuntrun Jeupawan trak kemalla pasramik, trektøwai nam øsik amønainuk tap isua maramik køntrai. Katøkanpurappe, ñi kungrekasiunyu pøntrømeløpa mas trak linchene, Jeupawainukkutrinken ñun tarømartrun. Treekkutriwai Bibliape eshkan, namui linchipelan tap asha lantrai. Namui linchipelø Tiuswan untarapelø køpene, søteløpa tap amønamik køntrun. Øyamay marinkatikpe, ik tap wammeran møra martrun: “Kangurrin kangurri masken treeg melamigwan isunrraimba, katøguchinguen tab mur isua pønrramisrøb amrraimba kangurrin kangurri puruguyay” (1 Tesalonicenses 5:11).
2. ¿Jeupape ñi tap linchipelø lantrai isupik kø chintera?
Jeupama tap asha lapik køn nui linchipelan. Inchawai, nø “søl marøpelane trak kantø lincha pasrapik køn” (Proverbios 3:32). ¿Jeupawan untarameløpa nam lincha amøñipene nøpe maik mørøraik wapik kera? ¡Nøpe purø køtrø isui wapik køn! (Leu Santiago 4:4). Katøkanpurappe, kaik marøpeløpa amøñimupene Jeupawantø trak kemallip, nun untarapelankucha kemallchun, Jeupape latrø kasrak wantrun incha nui linchipelø køntrai inchun (Salmo 15:1-4).
MAS NEPUA KUSREU
Møimpe nepua ashkun chinchatre tapik kui namui linchipelan tap asha lamik, trektøwai mantø tap linchipelø martrap ñui øsik uninuk cierton purukuntrapelø.
3. Kaik marøpeløpa linchip amøñimøntrappe ashipchiktø melay
Kaik marøpeløpa linchip Tiuswan untaramelø køn trektøwai Tius maik martrai karuilan marmelø køn. VIDEUN asay, yu videu asinuk pinaku paíkwan waminchap:
¿Namasiktøwain kuenta peñmø mantø kaik marøpeløpa linchip amøñipsruira?
Ley 1 Corintios 15:33, yu leinuk pinaku paíkwan waminchap:
Ñuimpurappe, ¿mumeratre tap linchimelø kera? ¿Chincha?
Ley Salmo 119:63, yu leinuk pinaku paíkwan waminchap:
¿Ñi tap linchipelø lappe møilan lamik kø?
Kan manzana treraikpe katøkanelankucha chishtø, trerankarupik køn. Inchen, ¿ñune kaik marøpelø linchene mantø mintishintrera?
4. Misakmera chuiløpakøpen tap linchipelø køntrun
Bibliape wamintan metrap Israelsrø Davidpa Jonatánpa tru edad latailø kømuinkucha, nøm pekmailø kuinkucha, latrø tap linchipelø kuikwan. Ley 1 Samuel 18:1, yu leinuk pinaku paíkwan waminchap:
Versículo eshkaimpala, ¿namui linchipeløpe nam latailøwai kømik kø chinta? ¿Chincha?
Ley Romanos 1:11, 12 yu leinuk pinaku paíkwan waminchap:
¿Jeupawan untaktøka pøntrapeløpe ampukutri ikutri mantø purukupelø kø?
¿Ik matsinøpe chu isuimøsrø mantø tap linchipelø wetøtraik kø? VIDEUN asay, yu videu asinuk pinaku paílan waminchap:
¿Akil kusrenanik yayu linchipelaimpurap møskaløpe chinchatre isuintelø putraik kø?
¿Srøtøpe Akilpe chinchatre tap asik kø kusrenanik yayu nui linchipeløpa unamik?
¿Nøtø pasrarmap isumøntrap nøpe chi marik kø?
5. Chi martrap tap linchipelø tøkakøntrappe
Nepua ash mantø tap linchipelø wetøtramikwan, trektøwai ñikucha mantø tap linchipik kømikwan. VIDEUN asay.
Ley Proverbios 18:24 incha 27:17, yu leinuk pinaku paílan waminchap:
¿Tap linchipeløpe mantø purukuyapelø kø?
¿Proverbios eshkaimpala ñipe tap linchipelø tøkaik køtitru? Treek kømupene, ¿tap linchipelø tøkakøntrap chi marøpsruku?
Ley Filipenses 2:4, yu leinuk pinaku paíkwan waminchap:
Ñi tap linchipelø tøkakøntrappe, ñikucha tap linchipik kømik køn. ¿Ikwan mantø marøpsruku?
Tap linchipelø tøkakøntrappe, ñikucha tap linchipik kømik køn.
MØILØPE TREEK ISUPELØ KØN: “Natø pesrøkui wamøntrappe tap linchipelø kømuinkucha nape linchipik kur”.
¿Ñipe chi isuku?
¿CHI KUSREKU?
Tap linchipelø lawa wetøtrainkatikpe namune tap intrun trektøwai Jeupawankucha kasrarantrun.
Kusreikwan katøle isuntrap
¿Chinchatre isupik kø Jeupape nam tap linchipelø lantrai?
¿Maik misakmerapatre linchimumik kø?
¿Ñipe chi marøpsruku tap linchipelø tøkakøntrappe?
MAS NEPUA ASH
Mur kualømmera pupen namun trak linchipelø mantø purukupelø kuikwan ash.
Chi maramikwan nepua ash tap linchipelø tøkakøntrappe.
¿Internetyu linchipelaimpurap chi nepua asamik kø?
Kan møk chinchakutritre nui linchipelan yunømarikwan leu “Møskai tøkakøntrap køtrø isupik kuik køn”.
“Tiuswai Wampe nømui øsik amønaikwan yunømartrai purukuik køn” (Asha Eshkapik, 1 abril 2012wai)