KUSRENANIK 53

Ñi kasraktø puraintrap chikøpen marape Jeupa tap ashchai mar

Edición impresa

Jeupape latrø tap wap Tius køn (1 Timoteo 1:11). Jeupape isupik køn nam kasraktø amøñintrai, trektøwai mentra kuallmøtø, isramik utø wesrantrai. Ik kusrenaniku ashchun, nam chi maramik chikar putrøwape mømay kasraktø puraampamikwan incha Jeupakucha truilan tap kui ashchai.

1. ¿Kasraktø puraamtrap martraptø chiwan kuenta tøkakømik kø?

¿Ñi tap kasraktø utø puraintrap chi maram kustaik kuku? Møiløpe yau putramisra kilkameran lep, músican mørøp, película aship kape internet aship køtrømisrøpelø køn. Katøkaneløpe nømui linchipeløpa yaukutri wepaampa lultrap, pirøntrap kape eshetrap ampupelø køn. Chikøpen maram kustainkucha “Señorwan tab kui wanrrai” maramik køn (Efesios 5:10). ¿Ikwan chincha tørtø tøkakømik kø? Kakentø møya misakmera kasraktø puraamtrap marikwan møilane Jeupa tsalø ashipik køn. Por ejemplo, kuayap namik chine marilan, trømpøik marilan, kuaimantsikmeraimpurap marilankucha (leu Salmo 11:5). ¿Trupe mantø tap isua martrap?

Nam Jeupawan untarapeløpa linchene, kasraktø puraamtrap marikwan tap isua martrai purukuntrun. Kusrenanik 48yu kusreik køn, tru “kusrepeløpa uñipikpe trektøwai kusrepik mistrun”. Katøkanpurappe, Jeupawan maik karuikwan mørmeløpa linchene “kalø intrun” (Proverbios 13:20).

2. ¿Kasraktø puraamtrap utø wesruikpa chincha ashiptø kømik kø?

Nam kasraktø puraamtrap marilan tap asha marinkucha truyutø mentra utø kepasrmøntrap ashiptø kømik køn. Treek marmuiksruantøpe mas tapikwaimpe utøpe nepumøntrun. Biblia trenchipik køn: “Chigøben tabig maramdiig pubene, [tru utøpa] treegwan ka purainrraindø ashatø pønrrømøtay” cha (leu Efesios 5:15, 16).

MAS NEPUA KUSREU

Kasraktø puraamtrap tap asha maramikwan ashkun.

3. Kasraktø tap puraamtrappe trømpøikwan ashmøta

¿Chincha tap asha kemøramik kø? VIDEUN asay, yu videu asinuk pinaku paíkwan waminchap:

VIDEU: ¿Chi mariktøka kasraktø puraamtrap? (4:39)

¿Metrap Romasrø asha eshekiløpa møya møilø eshekiløpa chiyutre trektøwain kø?
Videu kenamarimpala, ¿Dannype chi kusreik kø?

Ley Romanos 12:9, yu leinuk pinaku paíkwan waminchap:

¿Ik versículope mantø purukuntrera kasraktø tap puraamtrap tap asha maramik?

¿Jeupape chimerantøtre tsalø ashipik kø? Ley Proverbios 6:16, 17 incha Gálatas 5:19-21, yu leinuk pinaku paíkwan waminchap:

Ik versículosmera kenamariløyukutri, ¿møin kualøm misakmera chi maramik chikar putrøwa møilan mas marøk kui inchipelø kø?

Kasraktø puraamtraptø mantø tap asha maramik

Ikwan paya mør:

Chi kenamarøpikwan isu. ¿Jeupa tsalø asilan kenamarøpik kø chinta?
Utøwan isu. ¿Treekwan marikkutri mas tapikwan martrap kaimaimtik køntrauta?
¿Mupa køntrera? ¿Treek mariktøka Jeupawan untarameløpa mas utø puraintrauta?

Namun chi puraimøntraimpe yam kasrømaype ammumik køn. Trektøwai kasraktø puraamtrap marikpe trømpøik køpene ashmumik køn.

Kan karru mantra tarøpurap ip pasran. Wentau chap penin pasran.

4. Ñui utøyu tap asha mar

VIDEUN asay, yu videu asinuk pinaku paíkwan waminchap:

VIDEU: ¿Ñui utøyu tap asha marøp pasrøtitru? (2:45)

Videuyu kenamarinuk nøpe kalø marøp pasrømuinkucha, ¿nui utøpa chi tap kømøtiik marøp atrik kø?

Ley Filipenses 1:10, yu leinuk pinaku paíkwan waminchap:

¿Ik versículope mantø purukuntrera maya utø wesrumik tru kasraktø puraamtrap marinuk?

5. Kasraktø puraamtrap marinuk tapik køtashchap lau

Kasraktø puraamtrap marikwan møilane Jeupa tap ashmíik køn. Inchentø møilane sí tap ashipik køn, truilane ka maramtik køn. Ley Eclesiastés 8:15 incha Filipenses 4:8, yu leinuk pinaku paíkwan waminchap:

¿Ñipe chi mariktøkatre kasraktø puraipik kuku?

Pisilø: Misakmera chuiløkøpensreelø kasraktø tap utø puraampupkøn. 1. Kan srusrø-unø música mørøp piship wan. 2. Pønelø Basket eshekøpkøn. 3. Møk-unø bicicleta itø wanar. 4. Kan unø karrupa eshekøp wan. 5. Kan møk pali ichip pasran. 6. Kan unø nui møskaimpa videosjuegos eshekøp putran. 7. Kan ishuk fotosmera wesrap. — Tapelantø marøp kasraktø purampamtik køn.

MØILØPE TREEK ISUPELØ KØN: “Kuaimantsikmeraimpurap marilø, sexo, kuayap namik chine marilan asiktøpe kaik kømøn cha, tru øyeelan mariløtre kaik køn cha”.