Ñun søtøkatap mentøpen ka awantamtik køntrun

Chu uraskøpen Cristoi wentautø ampupeløpe søtøkatinap kape pasrarinap melamik nepupen, ¿truikpe namun kuarøsrøntrauta?

1. ¿Namun søtøkatap mentøpen chincha kuara ashmelø køpra?

Bibliape tør eshkapik køn: “Mutøgucha Cristo Jesúsweimburabeløyu tabig amøñinrrab inchibeløbe, isa kømøtø, kaig indinab melamig kønrrun [cha]” (2 Timoteo 3:12). Jesúsma Satanáswai mundoyuik kømuikkutri nun pasrarik køpik køn. Namkucha yu Pirauelø kømuikkutri metrap aship karup putrapelø, religiónmerapa søtøpøntramisrinkucha kuara ashmelø ker (Juan 15:18, 19).

2. ¿Møinkutri mantø tamarøp amtrap?

Møinkutri Jeupawainuktø kørewa mas munirap pøntramik køn. ¿Treekwan mantø martrap? Kualømmørik Tiuspa waminchip, Biblian lemik utø wesrup, tuluntsuninukmay palømø ampup intamik køn. Treek marene pasrarinkucha mur pasramik purukuntrun, namui yaumpuiløken søtøpøntramisrinkucha. Apóstol Pabloma, pasrarinap mekapik, trentaik køn: Nan purukupikpe Jeupa nø køpen, “nabe chigucha kørmumønrrun cha” (Hebreos 13:6).

Trektøwai Jeupawaiwan waminchip ampene kørmø pøntramik purukuntrun. Kakentø Jeupawaiwan kusrenanøp ampene, Jeupawainuktø munirap, misakmeran kørmø pøntramik purukuntrun (Proverbios 29:25). Møinkutri kørmø tap tamara pøntrøpen, yu Pirau aship karup putrapelø søtøkatinkucha ka kusrenanøp amtrun (1 Tesalonicenses 2:2).

3. ¿Namun mantø purukuntrera pasrarinkucha mur awantap pøntrøpen?

Pasrarilø kømik chiken tap kømuinkucha kullaramø awantap pøntrøpene, namui fe mas nurantrai purukuntrun. Trektøwai metraptø amtrap kaimamuitamap isup meløpen nui purukuikwan ashen, Jeupawan mas kementamik purukupik køn (leu Santiago 1:2-4). Nam isui kiship amøñipen, Jeupape trupa isui inchipik køn. Inchentø nam kullaramø ka awantap meløpene, Jeupape latrø tap kui wan. Bibliape trentan: “Nim sølgandø marikkurri maig købash indinab tammay melaptø melaibe, treebeguendø Tiusweimbe truba tabig køn [cha]” (1 Pedro 2:20). Jeupawainkatøtø melapeløpe manakatik øsik kømikwan ketik uta, truyupe Jeupawayelan ka marøp køntrun søtøkatøntrapelø chikaawain køpen (Mateo 24:13).

MAS NEPUA KUSREU

4. Ñui yawelø søtøpøntramisrinkucha ka awantamtik køntrun

Jesúspe tør tøkakuik køn namui yawelø møiløpe Jeupawayelan maren tap kømui ashchap kui. Ley Mateo 10:34-36, yu leinuk pinaku paíkwan waminchap:

• Møikkøpen Jeupawayelan martrap pasramisrene, ¿nui yaweløpe chi martrera?

VIDEU: Jeupape namune manaken elachimuik køn (5:13)

• Kan yawik kape kan linchipik Jeupawayelan marmøntrai inchene, ¿ñipe chi marøpsruku?

Ley Salmo 27:10 incha Mateo 19:29, yu leinuk pinaku paílan waminchap:

• ¿Ñui yawelø kape ñui linchipelø søtøpøntramisrinkucha Jeupape chi martrap køtrømisra? ¿Ikpe ñun mantø purukuntrera?

5. Søtøkatinkucha Jeupawayelan ka marøp intrø

VIDEU: Søtøkatinkucha kørmø pøntran (6:27)

• ¿Ik videuyuik nuchalø tap kenamariløpe ñun kørmø pasrøntrai mantø purukupik kø?

Ley Hechos 5:27-29 incha Hebreos 10:24, 25, yu leinuk pinaku paíkwan waminchap:

• ¿Chincha latrø nuik kø yu Pirau aship karup putrapelø Tiuswaiwan waminchimøntrai kape tuluntsunømøntrai søtøkatap mentøpen Jeupawayelan ka marøp ampamik?

6. Ñi ka awantap intrai Jeupape purukuntrun

VIDEU: Jeupape mur pasrøntrai purukutrautan (3:40)

• ¿Ik nuchalan mur pøntrøntrai chi purukuik kø?

Ley Romanos 8:35 incha 37-39, trukutrimpe 2 Corintios 4:7. Yu leinuk pinaku paíkwan waminchap:

• ¿Chikøpen murelø puinkucha ik versículosmerape nam kullaramø awantamtik kui mantø kenamara?

Ley Mateo 5:10-12, yu leinuk pinaku paíkwan waminchap:

• ¿Søtøkatinkucha ñipe chincha tap kui unamtik kø?

¿CHI KUSREKU?

Namun søtøkatinkucha nuyelan elachimø marene, Jeupape latrø tap kui wapik køn. ¡Nui purukuiktøkape ka awantamtik køntrun!

Kusreikwan katøle isuntrap

• Namun søtøkatap mentøpen, ¿chincha kuara ashmelø køpra?

• ¿Møinkutri mantø tamarøp amtrap?

• ¿Chikøpen murelø puinkucha Jeupawayelan ka marøp ampamtik kui chincha kørewa pasrøku?

MAS NEPUA ASH

Kan nunek pishirai yau wapen Jeupawainkatø pasramisrikkutri nøpe mantø purukuikwan ash.

Søtøkatinkucha ka awantap amkun (2:34)

Kan kasharawarmeran søtøkatinkucha Jeupawan tarømisrmø marøp amtrumik chi purukuikwan ash.

Chikuintøkucha Jeupawayelan ka marøp amtruik køn (7:14)

Pasrarilø kømik nepup atrupen, møinkutri mantø tamarøp pøntramikwan nepua ash.

“Pasrarilø kømik nepup atrupen møinkutri tamarøp amkun” (Asha Eshkapik, julio 2019wai)

¿Namui yawelø søtøkatap mentøpen nampe chi nepua asamik kø? ¿Yaweløpa mantø pishintø tap amøñintrap incha Jeupawan mantø tarømisrmø pøntrøntrap?

“Biblia ciertonikwan pishintø waramikwan sruatrumøn kan espada lataik misren sruatrun” (Asha Eshkapik, octubre 2017wai)