Tammay kømik

Jesús nø chi marik

VIDEU: Jesús kan møk ashchap kaimapikwan ashipik køntrai purukuik

1. VIDEUWAN ash kape Juan 9:​1-7 leu. Trukutri pinaku paílan isu:

1. ¿Jesúspe chiwanmetrik marik kera: kapkeikwan tamarik kø chintera, kape tap srø wammeranmetrik wamintik kø chintera? (Ash Juan 9:​35-38).

2. ¿Møkpe chincha Jesúswan mørtraptøwaim pasraik kø?

Jesús kenamarikwaimpurap nampe chi kusrentrap

2. Nampe misakmeraimpurap tap køntrai kui kenamarene nømpe mørtraptøwai pøntrøntrun.

Jesús latawai mar

3. Kanelan chikøpen puinuk ñun pui lataik isu. Misak maik mørøraikwan isu.

1. Ñitøwain paya mør: “¿Chimerantre isup waira? ¿Chiwan tap kui ashchera?”. Ilan paya mørene mantraukutri misakwan tammay kui kenamartrun.

2. Misak waminchip pasrøpene kalu pepa mør, treek marene nuimpurap tap køntrai isupik kui kenamartrun. Inchippa, tru misak nø maik isup waikwan, kape maik mørøraikwan waminchip mentøpene pekpurappe waminchimøta.

4. Kørikpala tammay waminchi. Kan misakwan lástima ashene nam mumay wamintinuk tør kenamartrun. Treekkutri, mantø tamikwan chi tamikwan tap isua waminchi. Pusrkuantø wammeratøkape waminchimøta.

5. Purukutrua chi. Tru misakwan purukumtik køpene puruku. Nam mupakøpen latrø tammayelø køpene nampa waminchaptøwai pøntrøntrun.