Políticosmera nilap incha isa waminchipelø: ¿Tius Nø Aship Karup Waik chi martrera?

Maya misakmera Pirø ørøpa aship karup putrapelø nilømøwai isa waminchimøwai treek køntrai munirapelø køn. 2023wai Pirø ørøpa kan paya mørik trenchipik køn: Pirø ørøpa aship karup putrapelan misakmerape chiken yantø køremkaik køn.a

Bibliayupe eshkapik køn kan Aship Karup waimpurap isa waminchimøwai, nilømøwai incha ketriku søl martrapipe tru Aship Karup Waik mu kui nepua ashchap, Tius Nø Aship Karup Waik køn incha truyu Aship Karup Wantrapikpe Jesucristo køn (Isaías 9:7).

Jesucristo yu Pirau uñip uras misakmeraimpurap chu urastøkucha tap warøntrai køtrø isupik kuik køn (Mateo 9:35,36). Tius Aship Karup Wainuk Nø Aship Karup Wantrapik kuik køppe sølkantø maramikwanpa, pishintø waramikwanpa tøka køntrai trantrun, Nø Aship Karup Waikwan tap utapelan (Salmo 72:12-14).