¿Namuyasik chi tap wammørøsrailø kø?

1. ¿Tiuspe namuyasik chi tap wammørøsrailø tøkakø?

Tiuspe misakmeran kasraktø warøntrai intan. Nø misakmeran untak køptø, Pirøwanpa truyu chi køpikwanpa chishtø mara pønsraik køn. Yana kømuatø, kiship waramikwan patsøkøntrun, Pirø mupa kuimpurap misak tap waramtik køntrai. Leu 1 Timoteo 2:3, 4.

Yu Pirau aship karup pøntrapeløpe møikken kuantrømeran, namik pøntramisra chine marøpelan, kuamikwan, patsøkøntrap kaima køn. Treek kuinkucha, kan tap wammørøsraik køn: Tiuspe yu Pirau aship karup pøntrapelan patsøka, Nø Aship Karup Wamikwan pasrtrun. Nui misakmerape pishintø, kuantrøkar, latrø tap waramik puntrun; ilan pestø martrun. Leu Apocalipsis 21:4; Isaías 33:24; 1 Corintios 15:24.

2. ¿Ik tap wammørøsrailan, chincha møramik palailø kø?

Kiship waramik chi kaantrai, Tiuspe yu Pirau kaik marøpelan metrik pinishintrun (Romanos 2:7, 8). ¿Ikwan mana martrera? Møi misakmeran chi pusrkuankaruntrapelan metrapsrønkutri Biblia chap eshkaik køn. Øyeek pup atrikkutri Tius yantø tamartrap kui, lutau pasraik ashipkøn. Leu 2 Timoteo 3:1-5.

3. ¿Nampe chi maramik kø?

Kan untak møskai wamintamik nepumupen, nø chi waminchap isuikwan kan kilkayu pøra, nui urekmeran ashchai tranik lataik Bibliape treek køn. Inchawai, nampe Tiuswan tap nepua ashchappe. Biblian asha kusremik køn. Truyu pørikpe møya kasraktø waramikwan eshkan, wentøsrø manakatik øsik kømikwan tøkakøntrai chi maramikwan kusrenanan. Inchen, ñi Biblian tap nepua asha kusrentrap utøpen, møiløpe tap kømui ashchun. Inchentø kullaramø, ñi metraptø kusrep ka yape, latrø tapik tranikwan utøntrun. Leu Lucas 6:22, 23; Apocalipsis 14:6, 7.