KUSRENANIK 47
¿Ñikan piu umpu ulsrøntrap tamara pasrøtitru?
Bibliayukutri nepua kusreikkutri, ñipe Jeupawan tap nepua ashipik kuintrun. Treekkutri, Jeupa maik taikwan møra marøp, ñui øsik uninuk yunømarøp intintrun. Inchentø Jeupawan nui øsik unikwan tranmøntrai kape piu umpu ulsrømøntrai søtøkatapelø tøkaik kuintrun. Ik kusrenanikupe nepua kusrentrun Biblia kusrep putrapelø piu umpu ulsrøntrap chi marikwan søtøkatapelø pøntrainkucha trektøwai ñikucha chi maramikwan nepua ashchun.
1. ¿Piu umpu ulsrøntraptø Biblian kutike nepua asamik kø chinta?
Ñi piu umpu ulsrøntrappe, Tiuswai “newan ciertonigwan nebua” asamik køn (1 Timoteo 2:4). Trenchippe piu umpu ulsrøntraptø ketrikuwan nepua asamikkucha kømøn, kakentø Cristoi wentautø yana amøñipeløken ka kusrep amtrupelø køn (Colosenses 1:9, 10). Treek kuintøkucha, ñipe Bibliayukutri møilan kusrenanilane sí tør srua kømik køn. Kungrekasiunyu pera aship pøntrapeløpe Bibliawaimpurap tap nepua ashipik køtashchap ñun nepua ashchai purukuntrun.
2. ¿Piu umpu ulsrøntraptø chi maramik kø?
Biblia trenchipik køn: “Ñimui kaig mariilan isua møra, Tiusweimay lliray [cha]” (leu Hechos 3:19). Ñipe treekwan marøppe piu umpu ulsrømuatø maramik køn. Trenchippe tru metrap kalø mariløkutri isuintik unikkutri Jeupawan ulø paymø pesannatra cha miamik køn. Trektøwai kalø marikwan wentøpasrøp Jeupa maik karuikwan møra martrap. Katøkanpurappe, kungrekasiunpa misra tuluntsuninukmay palømø atrup, Jeupawaimpurap kusrenantrap ip inchun piu umpu ulsraik kømuinkucha.
3. ¿Piu umpu ulsrøntrap chincha kørik kui inchimumik kø?
Møiløpe kørik kui mørøppe tru Jeupa maik karuikwan møra martrap kaimamuitamap isuikkutrin køn. Metrapsrø Tiuswai misakmera latawai, ñikucha tap kømøteløpe martrun. Jeupape sølkantelø køntraimpe muniramuikwan pesannamøta (leu Salmo 103:13, 14). Jeupape nø karuikwan martrap trantrøpen kasraktø wantrun. Incha, Jeupawai purukuikwan tøkar ker. Nøpe namun trenchipik køn: Nam nui untak køpikyukutrimpe “chigucha tarømartrab” kaimantrun cha (leu Romanos 8:38, 39).
MAS NEPUA KUSREU
Piu umpu ulsrøntrap chikøpen søtøpøntrainkucha purukuntrapelø pakatø ashkun: tru Jeupawan mas nepua aship, nui purukuikwan utap.
4. Jeupawan mas tap nepua ash
Piu umpu ulsrøntraptø Jeupawan tsapø ashipik kømik køn. Treek køpene, Jeupawan untarawa nun møra maramtik køntrun. Pirø mupa kuimpurap Biblian kusrep putrapelø mantø øyeek marikwan nepua ashchap, VIDEUN asay. Yu videu asinuk pinaku paíkwan waminchap:
Videu asimpala, ¿piu umpu ulsrøntrap Biblian kusrep putrapelan chi purukuik kø?
Ley Romanos 12:2, yu leinuk pinaku paílan waminchap:
¿Biblia kusrenaninukkutri inchippa chikøpen tør kømøta? ¿Jeupawaiwan waminchipelø ciertonikwan kusrenanøpelø kui kørepik køtitru?
Chikøpen tør kømupene, ¿chi marøpsruku?
5. Murtelø puinkucha metraptø wepintrø
Muntøkucha namui øsik amønaikwan Jeupawan trana piu umpu ulsrøpen, chikøpen murtelø pupik køn. Maik køpik kuikwan ashchap, VIDEUN asay. Yu videu asinuk pinaku paílan waminchap:
¿Narangerelpe Jeupawayelan martrap chi marik kø?
¿Jeupawan untak køpikpe nun mantø purukuik kø?
Ley Proverbios 29:25 incha 2 Timoteo 1:7, yu leinuk pinaku paíkwan waminchap:
Namun murtelø pupen, ¿kørmø metraptø amtrap chitre purukupik kø?
6. Jeupa ñun purukuntrap kui kørewa pasrau
Nun møra martrai Jeupape purukuntrun. VIDEUN asay, yu videu asinuk pinaku paílan waminchap:
Videu asimpala, ¿Biblian kusrep wapikpe piu umpu ulsrøntrap chincha kørik kui mørik kø?
¿Jeupawainuktø muniramik chi purukuik kø?
Ley Isaías 41:10, 13, yu leinuk pinaku paíkwan waminchap:
¿Nuimpurap martrap køtrømisrikwan Jeupa purukuntrap kui chincha kørewa pasrøntrap?
7. Jeupawan unkua chi ñun untaraimpurø
Ñun Jeupa untarapik kui pesannamupene, nun unkua chip, ñun chu urastøkucha møra martrai purukuntrun. Ley Salmo 40:5, yu leinuk pinaku paíkwan waminchap:
¿Jeupa ñun tapelø keta traninukkutri møikwan mas unkua chipik kuku?
Jeremías Tius maik karuikwan eshkapikma Jeupawanpa nui wamwanpa untarapik kua, Jeupawai munchi sruapasramik latrø tap kuik køn. Nøpe trentaik køn: “Ñui wammerape nai mantrøn kasrakik marik køn, kakentø ñui munchitøka pasrapik kur, oh, Jeupa Tius” (Jeremías 15:16). Møimpe yu pinaku paílan løtøntrap:
¿Jeupawaiwan waminchipik kømik chinchatre latrø tapchik kø?
¿Jeupawaiwan waminchipik køntrap piu umpu ulsramik ñun kustantrauta?
¿Ñun chikøpen søtøkatap pasraita?
¿Piu umpu ulsrøntrap chi martrap?
MØILØPE TREEK ISUPELØ KØN: “Piu umpu ulsramik kørik køtan cha, kakentø Jeupa maik karuikwan møra martrap kaimamuitamap”.
¿Ñikucha treek mørøraik inchipik køtitru?
¿CHI KUSREKU?
Murtelø puinkucha Jeupa purukuiktrawape piu umpu ulsrøntrun.
Kusreikwan katøle isuntrap
¿Piu umpu ulsrøntrap Bibliaimpurap maya nepua ashipik kømik kø?
¿Piu umpu ulsrøntrap chi maramik kø?
¿Piu umpu ulsrøntrap chincha kørik kui inchimumik kø?
MAS NEPUA ASH
¿Ñune chitre piu umpu ulsrøntrai purukuntrera?
“¿Ñikan piu umpu ulsrøntrap tamara pasrøtitru?” (Asha Eshkapik, marzo 2020wai)
Piu umpu ulsrømøntrai ñun søtøkatapelø pøntrainkucha mantø metraptø wepiamikwan ash.
“¿Na piu umpu ulsraik kømik chitre søtøpasra?” (Asha Eshkapik, marzo 2019wai)
Kan møk piu umpu ulsrøntrap chi marikwan ash.
Ataa srøtøpe piu umpu ulsrøntrap isumuinkucha treek martrap chi purukuikwan ash.