KUSRENANIK 42
¿Kasharawarmeran, nømtelan Bibliape chi eshkapik kø?
Møiløpe treek isupelø køn kasraktø uñchappe kasharamik køn cha. Pero, treek kømøn. Nømteløkucha kasrakelø amønamtik køn. Bibliape trenchipik køn kasherawar amøñipelø nømteløkucha kan ketik tøkar køn cha.
1. ¿Nømtelø amønaikpe chincha latrø tapik kø?
Bibliape trenchipik køn: “Tru kasharanrrab misri [...] kasharaig søldøwein køben, katø kasharamuibe mas tabguen køn [cha]” (leu 1 Corintios 7:32, 33, 38). Kasharamuikpe mas tapken køn cha chippe, tru kakentø srawaimpurap kape kekwaimpurap isumik kaakøn; treekkutri mas utøchik tøkar køn. Nømtelø kuikkutri Tiuswaiwan kusrenantrap chukøpensrø mas fácil ampamtik køn. Katøkane mas tap køppe, Jeupapa lintikwan mas trak misrtrai, mas utø wesrapelø køn.
2. ¿Kasharaikkucha chincha tapik kø?
Nømtelø lataik, kasharawarmerainkucha latrø tapik køn. Bibliape trenchipik køn kantø lataik kømø, pailøpe mas tap køn cha (Eclesiastés 4:9). Treek køpik køn kasharawarmerai Bibliayukutri ciertonelø pøntrapelan møra maren. Kilkameran tap tamara kasharawarmerape kørikpala, untak kenamarøp, pailø misra tap aship amøñintrap køtrømisrøpelø køn. Kasherawarmerape tap tamara køtrømisrikkutri linchatø warapelø latailø kømø, mentra isumø mas tap warapelø køn. Katøkanpurappe, nømui urekmeran tap nøtrøranøpelø køn.
3. ¿Kasharawarwaimpurap Jeupape chi isupik kø?
Jeupape Adánwanpa Evanpa kasharana, pønsra trentaik køn: “Møøbe møskawan, usran tarømisra, sraimba kandø” misrtrun cha (Génesis 2:24). Jeupape kekpa sraimpa pailø øsik warainkatikpe untak kenamarøp køntrai marik køn. Incha Jeupape kilka mara tarømisramikwane itølulentø køntrun taik køn. Inchentø treek puraipen, tarømisrtrappe itølulmø ka uñipik isua martrun (Mateo 19:9).a Yam sraimera, kekmera tøkakømikwan, Jeupape tap ashmøn kakentø kantø tøkakøntrai marik kua (1 Timoteo 3:2).
MAS NEPUA KUSREU
Ñi kasharawa uninuk kape ñitø uninuk Jeupawan kasraktø wantrai, ñikucha kasraktø uñchap chi maramikwan ashkun.
4. Ñitø kuinuk chikøpen nepua maramtik køntrun
Jesúswaimpe nømtø amønaikpe latrø tapik kui asik køn (Mateo 19:11, 12). Ley Mateo 4:23, yu leinuk pinaku paíkwan waminchap:
¿Jesús nøtik kuakucha nui Møskawanpa, katøkanelankucha purukuntrap chi marik kø?
Jesús latawai Tiuswai misakmerape nømteløkucha chikøpen newan maramtik køn. VIDEUN asay, yu videu asinuk pinaku paíkwan waminchap:
Trupe, ¿Tiuswai misakmera nømteløpe chitø nepua maramtik kera?
¿Nepua asha køtitru?
Bibliape eshkamøn mam pilayu kasharamikwan. Masken ne kølirawa kasharamik kui eshkapik køn, kakentø nui asr ne køliramuatø, chikøpen miatanmaptø marøpelø kuikkutri tap isua marmelø køn (1 Corintios 7:36).
5. Kasharantrappe tap asha lau
Mupakøpen kasharantrap tap asha lamik køn kakentø øyeek isua maramikpe manakatikwain køn. Ley Mateo 19:4-6, 9, yu leinuk pinaku paíkwan waminchap:
¿Cristoi wentautø uñipikpe kasharantraptø chincha tap isumik kø?
Kan tap kek, srai wetøtrantrai Bibliape purukuntrun. Inchentø møikkøpen Jeupawan untarapikwan lau.b Ley 1 Corintios 7:39 incha 2 Corintios 6:14. Yu leinuk pinaku paílan waminchap:
Kan Cristoi wentautø uñipikpe kasherantrap isuppe, ¿ñi latawai Jeupawan untarapikwan chincha lamik kø?
Ñi Jeupawan untaramíikpa kasharapen, ¿Jeupape maik mørørai inchera?
Pek pek ushameran araik tsikwan nukapala tratrønma pailø tap kømui mørtrun. Trektøwai, Tiuswai misakpe Jeupawan untaramíikpa kasharaiksruantøpe, tap amøñintrap kaimantrun.
6. Kasharaikwan Jeupa latawai ash
Metrapsrø Israelsrøma, tarømisrin kilkawan purøra kaakatøtre tarømisrøpelø kuik køn. Ley Malaquías 2:13, 14, 16, yu leinuk pinaku paíkwan waminchap:
Tarømisrin kilkawan kaakatøtre purøra tarømisren, ¿Jeupape chincha tap kømui ashipik kø?
Itølulikpe kape kilka purøra tarømisrikpe itølulmøta uñikpikwan, nui urekmeran køtrø isuik køtrømisrtrai marøpik køn.
VIDEUN asay, yu videu asinuk pinaku paíkwan waminchap:
Ñui srai kape ñui kek Jeupawan untaramíik køpene, ¿ñi nøpa kasraktø uñchap chi martrap?
7. Kasharapelan Jeupa chi martrai karuilan møra mar
Møilaimpe Jeupa kasharailaimpurø martrap karuilan møra maramik fácil kømui ashipelø køn.c Inchentø, fácil kømuinkucha møra maren, Jeupape tapeløtø tranøpik køn. VIDEUN asay.
Ley Hebreos 13:4, yu leinuk pinaku paíkwan waminchap:
¿Kasharapelan Jeupa martrai karuiløpe møra maramkailø kø chintera? ¿Ñipe chi isuku?
Jeupape nui misakmerape kasharaikwan kape tarømisrin kilkameran pøra køtrømartrai, munirap wan aship karupelø maik karuik treekke. Ley Tito 3:1, yu leinuk pinaku paíkwan waminchap:
Ñi chap kasharawa uñape, ¿aship karup putrapelai metrap kilkamera tap tamarik køtashchap nepua asha untitru?
MØILØPE TREEK ISUPELØ KØN: “Kasharamikpe palømøn, linchatø waraikpe tsapø køn cha”.
¿Ñipe manchintrap?
¿CHI KUSREKU?
Kasharaikwan, nømtø amønaikwankucha Jeupa keta tranik køn. Treekkutri, Jeupawan møra marinkatikpe kasharailø køntrun, nømtelø køntrun kasraktø amøñintrun.
Kusreikwan katøle isuntrap
¿Nøtik kuinuk chi tapeløtø nepua martrera?
¿Bibliape chincha karupik kera kan Jeupawan untarapiktøwaimpa kasharamik?
¿Bibliape chinchakutrintø kan kilka tamara tarømisramikwan eshka?
MAS NEPUA ASH
Bibliape trenchipik køn “Tiuswan ashibiiba” kasharamik køn cha. ¿Tru Tiuswan ashipikpe maik kø?
Par kasharantraptø chi marikwan ash. Ñun tap isua martrai purukuntrun.
Kan nunek Jeupa latrø tapelø tranikwan nepua asikwan ash.
Kan kilka mara tarømisrtrap kape mentamisrtrap isumuatø, ¿Cristoi wentautø uñipikpe chiwan cuenta tøkakømik kø?
“‘Tius kandø mara lindisaigwaneʼ tap ashkun” (Asha Eshkapik, diciembre2018wai)
b Peksrømpe møskaløtre nømui urekmeran kasharantrai nøm lawa tranøpelø køn. Treek kuintøkucha, tap møskaløpe latrø nøtrø tøkaikwan, puaikwan lawa tranmøtø; masken Jeupawan untarapikwan lawa tranøpelø køn.
c Ñi kasharamø linchatø tsuape, kasharantrappe kape tarømisrtrappe ñi isua marampuntrun.