KUSRENANIK 38
Øsik amøñintrai keta tranikwan unkua chikun
Øsik amønainukpe tapeløtø pupik køn, mur kualømmera puintøkucha kasraktø amøñintrai purukuntrapelø. ¿Ik keta tranikwan Jeupawan mantø unkua chintrap? ¿Chinchatre nuik kera Jeupawan unkua tamik?
1. ¿Namun øsik amønaikwan tranimpurø chincha unkua tamik kø?
Jeupa namui untakik Møskai namun øsik amønaikwan keta tranikkutri nampe unkua tamik køn. Nuinukkutrintø øsik kømikpe atrupik køn, kakentø øsik køpelan chishtø mara pønsraik køn (Salmo 36:9) “Nø køn […], mayeelan øsig kømigwan tranøb, israb amønamig kønrrai tranøb, katø chigurrimbunø tranøb inchibiibe” (Hechos 17:25, 28). Nam øsik amønainuk chi palapelan nø køn tranøpikpe. Trutø kømøtø, kasraktø amøñintrai marøpikpe (leu Hechos 14:17).
2. ¿Jeupa namun øsik amønaikwan tranimpurø mantø unkua chipelø kui kenamartrap?
Ñui usri ñun kuantrik køtrømisren, Jeupape ñune yantø asha pasraik køn. Bibliayu David Jeupawan trentaik køn: “Nai usrai patsø umpu møi formap wapentø ñui kapmerape asik køpik køncha” (Salmo 139:16). Ñi øsik unikpe Jeupawaimpe latrø nuik køn (leu Mateo 10:29-31). Jeupawan køtrø pusrkuankarupik køn kan misak katøkanwan kuetchen kape namasiktøwai kuam lapen (Éxodo 20:13).a Kape namui øsik unikwan katøkanelai øsik amønaikwan isuptø tøkakømupenkucha. Namui øsik amønaikwan Jeupa keta tranikkutri nampe unkua chintrappe, namui øsik amønaikwan katøkanelayasik amønaikwankucha isuptø tøkakømik køn.
MAS NEPUA KUSREU
Jeupa namun øsik amønaikwan keta tranikkutri mømaytø unkua tamikwan ashkun.
3. Ashiptø unamik køn ñui asrwan kuantrømisrmøntrai
Cristoi wentautø ampupeløpe, Jeupawan møra martrap køtrømisrikwan nømui øsik amønainuk nø maik martrai karupen asha marøpelø køn. Nømui asrmeran Tiuswaintø køntrai tarømarikkutri, nømui øsik amønaikwan ashiptø tøka amøñipelø køn. Ley Romanos 12:1, 2, yu leinuk pinaku paílan waminchap:
¿Chincha ashiptø unamik kø ñui asr kuantrø misrmøntrai?
¿Mømaytø treek martrap?
4. Namui øsik amønaikwan katøkanelai øsik amønaikwankucha isuptø maramik køn
Bibliape eshkapik køn namui øsik amønaikwan chikøpen puntraptik køpene isuptø maramik kui. Isuptø mantø maramik kui VIDEUN asay.
Ley Proverbios 22:3, yu leinuk pinaku chutø ashiptø tøkakømikwan ashchap…
… ñui yau.
… ñui lutø marinuk.
… chikøpen eshetraptø.
… karru sruntrappe kape karruyu intrappe.
5. Unøchik kal-lamuikwankucha lutø kuchimøta
David latrø tap wamcheløtøka trentaik køn, tru nø kal-lamø usrai patsø umpu maik nurap wapen, Jeupape isup aship wapik køn cha. Ley Salmo 139:13-17, yu leinuk pinaku paíkwan waminchap:
Jeupawaimpe, ¿øsik kømikpe mana pølpasrøpik kø: tru unø kal-lapen kape usri patsø kuantrik køtrømisrentøtø?
Metrapsrø Jeupa israelitasmeran martrai karuiløpe, ishumpur patsø kuantreelan unøchik kal-lamuikwankucha purømisrøpelø kui. Ley Éxodo 21:22, 23, yu leinuk pinaku paílan waminchap:
¿Unøchik kal-lamuikwan køtrinchap isua kømøtø lutø køtraipen Jeupape maik ashipik kø?
Inchen, ¿unøchik kal-lamuikwan køtrinchap isua lutø kuchape Jeupape maik ashipik kera?b
¿Tius øyeek isuinukkutri ñipe chi isuku?
Kan ishuk øsik unikwan latrø nuway kui ashipik kuintøkucha tap kømuikkutri lutø kutsamik isupsruintrun. Ley Isaías 41:10, yu leinuk pinaku paílan waminchap:
¿Kan ishukwan lutø kutchai inchene mun purukutra cha miamik kø? ¿Chincha?
MØILØPE TREEK ISUPELØ KØN: “Nai asr køpene lutø kutchappe na isua maramik køn cha”.
Jeupa patsø kuantrikwan, unøchik kal-lamuikwankucha lata øsikik kui ashipik kuikwan, ¿chincha treek kui asha pasrøku?
¿CHI KUSREKU?
Jeupa namui øsik amønaikwan keta tranik køn. Bibliape kusrenanøpik køn namui øsik amønaikwan untaktøka kørikpalatø trektøwai ashiptø amønamik kui.
Kusreikwan katøle isuntrap
¿Jeupawaimpe misakmerai øsik amønaikpe latrø nuik kui chincha nepua asha kø?
¿Jeupape maik mørøraik inchipik kera kan misak katøkanwan kuetchen kape namasiktøwai kuam lapen?
¿Ñi øsik amønaikwan ketimpurø unkua chipik køtitru? ¿Chincha?
MAS NEPUA ASH
¿Jeupa namun øsik amønaikwan tranimpurø mantø unkua chipelø kui kenamartrap?
El maravilloso regalo de la vida (kasrak miiraik 141) (2:41)
¿Metrap lutø kutsimpurø Tiuspe ulø payipik kø chinta?
“¿Bibliape lutø kutsamikwaimpurø manchipik kø?” (jw.org yu pørilø)
¿Tap puraamtrap chikøpen martraptø chincha isumik kø Tiuswaimpe tru namui øsik amønaikpe latrø nuik kui?
“¿Kuam lantraptelø eshekiløpe tapik kø chintera?” (¡Despertad!, 8 octubre 2000wai)
¿Mukøpen chikøpen mara kuantrap isupikwaimpe chi purukuntrera? Biblia mantø purukuntraptik kuikwan ash.
“¿Na kuantrap isupwai wan Bibliape cierton purukuntraptik kø chintera?” (jw.org yu pørilø)
a Jeupa latrø isui pusrkuai amøñipelan, truyukutri wesrantrap isupik køn (Salmo 34:18). Jeupape øyeek kuantrap isupelan, chincha øyeek isup putraikwan nepua asha purukuntrap isupik køn. Ashkun kan pøriku Jeupa mantø purukupik kuikwan: “¿Na kuantrap isupwai wan Bibliape cierton purukuntraptik kø chintera?”. Ik kusrenaniku “Mas nepua ash” yu wetøtrantrun.
b Metrapsrø lutø kuchipeløpe yantø isui inchimumik køn kakentø Jeupape metrap marimpurø ulø payimíik køn. Ikpurap mas nepua ashchappe “¿Bibliape lutø kutsamikwaimpurø manchipik kø?”, ik kusrenaniku “Mas nepua ash” yu wetøtrantrun.